الرئيسية النساء و الحمل و الولادة تجمعات الحوامل و منتظرات الحمل التجمع السابع للحوامل اللواتي سيلدن بمشيئة الله في ديسمبر 2011

التجمع السابع للحوامل اللواتي سيلدن بمشيئة الله في ديسمبر 2011

أم مشمش. 30-11-2011 2,104 رد 45,458 مشاهدة
.
... شذى الغربه ...
عروس ركن المطبخ و المائدة
03-12-2011 | 01:04 AM
- الشفاط
في حريم كثير ما استخدموه واشتروه ع الفاضي لانهم اعتمدوا ع الرضاعة الطبيعية
يعني البعض مجرد احتاجوه اول اسبوع عشان البيبي دايما نايم والحليب يتجمع , وممكن تستعيضي عنه بالعصر باليد لتخرجي الحليب بكل سهولة لو تعودتي
.
... شذى الغربه ...
عروس ركن المطبخ و المائدة
03-12-2011 | 01:05 AM
- الرضاعات
الاحظ كثير في صور تجهيزاتهم اشتروا رضاعات بلاستيك مع انه مضرة للطفل خصوصا عند غليها الدائم لتعقيمها
مش ضروري لمن تدخلي مذركير انه تخرجي برضاعة AVENT
ومش ضروري لمن تدخلي اي صيدلية تخرجي برضاعة PIGEON ورضاعة CHICCO



؟؟؟؟!!!!!



ياجماعة لا تشتروا الا رضاعات قزاز ( زجاجية) عشان ماتتفاعل مع السوائل اللي داخلها وماتتضرر مع الغلي والتعقيم وتخرب ويخرب الحليب



وماله داعي ست او سبع رضاعات تشتريها
يكفي 2 رضاعات تشتريها اثناء تجهيزاتك وانتي حامل
وبعدين لمن يجي البيبي حتحكم الظروف لانه قد يعتمد على الطبيعي فقط

منقول
.
... شذى الغربه ...
عروس ركن المطبخ و المائدة
03-12-2011 | 01:06 AM
- مقاس حلمات الرضاعة(المصاصات)
ركزي ياحلوة انه في مقاسات لحلمات الرضاعة
احيانا تجي بارقام (1,2,3)
واحيانا بحروف ( ( S,M,L


طبعا الرضاعات اللي تشتريها تجي حلماتها مقاسsmall يعني (S) غالبآ , واذا كنتي تعتمدي الرضاعة الطبيعية وتستخدمي الرضاعات استخدام محدود للشاي والاعشاب يعني ماتغليها الا مرة او مرتين في الاسبوع فربما ماتخرب الحلمة الا بعد شهرين او 3


اما اذا كنتي تعتمدي الرضاعة الصناعي وتغلي الحلمات يوميا فأكيد بتخرب الحلمة بدري


طبعا خرابها يعني تغير لونها او تصير لزجة تلتصق ببعضها وتلتصق الفتحة كمان فتنغلق


لذلك لمن تجي تشتري حلمات زيادة لمن يكبر طفلك اشتريها مقاس M أو L عشان ربما لن تستخدميها الا بعد شهور عندما تخرب الاصلية اللي جات مع الرضاعة
.
... شذى الغربه ...
عروس ركن المطبخ و المائدة
03-12-2011 | 01:12 AM
- اللهاية
لا تستعجلي بشراء لهاية او اكثر الا اذا كان نيتك تعودي طفلك من بدري
لان اللي تجي تعود طفلها بعد عمر شهر يرفضها في الغالب
.
... شذى الغربه ...
عروس ركن المطبخ و المائدة
03-12-2011 | 01:13 AM
- مناديل الاطفال المبللة
ياشيخة صح حتحتاجيها عشان لمن يكون في عندك ضيوف او لمن تخرجي برا ..بس هيا الخراب اللي تسبب تسلخات للطفل فترة الاربعين لان الام تعتمد عليها في مسح فضلات البيبي وماعاد تغسل له مؤخرته بالماء الا مرة باليوم لمن تروشه


يا امهات خلوكم رحيمات بأطفالكم وغسلوا لهم مؤخرتهم بالماء بعد كل تبرز عشان مايتسلخوا
يعني لا تتسرعي وتشتري مناديل بكميات كبيرة لانه ربما تضطري تتركيها لو تسلخ طفلك لاقدر الله
.
... شذى الغربه ...
عروس ركن المطبخ و المائدة
03-12-2011 | 01:14 AM
- الشراريب ( الجوارب)
لاتسووا مثلي اشتريت شراريب بكميات كبيرة مقاس مولود .. ونسيت اني اخذت بربتوزات من اللي تجي كاملة تغطي الرجول!!!
والان الشراريب جديدة ولله اغلبها ما استخدمتها لان بربتوزات ولدي ماتحتاج!
خذي احتياجك وانتي تقضي بما يتناسب مع ألوان البدلات اللي اشتريتيها



