لمه العراقيات المغتربات من كل مكان (الشهر محرام)

مساء الخير عليكم حبايب

وحده وحده يارب الكل بخير

حبيت اسلم عليكم ومشتاقه الى أخباركم

ام عبيدان البوت يخبل تهري بالهنا وكارلوين

الرب يحميلج لوكاس ويخلي الج ويكومج بالسلامه

تحياتي الكم

سلام بنات شلونكم وشخباركم مشتاقه لكم والله .. حطيت نت بالبيت حق شهر على ما اسوي عقد جديد .. ما قدرت اتحمل وصرت ابكي مثل الاطفال وزوجي راح ركض جابلي اشتراك حق شهر يريد يخلص من النق هههههههههههههههههههههههههه

خخخخخخخخ
ضحكتيني ام فطوم !يعني صدك كمتي تبجين؟ مثل الجهال
يبووووو

شلونكم بنات اني من يومين اجيت من الونسه ماشاء الله دبي تخبل صراحه مالت سياحه وونسه وصرف فلووووس خخخخخ
بس لان رجلي عنده شغل فالفندق هم يدفعوله فلوسه وااكله وشربه هو كله عالشركه اني يدفعلي التذكره والاكل والشرب مالتي خخخخ زين يعني نص الصرف طار على الشركه
المهم تونست ورحت لعبت بالالعاب ورحت ركبت سفينه صغيره ويه ناس يعني وفرفرونا بيها ساعه ونشوف الطيارات الصغار يذبون الناس وينزلون بالبرشوت على الشاطيء
والمحلات على الشاطيءواكل وشرب وتحفيات وكلشي تريدين موجود
بس غاليه شوي اسعارهم عن السعوديه
هذا تقريري بالايام الي غبت بيها
طبعا اجيت لازم انظف الشقه وااطبخ
وبعدني مو مكمله من اخلص اقره الي فات باي باي

حيالله بل حباااااايب منورين وتوهاا المه كملت بوجودكم
الحمد الله ع السلامه مشموشه والحمد الله انج تونستي عليج بالعافيه يارب

ام فطوووومه هههههههههههههههه خطيه اي والله من غير نت ضوووووجه الحمد الله رجع النت تلتهين في شويه ويقضي النهاار

فرجينااا الله يشفي يارب


ام سجووووووووووووودي الوووورده حياتي انتي تسلمين عيونج الحلوه هذا من ذوقج
شلونج وشخبارج؟

هلو بنات شلونكم شكو ماكو

اني مسفره هسة بلندن

ميتات عايشات؟
هههههههههههههه سووووري ع هل كلمه بس اجاني مسج من الغوالي مكتوب في ميييييتين لو عايشين هههههههههه دخلت للمه مالكيت احد كلت هل سؤال يمشي عليجن هههههههه شلونكم وشخباركم
فرجينااااااا ماكو طمنينا ع خال زوجج شلون صاااار هسه؟؟؟

دودو سفره سعيده يارب
ام فطوم مشموشه باقي البنات شلونكم؟؟

امي اتصلت بي قبل يومين وسالتها عنهم
لم يخبروني بان اخي حالته صحية كانت متدهورة هذه شهر وهذه حكاية اخرى طويلة ارويها لكن في وقت اخر

وخال زوجي قالو بان حالته تحسنت وان دقات قلبه رجعت للطبيعية بعد ان كانت صفر
حتى دكتور امل بالشفاء على ان يعمل له عملية

والكل فرح بحالته حتى قد حرك رقبته و البارحة بعد اخر اتصال لام زوجي قالت بانه بخير لكن لم يفتح عينه بعد

والبارحة ساعة 3 ليلا وصلنا مسج من اخ زوجي
قال انه توفى:'(
انا لله وانا اليه راجعون

زوجي حالته ليست بخير يبكي كثيرا لانه متعلق بــــ خاله
ولديه اطفال الان تركهم ايتام:'(:'(


وانا لدي مقابلة غدا لاخر موعد للمنزل حكومي والله خير راحمين

انا لله وانا اليه راجعون

لا حوله ولا قوه الا بالله
والله واني اقره التطورات بالبدايه فرحت بس بل اخير عرفت توفه
الله يرحمه ويغمد روحه الجنه ويصبر زوجج واهل ع افراقه يارب
ويشفي اخوج يارب

سلام بنات شلونكم ..
ام عبودي اي والله شكلنا ميتين هههههههه برد وتعب وضوووجه وكائبه .. الله يعين ..
فرجينا والله ضوجني الخبر الله يرحمه ياارب ويسكنه فسيح جناته يارب .

