التجمع السابع للحوامل اللواتي سيلدن بمشيئة الله في ديسمبر 2011

فلة انشاء الله تولدين هل الايام وترتاحين

فطومة وجوفان اليوووووووووووووووووم مالكم حس ولاخبر هل اليومين

السلام عليكم
الله يبارك فيكم بنات و يحفظ لكم مواليدكم و يقومكم بالسلامة
الله يسلمكم ما توقعت اني اولد قبل موعدي خصوصا اني بكرية و اسمع انو ممكن اتعدى موعدي الاساسي الي هو يوم 18 ديسمبر
يوم خمسة ديسمبر جاتني شغالة اخدها باليوم هي و بنتها و رتبنا وغسلنا و اشتغلت معهم مدري يمكن الشي هدا حمى عليا الطلق بس اني سويت مجهود يومها فالتنظيف و الحمدلله اني نظفت البيت يومها والا فشيلة والله لو ولدت و البيت حايس
المهم حبيباتي بحكم اني مقيمة في مكة المكرمة ما كنت مرتاحة لمستشفياتها لاني لفلفتها كلها و اخدت فكرة و كنت حاطة في بالي اني اولد بجدة ان شاء الله عشان اخد ابرة الظهر
المهم يوم خمشة بالليل الساعه 11 لحالي بالبيت و زوجي مع ربعه سهران
ادخل المنتدى و اكتب لكن انو معايا الم يروح و يجي و انو بطني متحجرة و صرت احسب الدقايق بين الم و الم ثاني طلع مرات خمسة او اربع دقايق
و بينهم راااحة كانو ما في شي قلت يمكن هدا هو الطلق
دقيت على زوجي و خليته يجي قلت مدري حاسة بشي مو طبيعي تعال مسكين انفجع و قال انو جاي
لحالي بغرفة النوم صرت اروح و اجي و الالم يزيد لما اكرمكم الله دخلت الحمام لقيت شوية دم بني هنا قلت في نفسي هدي ولادة بدون شك من كثر ما قريت هنا فالمنتدى عن الولادة عرفت انو هدي احدى العلامات
دقيت على اخت زوجي قالت يوووه انتي بكرية خليكي لين ما يحمي الطلق معاكي و يصير اقوى و اعطيني خبر اجيكي
جا زوجي و صراحة خفت استنى اكثر لحالي قلت لازم اروح اي مستشفى اتاكد ولادة ولالا
فعلا رحت لمستشفى هنا بمكة و سوو لي تخطيط حطو جهاز على بطني يطلع تخطيط الطلق و فعلا قالو يادوب سنتي و روحي بيتك و الليل طويل و خلي الطلق يحمى
رجعت البيت و انا كلي هم ايش هدا الم فضيع و يقولو ايش يدوب سنتي ههههه
الساعه اربعه زوجي اخد غفوة و انا اروح و اجي و احاول اسوي زيوو و الالم مو مخليني في راحة جات اختو الله يجزاها عني خير و كانت قمة فالمساعدة النفسية مشتني بالبيت و كل ما جاني الم مسكت يدها و تساعدني فالتنفس ساعه بعدها قالت لا خلاص يالله نروح قلت يالله جدة قالت ايش جدة وي وي ليه ما علمتيني يمكن تولدي علينا فالطريق قلت عاد والله مني والدة بدون ابرة الظهر هههه
مسكنا خط جدة و انا اتقطع و هي و زوجي يرفعو معنوياتي بس محاولاتهم فاشلة لاني خلااااص ما ارد عليهم ولا معطيتهم وجه
يوم وصلت المستشفى سوو لي نفس التخطيط و كان ماشاء الله القلب مسموع وواضح و الالم قوي جدا جات السيستر تفحصني قالت اثنين سنتي و انا انهرت بس قالت متى فقدتي المويا ؟ انا هنا استغربت قلت لا ما فقدت المويا قالت ايوا شوفي و تطلع اصابعها و اكرمكم الله مويا خضرا قلت ايش هدا قالت البزرة تبرزت في بطنك و طلعت فوق لازم عملية قامت اتصلت سريع و تسولف انقلش و على بالها ما افهم انقليزي و تقول للطبيب انو قلب النونو ضعيف و فعلا اختفى النبض و ضارت تدورو بالسماعة و لما لقت النبض طالع الصوت مرة ضعيف
انا هنا توترت و صرت ابكي و اخت زوجي تبكي معايا و خلوني اوقع اوراق العملية ودخلوني سريع و لما وقفوني عشان اغير السرير نزلت مويا كثيرة خضراء
دخلوني غرفة العملية و جاني طبيب التخدير يقول مدام انتي الضغط عندك مرة عالي وصل 170 و ما نقدر نلمسك لين ما ينزل اهدي راح نريحك
و خلوني ساعه في غرفة العملية و بعد فقدان المويا طبعا حمى الطلق اضعاف و اضعاف و كنت اصرخ لااله الا الله و اكثر من مرة اترجاهم يعطوني شي ريحوني بس محد اعطاني شي لا ابرة ولا شي كنت اتقطع و هما معليش معليش تحملي مدام اهدي عشان نعرف نريحك
و فعلا فجأة قوموني ممرضتين و الطبيب اعطاني ابرة فظهري كان التخدير نصفي و غطو نصفي عشان ما اشوف و الظاهر عطوني مهدئ لاني صرت كاني في حلم و حلم طوييييييييل مهو راضي يخلص و حسيت بيدهم تشد بس ما في الم
لما طلعت بنتي حبيبتي سمعت صراخها و لبسوها و جابوها ليا جنب راسي عشان اهدا و كنت ابوس فيها و انا دايخة مو مصدقة
جات بنتي دارين بعد معاناة بس والله يا بنات كل الالم نسيتو ولا همني بطني المشقوق شوفتها بالدنيا و ما فيها
الله يحفظ لنا مواليدنا و يهديهم لنا و ييسر و يسهل تربيتهم و يقومكم يا بنات بالسلامة
انا نفاس في بيتي و بنتي دارين شاغلة كل وقتي احس انو حياتي تغيرت للابد

