شات حوامل مصر لشهر محرم .. كل عام هجري وانتو طيبين

محبة_الرسول;15840817:
بس حاساه صعب فى الخروووج مش عارفة صراحة
حاسة انى لو شيلته كده احسن

بس هفكر بردو فيه لانه شكله عاجبنى صراحة وفكرته جديدة
احسن من الكاريكوت ده مش بحبه بجد ابدااا
امونة
مش بتصوريلنا حاجتك ليه عاوزين نتفرج :D
طيب هو البورت ده فى الخروج مش زى الكاريكوت
ايه الفرق بينهم يعنى ؟؟
الشكل بس ولا ايه ؟؟

البورت حلو اوي في الخروج يا بت ياعلوش , هو كانه لحاف فايبر صغنن ومقفول , لكن الكاريكوت كانه سرير صغير محمول :)

الكاريكوت بيفيد اوي لو انتي بتسافري زيي من القاهرة للمنصورة , احط الواد فيه واحطه جنبي على كنبة العربية بدل ما اشيله واتهد

مكسلة اوي اصور الحاجة , الواد هد حيلي هههههههههههههههههه

دينا حمدى;15841269:
ازيك يابت يا امونة ياقردة وازى الواد عمورى



انا عايزة اسالكو سؤالين يابنات الاولانى مش شنطة البيبى تغنى عن الكريكوت ولا هى هى ولا ايه؟

السؤال التانى بقى انا عندى كل يوم مغص ومش بهدى شوية غير بالمسكنات
هو كده يعنى معناه ولادة بدرى ولا ايه انا خايفة اوى والله ومش فاهمة

الحمد لله انا وعمر كويسين وحميته لاول مرة من 28 يوم هههههههههههه

قصدك ايه بشنطة البيبي يا دينا ؟ قصدك اللي بنحط فيها البامبرز والبيبرونة بتوع البيبي واحنا خارجين؟ لو قصدك على دي يبقى هيا غير الكاركوت خالص , الكاريكوت عبارة عن سرير


المغص لازم تشوفيله حل , روحي للدكتور يديكي مثبتات متسكتيش على نفسك, كفاية اللي حصل للبت ميرا الغلبانة

basmatelislam;15841399:
اموونه انتى خلاص طلعتيها فى دماغي وفعلا هتطلع الكاريكوت تانى بدل مكنت هركنه
محبه الرسول معلش بقي طلع حظي حلو وطلع ولد :lol: بهزر لو تحبي اغيرلك لونه يبقي لبنى ميغلاش عليكي ياقمر
بس هو مش شبه الكاريكوت فى الخروج على فكره لانه طري يعنى اكنك حطاه فى بطانيه متقفله من الجناب لكن الكاريكوت بيبقي قعدته ناشفه ده لو انا فاهمه الدنيا صح :confused:

نسيت ارد عليكي في منتجات العناية بالبيبي

انا جبت منتجات جونسون , في منتجات سانوسان هيا اغلى لانها الماني بس بصراحة جونسون حلو ورخيص وماشي كويس اوي معايا

انا جبت من منتجات جونسون : الزيت والكولونيا ,سائل استحمام قبل النوم , الشامبو الاصفر
وجب مناديل ايزي بيبي كير عشان امسحله بيها بعد البيبي , وكمان جبت مناديل سانوسان

جبت بيبي جوي حفاضات , جبت مقاس 1 لحد ما السرة وقعت لان فيها مكان للسرة هيا بتنفع لحد 4 كيلو , وبعد السرة ما وقعت جبت مقاس 2 ودا من 3,5 كيلو لحد 7 كيلو

وهاتي قطن طبعا, وترموتر , اعشاب بيبي كالم , سرنجات عشان تديله بيها الاعشاب في اول اسبوع , وبعد كدا اديله الاعشاب بالبيبرونة

انا جبت 2 بيبرونة شيكو , واحدة للاعشاب 150 مل, والتانية للبن الصناعي 250 مل

تتينة ماركة كانبول بيبز وجبت اصغر مقاس فيها

دا اللي فاكراه

مرمور 14;15841498:
عصير برتقال طبيعي ولا جاهز معلب ينفع ؟؟؟؟؟

واول مرة اعرف اللبن بيعمل امساك

ميرسي جدا يا امونة

احنا في الشتا يا مرمور والبرتقال الطببعي كتير , هاتيه احسن من المعلب ميه مرة , انا كنت بشرب طبيعي

بسمة
اهاا يعنى هو طرى عن الكاريكوت طيب كده تماام اووى
اكيد هيكون احسن فى الخروج وفى نفس الوقت مقفل عليه كويس :D





شوفو يا بنات ده جالى هدية من السعودية :)

متهيالى يغنى عن الكاريكوت ف البيت يعنى هينام فيه بردو جمبى ع السرير
ومش هفطسه ولا حاجة عشان خاطر اموونة ما تزعلش هههههههههه


