لمة ثائرات و حرائر ليبيا الحرة لشهر محرم سنة1433ه_ الجزء الرابع

ماشاء الله امونه حلوة صدرتك

امونة ,, تصدقي استخدمته الفولتن وناخد فيه من صيدلية الشريف ب 42 اضني وخديت معاه الشامبو البلسم متاعه ب 12 ونص وبلسم ب 15 واستمريت عليه شهر وشوية مشفتش اي نتيجة الحق مع اانا كنة خالتي شعرها تصلح هلبا ولما سالتها قتلي دكتور وصفلي هادم ,, ممكن هما للتساقط واني الحق مش هاداكا التساقط اني اكبر مشكلة انه نموه بطييءء ,, مع انا ليا شهر ماشية على كورس معيييين ونتيجة للان تقدري تقولي مبهرة هههه بس نبى نكمل شهرين بزبط وبنحط تجربتي كاملة مع المنتجات والوصفات مرات تفيد حد يبي يطول شعره ههه

اني طولي 160

ووزني كان ديما يترواح ما بين 48 ل 50 ,, ومشيت لدكتورة قتلي لا مش ضعف هادا سمباتيك هههه قلتلها ميمشيش فى ليبيا هههه الحق نبى نوصل لغاية 58 ومش حنفوتها حاليا وصلت ل 53 ,, ناخد فى حبوب برنابول حبة وحدة قبل ما نرقد وحاسة بروحي حوايجي ضيقااات

وانتي شكلك ماشاء الله طويلة ,, قداش طولك ووزونك

تسلمي كوين عيونك الحلوات

هيوله لازم تقولينا على تجربتك انا صح شعري تعدل بس مازال نبيه يطول اكثر

لا طويلة لا شي

طولي 160

وزني 63

يلا حبوبات تصبحوا على خيرات

متنشونيش نبي موديلات مستورة

بنااات وينكن وين راحتن

لا والله فى الصورة تباني طويلة ,, باهي لكن معناها كان تنقصي 5 ولا 3 كيلو بس يبدا جسمك مية مية

بالنسبة لتجربتي ممتعة ومتعبة وفيها هلبا منتجات تهبل للشعر قاعدة نوتي فيها ونستنا فى النتيجة النهائية يوم 20 - 12 .. ومدة الرحلة شهرين حتفيدكم بادن الله ,,

انتي لوين شعرك

فجأةالبنات هربوووووووووووووووووا

فى قلب ليبيا هلا بيك

حتا انى ننعس لكن مازال مش راقدة توا بس خلي نمشى نوكل الصغار وندير دورة عالحوش ,,

تصبحوا على خير

شعري نص الظهر ...

تعرفي جسمي كويس بس البطن مهبلتني كان تمشي البطن يسلام

البطن عليك وعلى الرياضة متاع ترقدي على ظهرك وتنوضل ديريها مية مرة ورا بعض لين تعرقي وخشي دوشي وادهني بطنك بالقهوة وانتي فى الدوش ادوب الشحوم والله كويسة اني جربتها فى جيهة الارداف لان معبيات شوية

السلام عليكم

*بيبااااااااي حبيابي
تصبحو على خيرااا*

يابنات حتى انا مشكلتى البطن مفيش حل ,اسمعى هلبى 100 مرة انا مندير 20 لين تطلع روحى مالا كان 100 كيف

يالله حتى انا تصبحو على خير يا حلوات
وان شاءالله ديما ملتمات ع الخير

عدنا
والله حتى انا البطن مهبلتني شوي اليوم وانا ندير في رياضه صارلي احباط قلت امتى بتخش !!! لكن انا الحق مادوامتش يعني في الاسبوع ندير مرتين اكيد مش حنشوف نتيجه هكي !!

هيول ..اما التمرين اللي تديريه 100 مره متاع الرقاد ع البطن ؟ اللي ترقدي على بطنك وايدك تلامس رجلك بالتبادل؟