الله يرحمه
انا لله وانا اليه راجعون
ربي يغفرله ويوسع قبره ويجعله روضه من رياض الجنه امين يارب العالمين
ربي يشافي اخوج ويصبر زوجج على وفاه خاله

هلاوووو بنات شلونكم

ام عبيدان والله بخير احنه انتي شلونج وعبيدان يقبرني شلونه

اليوم هوايه ضايجه بغدادنه أدمرت اليوم الله يرحم شهداءنا ويشفي الجرحى منهم

دودو تروحين وترجعون بآلاف سلامه فرجينيا الله يرحمه ويجعل مثواه الجنه

سلامي للكل

تفجـــــــيرات بغداد 2011\12\22

الانفجار الاول استهدف تجمعاً للعمال في منطقة العلاوي.
الانفجار الثاني في منطقة الكرادة قرب مستشفى الراهبات.
الانفجار الثالث على جسر الطابقين بأتجاه السريع المؤدي الى منطقة الدورة.
... ... الانفجار الرابع في شارع المغرب قرب مستشفى العين.
الانفجار الخامس في تقاطع الشعب.
الانفجار السادس استهدفت علوة الشعلة.
الانفجار السابع في منطقة السيدية وبالتحديد في حي الشهداء.
الأنفجار الثامن كان بعبوة ناسفة في حي العامل (شارع84).
الانفجار التاسع كان في منطقة الاعظمية.
الانفجار العاشر في الحارثية.
الانفجار الحادي عشر في الوزيرية.
الانفجار الثاني عشر في مدخل حي ابو دشير بالدورة.
((((((( الـــــــــله يرحـــم الي اتووفـــوا ويشـــــافي الي انصـــابوا اميـــن ياربــــ))))))))))

تفجـــــــيرات بغداد 2011\12\22

الانفجار الاول استهدف تجمعاً للعمال في منطقة العلاوي.
الانفجار الثاني في منطقة الكرادة قرب مستشفى الراهبات.
الانفجار الثالث على جسر الطابقين بأتجاه السريع المؤدي الى منطقة الدورة.
... ... الانفجار الرابع في شارع المغرب قرب مستشفى العين.
الانفجار الخامس في تقاطع الشعب.
الانفجار السادس استهدفت علوة الشعلة.
الانفجار السابع في منطقة السيدية وبالتحديد في حي الشهداء.
الأنفجار الثامن كان بعبوة ناسفة في حي العامل (شارع84).
الانفجار التاسع كان في منطقة الاعظمية.
الانفجار العاشر في الحارثية.
الانفجار الحادي عشر في الوزيرية.
الانفجار الثاني عشر في مدخل حي ابو دشير بالدورة.
((((((( الـــــــــله يرحـــم الي اتووفـــوا ويشـــــافي الي انصـــابوا اميـــن ياربــــ))))))))))

ام عبودي اني الجسد عايش والروح شبه ميتة

فيرجينيا الله يشافي اخوج
واهلج وين بل عراق

والله بل بداية فرحت لخال زوجج وبعدين انقهرت الله يرحمة ويسكنة فسيح جناته
والله يكون بعون زوجتة واولادة
وانشاء الله البيت من قسمتج

دودو شلوووووووونج شخبارج واخبار الدراسة

دودو شخبارج واخبار الدراسة

ام فهد بل عافية السفرة انشاء الله على طول مبسوووووطة


ام فاطمة شلوووووووووووونج شخبارج


بنت الرافدين منووووووورة عزيزتي شخبار اولادك


ام عبوووووودي شلونة عبووودي

ام عبودي بيا صفحة البوت ماشفتة

الله يحفظكم ويجمعكم باحبابكم دنيا واخر بالجنة يارب

الله يرحمه يارب

الله سبحانه وتعالى لان اني بالغربة سبحان الله علمني بكل هذه الاحداث قبل وقوعها بالمنام

انا لله وانا اليه راجعون


الله يسلمكم

ادعولي باجر مقابلتي على منزل حكومي

ادعولي امانه الي تقدر تدعيلي

كارولينا بكركوك اهلي
لو بس امي وابوي يطلعون جان هسه يجون يمي ويعيشون احسن عيشة بس ميقبلون يطلعون من العراق