الصورة مش عاوزة تترفع تقريبا مساحتها كبيرة
بس هحاول تااانى :(

اهو يا بنات صغرت الصورة

ده وهو مقفول وعليه ناموسية وفيه مخدة صغنونة :D








وده وهو مفتوح




ايه رايكوو :)

ماشاء الله شكله حلو اوي يا علوش بس بتهيالي حجمه صغير اوي مش هيكفي البيبي كتير يعني يادوب شهر وتلاقي الواد كلبظ ومبقاش داخل فيه ههههههههههه

اموونة
طيب كويس ان هو خفيف فى الخروج ان شاء الله اتفرج كده واجيبه
لكن الكريكوت مش مهم بقى انا مش بساافر ولا بروح حتة
اخرى ماما وحماتى :(

د\امونة;15841977:
ماشاء الله شكله حلو اوي يا علوش بس بتهيالي حجمه صغير اوي مش هيكفي البيبي كتير يعني يادوب شهر وتلاقي الواد كلبظ ومبقاش داخل فيه ههههههههههه

هو فعلا شكله ما شاء الله شييك
بس حاساه بناتى اكتر :rolleyes:
بس مش مهم هستخدمه بردو ههههههههه

وفعلا هو ممكن ما يقعدش كتير
بس متهيالى اكتر من شهر ممكن 2 او 3 :D
وشكرا اوى كده :cool:

سلمي ما انا سألت الدكتور قالي اضمن هاتيها من المصل و اللقاح بس انا نفسي افهم هي غاليه ليه عندهم و كمان المكان ده بعيد عننا تقريبا في العجوزه و جوزي مش فاضي خالص ... و اختي كانت بتاخدها و كانت بتجبها من الصيدليه عادي

mam to be;15841635:

لو بتسالى على نوع المنتج فى اكيد جونسون و فى سنسن تقريبا و هتاكدلك من الاسم لان دا سمعت كتيييير بيشكرو فيه و خاصه كريم التسلخات بتاعه بس اتاكد من الاسم
اللى بيتجاب
شامبو
شاور
وايبس
كريم تسلخات
بودر(اختياريه)
صابون(اختيارى)
زيت
وبس تقريبا

بصى فى حاجات من اللى انتى كاتباها مالهاش لازمة يعنى مفيش حاجة اسمها شاور البيبى لما يتولد الشامبو بتحطى حنة نونو على شعره و تغسليه و حتة نونو على السفنجة و تعملى جسمه لانه بيكون جلده طرى و نضيف اصلا

و الوايبس بجد يا بنات و عن تجربة استخدموها بس فى الغيار للضرووووووووووووووووووورة فقط فى الخروج يعنى لكن طول ما انتوا فى البيت انا كنت بغير لبنتى كل غيار اشطف نصها التحتانى على الحوض والله مع انى والدة فى شهر نوفمبر يعنى عوز الشتا و التلج بجد عمر البيبى ما هيجيله تسلخات و هيحب النضافة و يبقى منعنش على طول

و البودرة بلاااااااااااااااااااااااااااااااااش لانها بتلهب جلد البيبى فى الاول انا اخو جوزى دكتور اطفال و قاللى مالهاش اى لازمة نهاااااااااااااائى و الزيت نفس الوضع مالوش اى تلاتين لازمة

و احسن و انضف ماركة طبعا عن تجربة سانوسان الالمانى بجد روووووووووووووووووعة و ن=تمنها فيها

و الصابونة كمان مالهاش اى لازمة لان نقطة شامبو هتكون اسهل ليكى فى التعامل و احسن و الطف على البيبى انا جبت لبنتى صابونة سانوسان اللى بزيت الزيتون و مستخدمتهاش

ربنا يقومنا لكنا بالسلامة يارب

ماشاء الله شكله لذيذ اوى يا علياء:)

طيب دا الكاريكوت ميين البورت بئا؟؟؟؟:!!: اللى شبه الشنطة كدا ومتنجد ؟؟؟؟



دى اللى اعرفها وبنقول عليها برضه كاريكوت طب مين البورت؟؟^o)^o)

غير الالتهابات البودرة بتعجن يعنى لو البيبى عرق وانتى حاطاله بودرة هتلاقيها عملت عجينة:|

بناات هى حقنة الrh دى بتتاخد امتى؟؟؟؟ومين اللى بيديهالى؟؟؟

mam to be شكرا ياقمر على ردك وانا هكتب كل اللى هتقولوه بس انا مش عارفه مين وايبس ده :worn_out:
اموونه انا جبت من دلوقتى حفاضات بس جبت بامبرز هو وحش ولا ايه انا كذا حد قالى عليه حلو فجبت عبوه واحده لكن لو جربتو حاجه احلى منه قولولى بقي عشان بعد كده اجيب منه انا جبت اول مقاس ومش هجيب تانى غير لما اعرف حجمها قد ايه لان شكلها هتنزل بعضلات :mad:
والشاور والحاجات دى بتبقي عادي فى اول الولاده يعنى جلد البيبي بيتحمل ؟
محبة الرسول اه ياقمر البورت طري بيبقي اسهل فى الشيل لو هتروحى مكان قريب يعنى من غير عربيه بتمشيه يعنى والسرير الصغنتوت ده ماشاء لله جميل اوى

