لمة ثائرات و حرائر ليبيا الحرة لشهر محرم سنة1433ه_ الجزء الرابع

باهي نجوم شني صار فيهم توه
الزنتان .................. القرادة......................... صدقت سلفتي فيهم

الله اكبر ولا اله الا الله ........ استغفر الله

السلام عليكم لؤلؤة كيف حالك أنشاءالله لابأس عليك ومدابيك تكتري من الحاجات اللي فيها فيتامينات وحديد نجومة كيف حالك وشن اخبارك إنشاءالله ربي يرجعلك عثمان بالسلامة ويارب إنشاءالله جسمه يستجيب للعلاج بسرعة يارب يشفيه أمين

اهلييييييين زهروتة وينك يامرااااااااااا
وكيف حال وليدك كويس انشالله

هموسة كيف حالك وحال الصغار أنشاءالله كلكم بخير ‎:-*‎‏ ننوسة كيف حالك وشن أخبارك إنشاء الله أمورك تمام

ليبيا الحرة كيف حالك وحال الصغار كويسين انشالله

الحمد لله كويس الله يسلمك ياهموسة

والله مستاحشتكم هلبة

واللهي يا هموسة امشلهم خوي وتاسفوا .. لكن خلاص حطو عينهم والمشكلة البلاد وفوضة ما فيش قضاء .. ربك يستر انهم يتشابكو هم وخواتي الشباب الصغير ما يتحملوش يحسوها ضحكة ويرمو عليهم ... تعرفي يوم الخميس ما شيه الي الحوش غادي واللهي حاطين السيارات في وسط الطريق ويركبوا في صواريج الجراد بي عيوني ومواجهينهم علي طرابلس .... تعرفي درست السيارة وقوتله شنو فيه علاش هدا ... واحد قالي ما فيه شي يا اختي كملي طريقك وتاني قالي كان تبو الزنتان يطلعوا ... قوتله لا اقعدوا احني توا نطلعوا ونمشوا لي الزنتان غير قولنا الطريق منين بس امشي يقعدو يضحكوا ... ما جي الليل الا وهات يا رصاص وهات يا 14 ونص تعرفي لين خفنا حاجة تجي فوق راسنا ... الانهم هم في جنباااااااا حوزتنا لصقة في النقليه امتع معمر وتعرفي مكانه حاجة خياليه جميل تعرفي وانتي فيها يبان شط البحر ... وين استراحات مدمر وصفية .. وهدا علاش كان معمر واخدها من بوي وعاطيه لي الطباخ امتعه ... الانه ضامنه ما يبش ناس عادية في جنبه .... وطبعا لمه تحررت القصر جوا توار مصراته هم لي فتحواها الحوازة وبعدين بدو يجو المخانب لي شوهوا صورة التوار وبدو يخنبو وهم العار يخنبو في طناجر فراشات مبعد ما فضت خوتي سكروها ولحموا الباب امتعها وفتحنا فم من جهة حوزتنا لي قاعدة عندنا وبدينا نخشو من بوابتنا .... لكن هم عرفوا انه الحوش مسكر ويبوا يجيبوا نساوينهم

بيكا ،ليبيا الحرة أهلين كيف حالكم إنشاء الله طيبين

اهلين زهروتة ..... ان شاء الله يسمع منك ربي ياااااارب ... كيف حالك انتي

ياااابنات باربي معاش تخش ... ليها وحشة .... ان شاء الله غيابها خير ياااااارب

.... ياااااااااااااارب ازح عنا الزنتان ياااااارب ... والله يا بنات عندي خوي دمها حامي .... تعرفي قال يا قاتل يا مقتول عليها الارض ربي يستر وخلاص .... لا حول ولا قوة لا با الله ........... الله يعطيهم سحقة ها المناضر لي شوهة التورة

ههههههههههههههه ما دققي ياااااااااااننس وتقصقصي يااااااااااامرا هكي داير فيك الكساااااااااااااد

شنو صااااااااار في حرقتك ...

لاحول ولاقوة الا باالله شني هداااااااااااااااااااااا

نجومة وزهروتا تسلموو ياحلوات والخضرة ناكل فيها يوميا هيا والفواكه ومافيش فايدة اصلا الشهور الاولى
اتعبت فيهم واااااجد وماكليتش من الوحم شكلة توة راد عليا

ننوس لاباس عليك وكيف حال السنافر
هموسة ماشاءالله ع الكتكوتات اللي في الصورة ربي يحفظهم

بنات بنسالكم في مكان معين ايبيعوو فيه في الترفاس قديش جي خاطري فيه
في الوحم والقيته اليومين اللي فاتو في قرقارش بالصدفة وبعدها معادش القيناه