.
... شذى الغربه ...
عروس ركن المطبخ و المائدة
06-12-2011 | 07:33 PM
ام احلى محمود;15809936:
مراحب بنات جايتكم بأكشن ولادتي اللي كان قد ماهو سريع ولكنه مرررررعب :( ..
تاريخ 2 /12/2011 الساعه 8 الصبح كنت نايمة حسيت اني محتاجه ادخل الحمام تكرمون قممممت و دخلت بس لا شيئ خذت المنديل اجفف نفسي الا اشوف شوية دم و افرازات بنية انصدممممممممممممممت و فرحححححححححت و خففففففففففففت مشاعر ممزوجة اتصلت على ابو محمود اخبره اني ولاده خلاص و لكن ما عندي الم فراح اظل ليمن يصير الالم كل 5 دقايق او ما اقدر اتحمله قال اوكي خبريني اول بأول ..
رجعت على السرير اريح شوي و كنت احس بألم كل رب ساعه بس الم اقدر اتحمله و ظل عندي ما يسمى بالطلق البارد الى الليل قمت انزل و اركب على الدرج زاد الالم بس بعد اتحمله و ظليت ما رحت مكان صرنا تاريخ 3 قلت يالله بشرب خروع ينظف بطني و يمكن تقلصات الخروع تحمي الطلق و اروح اولد و افتك شربت خروع و ظليت اركب و انزل على الدرج و تكرمون رحت الحمام مرتين لاني شربت ملعقة خروع وحدة فقط عشان ما اأذى منه في الولاده..
حسيت الالم صار اقرب كل 10 دقايق بس قلت بعد ما بروح ما نمت بغرفة النوم عشان لا ازعج زوجي و انا اتالم عليه قعدة من الصبح فظليت بغرفة الجلوس اتألم كل 10 دقايق و مره وحده صرخت صرخه طلقة قوية مسكتني ببطني الى الحوض جا زوجي ركض قومي المستشفى لا تخلين روحش بس عاندت قلت لا خلني بعد شوي و جاب فراش و تغطى و تمدد في غرفة الجلوس في حال صادني شي يكون عندي و اصرخ قام يقول لا خلاص بروح اقعد امي قومي المستشفى ما علقت لاني كنت اتالم و خايفه ..
المهم قامت عمتي و رحنا مستشفى جدحفص وع وع وع اخترت اولد فيه عشان اذا ولدت اولادي يقدرون اي وقت يزوروني لان السلمانية ممنوع الاطفال لازم تصاريح و خرابيط المهم دخلت طوارئ الحوامل بمستشفى جدحفص دخلتني الممرضة الكشف كشفت علي كنت 3 سانتي فقط و قالت لي خلاص ولاده بدل ثياب بدلت ثيابي و دخلوني غرفة المخاض الساعه 3 و نص بالضبط حطو لي مال نبض الجنين و مال الطلق و كان عندي الم كل 8 دقايق و ساعات اقل مؤلم و لكن مو لدرجة اني اصارخ كنت اخذ نفس و اكتم جت ممرضة ثانية تقول بتجيك كم وصلت فحصتني الا مازلت 3 سانتي قلت لها عادي انا توكم دخلتوني توهم فحصوني برا مو من زمان يمكن 10 دقايق المهم قالت لازم احنا بعد شوف ماما لا ..