يعني خلي الشراريب اخر شي تقضيه عشان تشوفي ايش الالوان اللي تحتاجيها بالزبط وكم العدد اللي تحتاجي

منقول
.
... شذى الغربه ...
عروس ركن المطبخ و المائدة
03-12-2011 | 01:20 AM
- الجو
ركزي على كيف حيكون الجو في تاريخ ولادتك وكذلك في تاريخ وصول ولدك الى مقاس 3-6
لان في بعض الامهات يوم يقضوا ياخذو كام بدلة من مقاس 3-6


ركزوا ع الجو عشان ماتشتروا شتوي وماعاد تستخدموهم أو تشتروا صيفي والجو بارد
.
... شذى الغربه ...
عروس ركن المطبخ و المائدة
03-12-2011 | 01:21 AM
فساتين 0-3
بنوتتك خلال الاربعين حتكون باللفة محد حيشوف كشختها
وكمان المولودة تكون مررررة ضعيفة يعني ما حيبان حلا الفستان عليها وهيا ضعفانة

واحلى شي للمواليد البربتوزات الكاملة وليس اللي تجي قطعتين
لأن البنات النونات مو حلوة عليهم الفساتين ولا البنطلونات
احلى شي البربتوزات الكاملة والافرهولات
واتركي الدلع لما بعد عمر الشهرين


وفي فترة الحبي ما تنفع الفساتين والملابس القصيرة عشان الركب
.
... شذى الغربه ...
عروس ركن المطبخ و المائدة
03-12-2011 | 01:22 AM
- منتجات جونسون وغيرها
منتجات جونسون اللي تجي كرتونة المجموعة كلها مع بعض
انتبهي لصلاحية كل علبة داخلة لوحدها
لانه في الكرتونة الواحدة تلقي تواريخ الصلاحية مختلفة لكل قطعة
انا لمن اشتريتها في شهر 1 كان الزيت قربت صلاحيته في شهر 2 والشامبو لسا متأخر سنة
يعني رميت بعض القطع وهيا لسا مافتحت الغطاء
وغيري اشتكى ان المناديل خلاص كانت شبه ناشفة


مانقصد انه لاتشتريها
وانما انتبهي لتاريخ الصلاحية على الاشياء اللي تشتريها من الصلاحية
حاولي انها تكون متأخرة لاكثر من 4 شهور
.
... شذى الغربه ...
عروس ركن المطبخ و المائدة
03-12-2011 | 01:25 AM
- البربتوزات الداخلية
افضل ألوانها تكون فاتحة وسادة او بيضاء عشان لا تبين من تحت الملابس


- المدس
اشتري حجم صغير لان البيبي المولود صغير مرررررة وممكن يضيع جوا المدس
وعلى فكرة المدس الكبير بدل ما يخلي شيل البيبي سهل.. يصير مرة صعب ويخليكي تخافي تحمليه
.
... شذى الغربه ...
عروس ركن المطبخ و المائدة
03-12-2011 | 01:26 AM
- الماركات
الكل يقدر شوقك لتدليع ولدك بأحلى الماركات بس لاتنسي ان البيبي خلال الاربعين يكون باللفة محد يشوفه ويكبر بسرعة يعني مايلحق يلبس البدلة الا مرة او مرتين


وكمان ما حتظلي تلبسيه اياها يوميآ لكل ضيفة تجيكي.. ضروري تنوعي كل يوم وتلبسي ولدك غير عشان يمكن تجي نفس الضيفة يوم تاني وثالث وكمان بعض الماركات قد تخرب من الغسيل ويبهت لونها ..وتنقهري لان سعرها غالي بعكس لو قطعة متوسطة السعر خربت ماحتنقهري كثير


وكمان قد تتبقع عليكي ببقعة ماترضى تروح سواء من وسخ او من نقطة دواء او من شي ثاني وتنقهري ع تمنها


بدل قيمة الماركة الغالية خذيله عدة برتوزات حلوة رخيصة لان البيبي ما يكرفها وحتظل جديدة وحلوة عليه
.
... شذى الغربه ...
عروس ركن المطبخ و المائدة
03-12-2011 | 01:26 AM
- الهدايا
الهدايا مشكلتها انك ماتقدري تتوقعي ايش حتحصلي
يعني قد ماتشتري بدلات كثيرة للمولود لانه حتقولي اكيد طفلي بيحصل هدايا ومع ذلك تلقي انه كل الحريم اهدوكي بدلات من عمر سنة او سنتين او يهدوكي فلوس


انتي اشتري لطفلك عدد معقول من الملابس لفترة الاربعين لانه ماتعرفي هل سيحصل ام لا


وكله على حسب هل عدد معارفك كثير ام لا.. لأنه لو مثلا انتي انتقلتي بعد زواجك لمدينة جديدة اكيد معارفك قليل وضيوفك في النفاس حيكونو قليل يعني لاتعتمدي على الهدايا كثير


