التجمع السابع للحوامل اللواتي سيلدن بمشيئة الله في ديسمبر 2011

رونق الحياة 2008;15793927:
ام مشمش الف مبروك ويارب الاسبوع القادم بتشوفين مشمش بحضنك وانتم بالف صح وعافية

الله يبارك فيكي يا احلى رونق
ما تنسوش تدعولي خصوصا وقت العملية ان ربنا ينجيني وينجي ابني من اي خطر وافوق من البنج اشوفه بعيني بصحة وعافية

أم سلمى2007;15793957:

جبنا سيرة القط طلع ينط:lol:

هههههههههههههه

عمالين نقطع فى فروتك يا أم مشمش

إوعى تزعلى:adore:

وبعدين تعالى هنا ياهانم كل ده بتستحمى

إيه بتستحمى ليكى وللزمن :rolleyes:

هيهيهيهيهيييي ... اه تليفون يجيلي على تليفون افتكرت لازم اعمله على الاستحمام على الصلاة على قريت صفحتين تلاتة من المصحف على عملت شاي باللبن واكلت بقسماط وزيتون اسود على عمالة اهرش :lol:

رونق الحياة 2008;15793986:
ام مشمش بعد لالالالالالالالالالالالالازم تحضري معانا يوميا لحد يوم الثلاثاء لان بالسلامة بعد ما تقدرين تدخلين وتسولفين معانا فلازم الدخول اجباري الان هههههه

اوك حبيبتي ما تقلقوش بس يارب اقدر اوفق بين النت وبين الطلبات الي لازم اجهزها
ربي يهونها
بفكر اخد اللابتوب مايا المستشفى هيهيهيهي يمكن اقدر الائشي شبكة هناك لما افوق من العملية ابئة ابشركم ;)
او هاتوا ارقام موبايلاتكم ابعتلكم اس ام اسسسسسسسسس :lol::lol::lol:

ام مشمش الله يقومك بالسلامه يارب حاولي تجهزي مستلزماتك انتي وابنك خلال ها اليومين اما عن عفش غرفه مشمش مو مشكله يرتبها زوجك على مهله وهذه الاشكاليات مو ضروريه اهم شي انك تولدي وتقومي بالسلامه انتي ومشمش

ام مشمش من بكرا اطلعي كملي احتياجاتك لاتقولين بكرا وبكرا وبيضيع الوقت

أم سلمى2007;15794019:

