لمة ثائرات و حرائر ليبيا الحرة لشهر محرم سنة1433ه_ الجزء الرابع

هههههههههههههههه كنا حاصلين في ام الحاصل شكله توا بنحصلو في الحاصلة ..... لا لا يا هنو معاش تشغلي باللك هلبة كلها اقل من ساعة وتنوضي بي السلامة علاش تشغلي في روحك هلبة

السلام عليكم
كيفكم يا صبااااايا
حنونة الف الف مبروك يتربى في عزكم وان شاءالله من حفظة كتاب الله
نجومة اهلين وصحيتي عارفاتك ماتقصري
هنوو بالنسبة لوجعك توة عادي راهو هادي ايقولولها تساهيل راهو ماتخافيش وبالنسبة لعلامات الولادة
في الاول مش راح تعرفي انها لية جياب الا لما يكثر عليك الوجع يعني في الاول متباعد الوجع وبعدين يقعد معادش
في فاصل يقعد وجع مستمر ويقوى عليك واتحسيه في ظهرك واتحسي كانك بتبرزي حاشة السامعين خلاص معناها ولادة على طول
ومش شرط ينزل عليك شيء مية والا دم لالالا اني في بنتي الاولى نزل عليا بس في الثانية لا ايوة وحاجة ثانية مرات ايكون في ترجيع .
ان شاءالله ربي ايعاونك واتجيبي بالسلامة انت والبيبي

وينكم ياااااااااااااابنات

خلاص ياهنو اهي قاتلك لولو ..تساهيل ..ههه ماتخليش نفسيتك مش حلوه بعدين ينعكس على نفسية البنوته ..تقول خيرها ماما متنكده خلاص مانبيش ننزل بعدين نخشو في قصه زي قصة ولد هنوووو ههههه

يابنات الي مفركسني مش عارفه نرتب حاجتي ونحس في روحي بروحي من غير اهلي ربي يحفظهم يااااااارب
لؤلؤة كيف حالك لك وووووووحشه وكلامك مريح وحلووو
تسلمولي يابنات
باه لما تجيني لية الجياب وبنمشي للمستشفى شنو نلبس للولاده ؟

ستار كيف حال مريضكم ..ان شاء الله احسن وشن نفسيته تمام؟

ههههههههههههههه ضحكتيني ياعروس

ان شاء الله ديما تضحكي ياهنوووو

وانت اكثر ياهنوو بالنسبة للترتيب بشوي بشوي تو كل شيء يمشي كيف ماتبي
وماتعصبيش روحك واهم شيء توة اتمشي واااجد ساعة مشي كويس ايسهل الولادة راهووو
وبالنسبة شنو تلبسي انحس في حاجة مفضفضة افضل راهو زي قفطان وبعدين بتغيريه بعد ساعتين او هكي
وبتلبسي حاجة ثانية اتريحك واي سؤال اتفضلي ياغالية

سلمها ليا ياربي وين كنتي من زمان يالؤلؤه ومخليتيني ههههههههههههههه
باه كام قفطان نشيل للمصحه وكم داخلي

المفروض ديما موتية ساكو متعك ومتع البيبى على اى طارى باش متقعديش مفركسة وتفركسى راجلك معاك والبطانية متعك ومتع البيبى

يعني المصحه نرفع بطنيه ليا

ايه احسن لان يقولو النافس مش باهى ليها الصقع وخير ما يعطوك هما متعك ليك احسن

هنوو بالنسبة للقفاطين على حسب قعادك في العيادة وان شاءالله ماتعطلي فيها
لو يومين ارفعي 3 لبسات او 4 كويس للاحتياط والملابس الداخلية ارفعي واجد
لانك مرات اتغيري كل ساعتين او هكي

اهاااااااااااااا

البطانية على حسب لكن ننصحك ارفعي مرات اللي تلقيها قدامك مش كافية ومرات
تتوسخ وبعدين الجو صقع ارفعي معاك

شن الجو يابنات
انستو بعض
هنووووووووووووووو رعشتيني من خوفك ^_^
ربي يسهل عليك

سلمك لؤلؤة .........

اهلين حلا نورتي ياغالية والله ايئانسك بااحبابك

.... الحاسية هنو .... هههههههههههههه ربي معك يا رب وتجيك ساعة ساهلة ما تخافيش