ام مريومه الف الف مبروك أنا وانتي ولدنا بنفس اليوم وجبنا بنات الله يحفظهم يارب ايش سميتي بنتك

هلا ام سلمى خرجت من المشفى امس وكانت المفاجاه الحلوه ان اختي جأت من ولايه ثانيه وزارتني بالمشفى وماقالت انها جايه

بس بصراحه احلى مفاجاه

بسمه طفله ربي يقومك بالسلامه

اسورة

الف مبرررررررررررررررررروك ياقلبي والحمدلله على السلامه

سلام عليكم بنات وحشتوني
الحمدالله ولدت بالسلامه يوم الثلاثاء

13/12/2011

اللى هو نفس تاريخي ما تاخرت و لا تقدمت شاء الله بس اخلص
الواجب الطويلو اعرف اخباركم اكتب ليكم قصه ولدتي الطويله

مبروووووووووووووووووك بسمه

وعقبالي يااااااااااااااااااااااااااااااااااااااارب

الله يشفيك دلوعه ماتشوفين شر يارب

ام سلمى الله يسمع منك يااارب

ما شاء الله ولادات البنات غلبت



نور انا بعد جبت بنوته سميتها

بسمة الروح
الف مبرووووك
الحمد لله على سلامتكم انتي ونورر 

ام مريووووومه حبيبتي الف مبروووووك
والحمد الله ع سلامتج انتي والعروسه الله يخليها هى واختهاا يارب

اسير الغربه الف مبروووووك والحمد الله ع سلامتج ومبروك ما جاكم

وباقي العروسات الف مبروك والحمد الله ع سلامتكم يتربون بعزكم يارب
وعقبال باقي الكروشات الله يسهل عليهم يارب

بسمة الروح الحمدلله على سلامتج ومبروك ماجبتي تتربى بعزكم يارب

هاليومين كل الولادات بنوتات ماشاءالله

عقبال باقي الحوامل يربون ويرتاحون يارب