يووووووووووووووووووووووووووووووووه عليكى ياولية

عقدتى الدنيا كده لييييييييييييييييييه

الموضوع بس محتاج شوية تنظيم والدنيا هتبقى زى الفل

أولا تعالى مع بعض كده نعمل قايمة وإكتبيها هنا إيه بالظبببببببببببط اللى ناقص

تعمليه؟؟؟

وبالأرقام يعنى رقمى القايمة

ثانيا مين حواليكى ممكن تستعينى بيه فى الخروج والشراء يعنى مثلا جارتك

اللى كانت راحت معاكى تحليل السكر

زوجة أخوكى؟؟

ثالثا:إيه الاوقات اللى ممكن يتوفر لك فيها زوجك بالسيارة ؟؟

يا حبيبتي يا ام سلمى ... فاكرة موضوع تحليل السكر وفاكرة جارتي ... بسم الله ماشاء الله عليك ربنا يحميكي ويبارك فيكي يارب
جارتي الله يبارك لها كلمتها ماكانتش موجودة ولما رجعت بنتها قالتلها اني اتصلت لئيتها بتخبط عليا
فبحكيلها الي حصل لئيتها بتعرض خدماتها على الاخر ... ربنا يبارك لها لو تسليم اثاث الغرفة كان بدري قبل ما اولد او وانا لسة في العمليات او اكون لسة خارجة وجوزي لسة ما اتطمنش عليسا هتفتح هي وتستلم الاوضة وتمضي وخلاص وتاني يوم تبئة تقف على ايد العمال وهم بيركبوا
ولو التسليم كان متأخر جوزي هيكون رجع البيت يبأة يستلم هو وجارتي تقف في التركيب
وكمان هتروح تشتري المرتبة وتشيلها على عربيتها وتجيبها لحد هنا قالتلي علشان لما ترجعي تبئة كل حاجة جاهزة
وعرضت عليا كمان قالتلي لو هتروحي على بيت مامتك قبل ما ترجعي بيتك هجيب الشغالة بتاعتي وانزل انظفلك الشقة بس اقفلي اوضة نومك انتي وجوزك بالمفتاح
بس انا قلتلها كتر خيرك اوي الشقة مش هتلحق تتوسخ لاني تقريبا هحاول اكلم الشغالة الي بتجيلي تيجي يوم الاتنين تنظف الشقة طبعا هتقولي مش فاضة وعندي ناس تانية في اليوم ده بس كل شيء بتمنه بأة هقولها اعتذري وانا هزودلك الاجرة في اليوم ده يارب توافق
علشان ما اتعبش جارتي اكتر من كدة كفاية الي هتعمله معايا الله يجازيها خير
بالنسبة لجوزي وتوافر العربية معاه ... باذن الله بكرة الصبح هيرجع من شغله وانا هنزل قبل اذان الظهر لدرس القرآن في المسجد ... اجي احضر الغدا ويصحى نتغدى ونريح شوية وبعدين نروح نعمل الواجب مع صاحبه الي اتجوز الي جبناله الهدية النهاردة علشان هو عمل معانا واجب في جوازنا وجاب هدية حلوة في الجاوز وفي عيد ميلاد جوزي الي فات فلازم نرد الهدية خصوصا انه اكيد هيجي يبارك في مشمش وهيبئة منظرنا وحش اوييييييي
يوم الجمعة بعد الصلاة باذن الله جوزي اجازة برده فهنروح كارفور نجيب طلبات وتموين الشهر ومن نفس المول نجيب من بيبي شوب الطلبات الي ناقصة مشمش ونشوف محلات هناك اجيب منها الحاجة الي ناقصاني
يوم السبت هو في الشغل ... ممكن انزل مع جارتي نشوف موضوع المرتبة او هي تنزل لوحدها تجيبها وانا اروح عند اهلي (اجهز نفسي هيهيهي :o سويت والذي منه) وارجع صد رد في نفس اليوم علشان لو يوم الاحد اجهز الشنطة والاثنين تنظيف الشقة ويارب الحق
اما اختي فهي في السعودية واخت جوزي زي قلتها
واخويا ومراته في امريكا

يارب تمشي الامور مثل ما تريدي يا ام مشمش

اسيره الغربه;15794033:
ام مشمش الله يقومك بالسلامه يارب حاولي تجهزي مستلزماتك انتي وابنك خلال ها اليومين اما عن عفش غرفه مشمش مو مشكله يرتبها زوجك على مهله وهذه الاشكاليات مو ضروريه اهم شي انك تولدي وتقومي بالسلامه انتي ومشمش

رونق الحياة 2008;15794037:
ام مشمش من بكرا اطلعي كملي احتياجاتك لاتقولين بكرا وبكرا وبيضيع الوقت

أم سلمى2007;15794041:

وبعدين إنتى مش قلتى إن أخوكى جايب سرير لمشمش

ده سرير ابو سور ولا سرير عادى بتاع أطفال

أم سلمى2007;15794063:

فينك يا أم مشمش تعالى نظبط مع بعض اللى هتعمليه الأيام الجاية إن شاء

الله قبل ما أدخل انام

كتبت خطتي اليومين الجايين وانتم كنتوا بتكتبولي الكلام ده ... جزاكم الله خيرا
يا ام سلمى ... اوضة مشمش الي جاية يوم التلات دي اوضة عادية سرير عادي عرض 120 و2 كومودينو ودولاب وتسريحة بس عليهم اشكال اطفال بس تنفع لسن كبير كمان
اما سرير الاطفال ابو سور خشب هو ده الي جايبو اخويا بس لسة في شقته
هيهيهيهي مش ايشكل بأة خليه في شقة اخويا مافيش وقت اكلم ابن عمي ينروح نفتح الشقة ونشيل السرير ونجيبه ... على مهلنا بعد كدة باذن الله
اصلي يا ام سلمى هغير نتيجة الاستفتاء بتاعك وهطلع من المستشفى على بيت ماما بس كام يوم بس مش هطول الاعدة هناك وجوزي هيكون معايا :D يعني مش هسيبه لوحده هنا
هناك باة يبئة مشمش ينام في العربية بتاعته هيهيهي اهه عاملة زي السرير

رونق الحياة 2008;15794081:
يارب تمشي الامور مثل ما تريدي يا ام مشمش

اللهم امين يارب ... طول ماليا اصحاب حلوين زيكم ومع دعواتكم وادعوات امي باذن الله ربنا هيسرلي الحال
واكيد هو دا الخير طالما ربنا اختاره
افتكرت يوم ما بحجز الغرفة والمهندسة قالتلي الاستلام يوم 6 ديسمبر ... كنت عارفة انه بعيد عن ميعاد ولادتي جدا بس بهزار بقولها بس يارب ما ابئاش في المستشفى يوميها هيهيهيهي
سبحان الله الي تخاف منه مايجيش احسن منه

