سبرينج سول
الدكتورة خيرتنى فى الكشف فى الزيارة اللى قبل الأخيرة كنت وقتها فى
بداية الأسبوع ال38
وبرضه امس خيرتنى فى الكشف الداخلى
أول مرة وافقت وتانى مرة رفضت لان اصلا أستاذ عمار ما نزلش فى الحوض لسه
ومعنى كده إن عنق الرحم هيكون بعيد قوى وهأتعب قوى فى الكشف زى أول
مرة
جوفان والله يا أختى انا فى سلمى لا كنت اعرف موضوع نزول الرأس فى
الحوض ولا غيره
علشان كده مش قادرة أحدد إذا كان ده طبيعى فى حملى كله ولا المرة دى مختلف
والدكتورة بتطمنى بتقول إنه هو مستعد ورأسه متجه لتحت لكن لسه ما
نزلش
رأسه دى متجهة لتحت من الثامن
يمكن ده رحمة من ربنا بيا
إذا كان هو لسه ما نزلش والتقل والألم فى منطقة البيكنى فظييييييييييييع
أمال لو نزل هيكون حالى إزاى
الدكتورة قالت لى أوقات الرأس مش بينزل غير لما يبدأ طلق الولادة
أدينى مستنية :rolleyes:
كل يوم الصبح أول ما أصحى أحسس على بطنى وأشوف نزل ولا لسه
وربنا يسهل من عنده
أسورة حبيبتى طولتى فى الولادة سبحان الله مع إن التوسع معاكى كان
بادىء من بدرى سبحان الله
المهم إنك قمتى بالسلامة وإرتحتى من تعب الخياطة وشفتى بنتك بخير
وعافية ربنا يفرحك بيها هى وأختها وأخوها
بسمة الله يتمم نفاسك على خير ياقلبى
حاسة بيكى أصعب شىء لما تكون أول تجربة ولادة للبكرية فيها معاناة
بتترك ذكريات سيئة قوى فى النفس:'(
بس صدقينى بعد سنوات هتنسى ده كله وترجعى تحنى تانى للحمل والولادة
زى حالاتى :D
أنا فاكرة بعد ما ولدتى كانت اللى تيجى تزورنى من أهلى أو معارفى تقولى
عقبال ما تخاوى سلمى(يعنى لما أحمل تانى )أقولهم أبدا مش دلوقتى
أبداااااااااا بعد سنوات طواااااااااااااااااااال يمكن
واصلا بعد اللى شفته إستحالة أعيد التجربة دى تانى
والكل كان يقولى كلنا قلنا كده ومع ذلك بنخلف مرة وإتنين وتلاتة ;)
هتنسى وهتعمليها تانى
وسبحان الله فعلا التعب ده منسى وتحنى تانى للخلفة
كارو الله يعينك على ضيافة الضيوف
بصراحة اصعب حاجة فى وقت النفاس
تبقى نفسك تستغلى الفرصة وتنامى لك شوية ومع ذلك تلاقى الضيوف
وياسلام بقى لو ضيوف ما عندهمش ذوق ويطولوا فى القعدة8o|
الحمد لله المرة دى الضيوف اللى ممكن أستقبلهم قليلين جدا يمكن أسرتين
فقط
الحمد لله