وكمان خلي في بالك ان في حريم يحبوا يهدوا جلاسة (هزازة)
احيانا تحصلي في نفاسك 2 أو 3جلاسات



لذلك لا تستعجلي بشراء جلاسة او عربية خروج او كرسي سيارة او مرجيحة او مشاية او كرسي طعام لأنه ربما تجيكي هدية

وخليها لمابعد الاربعين
.
... شذى الغربه ...
عروس ركن المطبخ و المائدة
03-12-2011 | 01:28 AM
والدكاترة يقولوا لاتحطو الطفل في الجلاسة او العربية الا من عمر 3 شهور عشان عموده الفقري مازال لين




أتركي العربية والجلاسة وكرسي السيارة وغيرها الى مابعد فقد يجوكي هدية



اكتفي بشراء الاساسيات مثل بيت الطفل( سلة موسى) وسريره وملابسه ورضاعاته وخلاص

حتخرجي كثير من بعد وتقضي اللي ناقصك

اضرب لكم مثال بأشياء تكدست عندي : البربتوزات الداخلية لانه اشتريت 9بربتوزات ولقيت وسط هدايا الطقوم 8 بربتوزات لانه يجي بربتوز داخلي تبع اي بدلة
المجموع=17 بربتوز
وما احتجت استخدم الا 6 بس





منقول
.
... شذى الغربه ...
عروس ركن المطبخ و المائدة
03-12-2011 | 01:29 AM
- عدد ملابس البيبي اللي تحتاجيها
يعتمد العدد على وجود من يغسل لك الملابس من عدمه





يعني اذا في حد يساعدك ويغسل لك الملابس كل يومين او 3 أيام ..فماتحتاجي عدد كبير من المهادات والملابس

زي اللي تنفس ببيتها وعندها شغالة
او اللي تنفس ببيت اهلها اكيد شايلينها هيا والبيبي على راسهم من فوق
.
... شذى الغربه ...
عروس ركن المطبخ و المائدة
03-12-2011 | 01:31 AM
- جلابيات النفاس
لمن تشتري ارواب للرضاعة ( التي تأتي بفتحات مخفية لاخراج الثدي) لا تركزي على الشكل الخارجي فقط انما ركزي على ان الفتحة كافية فعلا لخروج الثدي لانها احيانا تكون صغيرة جدا


او اشتري ارواب بأزرار افضل.. وانتبهي انه ضروري تكون اكثر من زرارين اثنين
.
... شذى الغربه ...
عروس ركن المطبخ و المائدة
03-12-2011 | 01:36 AM
أ
أم مشمش.
عروس رائعة
03-12-2011 | 02:49 AM
يااااااا اخيرا عملت الواجب
علشان طول اليوم مادخلتش فالواجب تراكم عليا
عجبني اوي اوي اوي يا اسيرة المواضيع الي منزلاها وقريتها كلها ... جزاكي الله خيرا
نفسي احكيلكم عملت ايه النهاردة ... بس مش قادرة خاااالص اقعد اكتر من كدة مهدودة ومنتهية تقريبا من اللف والدوران داخل المحل
وافتكرت ام سلمى لما رجليها وجعتها من توضيب الشقة الجديدة
المختصر اني لما رجعت بفرز الحاجة الي جبتها لبئيت حاجات كتييييير اوي مالهاش لزمة او ليها لزمة بس غالية اوي اوي اوي بالمقارنه باللي في المحل الي جنب بيتنا بس للاسف ماكانش في وقت الواحد يبص على الاسعار واصلا حتى لو كنت بصيت على اسعار مافيش وقت اروح اشتري البديل الارخص ويمكن الاحسن في الخامة من المحل الي جنب بيتي
والمصيبة ان الحاجة غالية علشان بس ماركة وخلاص
تتصوروا جبت البشكير (بشكير او سموه فوطة عادي جدا جدا جدا يمكن الي عندي وبستعملهم في البيت احسن منه كتييير) ب 89 جنيه علشان لما البيبي يستحمى ينشفوه فيه في المستفى هيهيهيهيهي ايه الهبل ده
حطيته ضمن الحاجات الي هرجعها واخد وصل بالفلوس ابئة اجيب بعدين اي حاجة بالفلوس دي لما اشوف ايه هيجي هدية وايه مش هيجي
تقريبا المرتجعات هتعمللي 400 جنيه او اكتر

مبروك يا دكتورة سمسمة يتربى اياد في عزك وعز ابوه

معلش يا بنات مش قادرة ارد عليكم كلكم بجد بعتذر ...
ر
رونق الحياة 2008
عروس فضية
03-12-2011 | 02:52 AM
دا اقرء الواجببببببببببببببب
ر
رونق الحياة 2008
عروس فضية
03-12-2011 | 02:59 AM
الف مبروك دكتورة سمسمة الله يخلي ليكم اياد وعقبال باقي البنات
ا
القمريارا
عروس مبدعة
03-12-2011 | 03:01 AM
يعطيك ألف عافيه أسيره على المعلومات القيمه
X