ام مشمش ان شاء الله ترتبي امورك كلها قبل الموعد واتمني تولدي طبيعي باذن الله

أم سلمى2007;15794088:

:|

يابت توهتينى معاكى

أنا ما أعرفش فى الكلام العايم ده

انا عايزة دلوقتى تكتبى كده

1:كذا ومين هيعمله ويوم إيه هتعمليه

2:كذا ومين هيعمله ويوم إيه هتعمليه

مش كده سايبة الدنيا ملخبطة فى بعضها

ومش عارفة مين اللى هيعمل ومين اللى مش هيعمل

هو انا قلت حاجة غير كدة .. هيهيهييييي يعني فاضل ارقام 1 و 2 و 3 هيهيهي حااااضر هريحك
1 - يوم الجمعة بعد الصلاة ... مع جوزي (طلبات البيت وتموين الشهر _ الباقي من حاجات مشمش - قميص نوم ليا وغيارات داخلية) بالليل توضيب الطلبات الي هاجيبها في المطبخ
2 - يوم السبت هروح اجيب المرتبة (ادفع واحجز) وجارتي تاني يوم تبئة تجيبها
3 - يوم الاحد - على بيت اهلي اجهز نفسي وارجع نفس اليوم بيتي
4 - يوم الاثنين - الشغالة تظف الشقة وانا اجهز شنطة المستشفةى وشنطتي انا وجوزي علشان بعد اللمستشفى نروح بيت اهلي ... بالليل يوم الاثنين اروح اعمل شعري عند الكوافير جنب بيتي
علشان المود والنفسية بعد العملية يباة عال العال

ماشاء الله على ام سلمى حترتب لك كل حاجه الله يجزيها الف خير

ههههههههههههههه ام مشمش برافو عليك عجبتني فكره الكوافيره الله يسعدك يارب

باروح اكل شي واصلي مغرب سلام يااحلى كروشات

بالظبط يا ام سلمى ... بس الي انتي ما تعرفيهوش ان جوزي لا ايعتمد عليه ابدا ابدا في طلبات البيت خااااالص
هيهيهيهيهي دانا لما اعدت عند ماما لما كانت عاملة عملية جيت البيت لئيته جايب زيت ذرة تلت ازايز الازازة الواحدة 2 ليتر لسة ماخلصش لحد دلوقتي من شهر 6 الي فات هيهيهيهيهي ولئيته طابخ بزيت القلية هيهيهيهي
وشاري الفاكهة من اللي الكيلو منها يخلص مرتب الشهر كله وياريتها تتاكل هيهيهيهي يعني ما بيفكرش وما بيحسبش محتاج ايه ومش محتاج ايه
انا بحاول اخليه يفهم ازاي يختار الحاجة وازاي ينظم تفكيره لما يجي يشتري حاجة علشان الظروف الي زي دي بس مالحقتش ادربه هيهيهيهي
موضوع المرتبة عاااادي زي ما قلتي ممكن يتأجل ومش مستعجلة خاااالص بس جارتي الي عرضت عليا وقالتلي ماتضمنيش الظروف يمكن تحتاجي ترجعي على بيتك فتكون الاوضة جاهزة ومفروشة مامتك تنام فيها بدل ما تنام على الكنبة

اسيره الغربه;15794132:
ام مشمش ان شاء الله ترتبي امورك كلها قبل الموعد واتمني تولدي طبيعي باذن الله

متشكرة جدا حبيبتي ربنا يتقبل منك بس ماظنش طبيعي ابدا هيهيهيهي

اسيره الغربه;15794134:
ماشاء الله على ام سلمى حترتب لك كل حاجه الله يجزيها الف خير

اللهم امين يارب ربنا يجازيها خير ويطمنها على سلمى وعمار F:

اسيره الغربه;15794139:
ههههههههههههههه ام مشمش برافو عليك عجبتني فكره الكوافيره الله يسعدك يارب

ويسعدك انتي كمان ويقومك بالسلامة

اسيره الغربه;15794141:
باروح اكل شي واصلي مغرب سلام يااحلى كروشات

بالهنا والعافية عليكي و صلاة مقبولة يا احلى اسورة