جت 4 الا 10 دخلت ممرضة و حطت لي سيلان و ضربتني ابرتين ابرة في العضل اليمين و ابرة في العضل اليسار و راحت حسيت الالم زاااااد نار جت 4 و ربع ردت دخلت نفس الممرضة و ضربتني مره ثاني ابرة في الضلع اليمين و ابرة في الضلع اليسار اقول لها ليييييييشششششش اااااااي وش تسوون فيني الا تقول ماما ما يسارخ هدي ابرة بس عشان ما يحس الم بس اني ادري انه طلق صناعي لان من تضربني احس يولع الطلق ناااار و عقب هالابرتين الاخيرتين على الساعه 4 و نص جت بتفحصني قلت لها لحظه نطري خل تروح هالطلقه و عقب جيكي الحين مع الطلق لا يعور بمووووووت قامت تصارخ و حطت ايدها قلت لها كم كم وصلت الا تصارخ علي و تقول تستاهلين انتي و اجد مشكل للحين 3 سانتي اقول هااااا بسسسسس بموت و للحين 3 سانتي طفت الليت و حقرتني و طلعت بس طلعت على 5 الا ثلث
حسيت خلاص الراس بيطلع اناديها اقول تعالي بولد خلاص تعالي تقول لي و هي بعيد ما في ولاده انتي بس 3 سانتي حسيت راس البيبي طلع قلت لها تعاليييييي ولدت شافتني ضاغطه على روحي جت تركض الاتقول ولاده ولاده ليش ما يقول هاللحظة ودي اقتلها بس انا بدنيا ثاني اضغط عشان يطلع البيبي و طلعت اسمعها تكلم اللي وياها تقول هي كانت 8 سانتي بس انا قلت لها للحين 3 سانتي عشان لا تصارخ بذمتكم اتألم اشلون ما اصارخ الحين هي لما كانت تولد عيالها تولدهم و هي على الصامت مثلا !! عموما طبعا لانها كانت مهملة انشقيت تمزقت يعني مو هي اللي شقت عشان توسع للبيبي فصار لازم غرز اكثر و قبل لا انسى حتى المشيمة يوم كانت بتطلعها ذبحتني كانت تضغط بحقد و تبي تخيطني بدون بنج قلت لها هييييييي حطي بنج اش فيش عندش عداوة ويايي لو ماخذة عليي ماخذة ويا هالمعامله الزفت ؟؟ قامت رشت بنج بس تحت كلش و الباقي خيطتني بدون بنج مت مت مت مت ذبحتني و الله ذبحتني ولدت بسرررعه بالنسبة لولاداتي القبلية بس شفت الموت و حتى البنت اللي خاطري فيها ما طقت حتى اطالعها ابيهم بس يخيطوني و يخلصوني عشان يطلعوني عن هالممرضة الله ينتقم منها ..
تاريخ 4 الساعه 4 و 42 بالضبط جت اجمل ماريا بالكون :) بنوتتي بعد عمري و خلوني يوم واحد ويوم ثاني رخصوني و رجعت البيت و معاي اجمل هبة من رب العالمين وياي ماريا حبيبة قلب امها و ابوها و عم الفرح و السرور بيت عمي لانها اول بنوته ببيت عمي لان حمياني كلهم عندهم بس اولاد ما في بنات عندهم :) و جت بنوته تسعدهم :) ..
التبعات :
1- السيم لان صادني تمزق بسبب اهمال الممرضة و خياط كثير فالألم لا يحتمل لا اعرف اقعد و لا اسوي شي ..
2- صادني عقبان يسمونه جديه يعني عقب الولاده يجي الوالده الم فضيع في الضهر و البطن و الحوض الى الفخذ كأنه الم طلق بالضبط ..
و هذا فلم الرعب :)
ادعو الله يصلح عيالي و يحفظهم و يهديهم و يخلي لي زوجي و يحفظه من كل سوء ..
احبهم كلهم و الف الحمد لله على السلامه للي ولدو و ننطر اكشن ولاداتكم :)
الحمد لله انك قمتي بخير انتي وبنتك وكل الالم بيتنسي والله لابارك بالممرضه وبامثالها
اه اه لو تشوفي الممرضات الي هنا في امريكا
احن واطيب من قلب الام على ابنها ماتصدقي تبتسم طول الوقت وتساعد من قلبها
تعرفي ايش بلاد الغرب عندهم قوانين وضوابط ماشيين عليها ومطبقينها واي مخالفه او حتى ترفع صوتها على مريض او تغلط ولو غلط بسيط يطلعو عليها دعوه وعلى طول يحبسوها اما في دولنا العربيه المسلمه ماحد يرحم احد . لاحول لله
حتى لما ولدت ابنتي هنا في امريكا والله اجت ممرضه تمسح على يدي وشعري وتضحك وتطمني وتمسح دموعي وتقولي لاتخافي
وين الاسلام وين والمشكله ان في دول الخليج كثرت الجنسيات المختلفه
واضحك مره قالت لي امي لما تروح مع ابي المشفى عشان غسيل الكلى كان فيه واحده ممرضه امريكيه لساتها بدات تداوم في المشفى فكانت تتكلم بصوت وواطي واديب واحترام امي استغربت لانها حاله مش موجود في اليمن بعد فتره قابلت هذه الممرضه الامريكيه الا وصوتها اكبر صوت وتصارخ وتسب وتلعن ههههههههههه
اتعلمت انه لازم عشان تعيش تسوي مثل البقيه ههههه
الله يحفظ لك اولادك وزوجك يارب