ربنا يخليكو يا بنات
ده من ذوقكو بجد :adore:


شبماء
دى صورة البورت بتاع بسمة الاسلام
بعد اذنها يعنى هحط اللينك هنا :D

http://www.3roos.com/files/ups/2011/361549/01324122603.jpg

http://www.3roos.com/files/ups/2011/361549/11324122603.jpg

أجمل ايام العمر;15842974:
بصى فى حاجات من اللى انتى كاتباها مالهاش لازمة يعنى مفيش حاجة اسمها شاور البيبى لما يتولد الشامبو بتحطى حنة نونو على شعره و تغسليه و حتة نونو على السفنجة و تعملى جسمه لانه بيكون جلده طرى و نضيف اصلا

فى ناس بتعمل كدا و ناس بتجيب الاتنين بس الاحسن ان كل حاجه يبقى ليها استخدمها

و الوايبس بجد يا بنات و عن تجربة استخدموها بس فى الغيار للضرووووووووووووووووووورة فقط فى الخروج يعنى لكن طول ما انتوا فى البيت انا كنت بغير لبنتى كل غيار اشطف نصها التحتانى على الحوض والله مع انى والدة فى شهر نوفمبر يعنى عوز الشتا و التلج بجد عمر البيبى ما هيجيله تسلخات و هيحب النضافة و يبقى منعنش على طول

كلامك صح بس بردو بينفع اوى فى مسح وش و رقبه البيبى و ورا ودنه عشان ريحه الكشط و عشان بشرته مش تلتهب

و البودرة بلاااااااااااااااااااااااااااااااااش لانها بتلهب جلد البيبى فى الاول انا اخو جوزى دكتور اطفال و قاللى مالهاش اى لازمة نهاااااااااااااائى و الزيت نفس الوضع مالوش اى تلاتين لازمة

البورده اختياريه اكيد بس فى ناس بتستريح على استخدمها

و احسن و انضف ماركة طبعا عن تجربة سانوسان الالمانى بجد روووووووووووووووووعة و ن=تمنها فيها
:thumbs_up::thumbs_up::thumbs_up:

و الصابونة كمان مالهاش اى لازمة لان نقطة شامبو هتكون اسهل ليكى فى التعامل و احسن و الطف على البيبى انا جبت لبنتى صابونة سانوسان اللى بزيت الزيتون و مستخدمتهاش


ربنا يقومنا لكنا بالسلامة يارب

محبة_الرسول;15843568:
ربنا يخليكو يا بنات
ده من ذوقكو بجد :adore:


شبماء
دى صورة البورت بتاع بسمة الاسلام
بعد اذنها يعنى هحط اللينك هنا :D

http://www.3roos.com/files/ups/2011/361549/01324122603.jpg

http://www.3roos.com/files/ups/2011/361549/11324122603.jpg

آآآآآآآآآآآآآآآآآآآآآآآآآآآآه تصدقى انا مرات اخويا جايباه لأبنها بس انا مشفتوش خااالص هى وصفتهولى بس بتقولى انه مريح وعملى بترميه ف أى حتة وهو نايم:lol:

محبة الرسول طبعا ياقمر دنا قولتلك ميغلاش عليكي البورت تستأذني ليه بقي عشان صورته :)
mam to be ربنا يخليكي ياقمر واسكندريه كمان بتحبك :D
وانا للاسف ادبست كالعاده وجبت عبوه كبيره بامبرز :confused: ربنا يستر وتبقي حلوه
وخلاص انا قررت اجيب المناديل والشامبو وكل ده هشوف جونسون وهشوف اللى قولتو عليها سانوسان بس هلاقيها فى الصيدليات عادى ولا هدوخ عليها

basmatelislam;15843753:
محبة الرسول طبعا ياقمر دنا قولتلك ميغلاش عليكي البورت تستأذني ليه بقي عشان صورته :)
mam to be ربنا يخليكي ياقمر واسكندريه كمان بتحبك :D
وانا للاسف ادبست كالعاده وجبت عبوه كبيره بامبرز :confused: ربنا يستر وتبقي حلوه
وخلاص انا قررت اجيب المناديل والشامبو وكل ده هشوف جونسون وهشوف اللى قولتو عليها سانوسان بس هلاقيها فى الصيدليات عادى ولا هدوخ عليها

انا شفتها فى اغلب الصيدليات العاديه الكبيره فى القاهره و الجيزه