لمة ثائرات و حرائر ليبيا الحرة لشهر محرم سنة1433ه_ الجزء الرابع

السلامك عليكم
كيف حالكم بنات وشنو اخباركم ليكم وحشه كبيره اني مكسسده الحراره واصله عندنا تحت الصفر:sick:عرفتو جو متلكمكه تحت البطانيه وخلاص واللاب عند راجلي يبيه الفتره هادي فنخش ندير في طله من الليل لليل --قصة حياتي--المهم اي ميس يو توووووو متش

نجيمه صحيتي هلبه انك استفقدتيني ربي ما يفقدك في غالي ويشفي عتمان عاجل غير اجل

قهوه واللهي مخليه مكانك يا مرا والحمدلله استقريتي يلا عاد ما تطوليش علينا

هنو الدلوعه شنو صاير فيك يا كروشه ربي يفرج عليك وتجيبيلنا سنفورة اللمه

ساره وهموسه كيف حالكم وحال صغيويرتكم ليكم وحشه

روووووز وملووووكه العرايس تس وينكم هيا عاد تم شهر العسل هههه

هنو ام اللي كان حاصل ربي يحفضه انشالله حصلتي رقم صالة لبده

حلا وسمايلي وقنوعه واميره وعروس وخفايا وحياة وكلللللللللل البنات ويييييينكم

قهوة خيرك ديما تكنسي لما بي تطلعي ؟؟؟؟؟؟؟؟؟؟:068:

دليل انك لما تخشي لي اللمة كنتي تجبي في شكارة بطاطا وماتقوليش تفضلوووووووووووووووووا كشفتك :079::079::079:

منووووووووووووووورة ام ميمي .... .. المهم ما فيه شر ... ههه صقع شدي مكانك .. وديري شاهي بي القرفة يدفي ... بوسينا ميمي ... اسمعي حطي صورة تانية لي ميمي بس اهم شي شعرها يكون مشفشف

هلا وغلا عروسة ............. اني مخفي لكن ديما موجودة في اللمة ؟؟؟؟ وبي كترة ...

اللهم يا رب لا تجعنلي من القانيطين يا رب العالمين

... خيرك تخشي وتطلعي يا ننس .... تقول عندك اسهال ... كعمزي وهدرزي معاي العفو

اللهم امين يا نجومة وربي يشفي عتمان تعرفي كل ما نقرا توقيعك . جسمي ينوض شوووووووووك .
وقصة عتمان والله غريبة سبحان الله . ربي يكون معاه ومعاك يارب.

اهلا بنات

نجمتين لاني خشيت بدون مانكمل حوستي ههه

ننس باهي قريبه خالتك من خالتي خالتي تسكن جيهه مطعم الخيمه ( مقدمه ) هههه

عروسه منوره بيك اللمه يا عروستنا الغاليه

روح الوليد ليك وحشه كبيره يا غاليه

اللهم لا اله الا انت الحق ... يا رب اشفي انت الشافي

سلمك روح وليد ... بس نبي دعواتكم لي .... ولي عتمان ... ان شاء الله في ميزان حسناتكم ....

..... ربي يعاونك قهوة .. قولتي راهو عاونتك ...

هههههه ننس الاسهال خير من الامساك بي هلبة اسالني اني عليه .........هههههه حاشة السامعين الموضوع والهدرزة مقرفة لكن كساااااااااااااد

.... باللهي عليكم يا بنات تعالوا فيه اجتماع ضروري

نجمتين انت في موضوعك كاتبه ان عتمان خطيبك رجعتوا لبعض واالا كيف صار؟

معليش ليا مده عاللمه

انا جيت للاجتماع يا نجومة ان شاء الله خير بس

..... الله اكبر الله اكبر ولله الحمد