shoshet*himo;15857913:
امااني كلامك خلاني اعيط ربنا يخليكم لبعض ياررب انتي وجوزك ويتم شفا بابا وماما يارب بسرعه علي خير يارررب وبعدين يا هانم متغبيش تاني بشوفك علي الفيس علي طوول تعالي هنا كمان
فجر بتخش الفيس والماسنجر هي كويسه الحمدلله بس مش بتخش هنا تقريبا زهقت مننا هههههههههههههههههههه
لا ياخت ما زهقتش منهم ولا حاجه وهم عارفين كده ههههههههه
فرح كويسه رجعت لجوزها علي فكرة بس هو مسافر وهي في مصر عند اهلها ربنا يرزقها قريب ياررب
انا بقا تعبانه بقالي كام يوم بطني بتوجعني مش بطني بالظبط اخر حته في بطني فوق العانه كده بجد بتوجعني اوي في النص محدش يقولي المبايض معرفش ايه السبب ولما اجي اقعد او امشي جامد او وانا في الحمام حجزت بعد بكرة نسا وهروح باذن الله اشوف ايه ده ربنا يستر لحسن الواحد بلاويه كتير اليومين دول كمان مخدتش ادويه الشهر ده خالص منشطات يعني قولت اريح او ممكن مرجعش اخد تعبت بججد وبالنسبه لجوزي لسه مافيش حاجه جديده ودفعنا السكن لاخر شهر واحد وقالهم هنمشي اخره خلاص يارب يلاقي شغل بسرعه يارب بس كده كده سواء قعدنا ولا نزلنا مصر هنسيب السكن ده لان اي شغل جديد هيبقي مرتبه قليل مش هنقدر ندفع الايجار هنا يلا الحمدلله ربنا يسهلها من عنده ويصبرني انا متضايقه اكتر منه والله والا قعدته في البيت بقا كل يوم خناقه شكل وعلي اتفه الاسباب بجد لابنا يديم نعمه الشغل علي الرجاله وميقعدوش في البيت علي راي ماما بتقولي جنازة بطار ولا قاعده الراجل في الدار هههههههههههههههههههههه دي من الاقوال المأسورة بتاعت ماما عشان بابا بيعذبها لما بيقعد حتي لو اجازة هههههههههههههههههه يلا ربنا يهونها يارررب
معلش يا شوشو عى فتره صعبه شويه معلش اتحملوها شويه وربنا يفعلكم اللى فيه الصالح ...اما بقى الم البطن ممكن تكون التهابات
manyaa;15856329:
انا جيييييييييييييييييييت تاني اهو... سامعة ناس بتنده اهو ...
معلش يا جدعان انا الفترة اللي فاتت كنت كل ما ادخل بكون لوحدي فمتكلمش .. و بصراحة نفسيتي تعبت اوي بعد موضوع شيرين خصوصا اني كان عندي مشاكل و اكتئاب هنا كمان ... و الشات ماكانش ناقص يعني... فكنت لابدة على الفيس بوك ليل نهار اهو في مواضيع مختلفة و حاجات مختلفة تنسي الواحد شوية.... بس كنت بدخل اقرا اخباركم على قد ما اقدر لاني مش بدخل يوميا.. انهاردة مزاجي حلو الحمد لله :)
لولي واحشاني يا بنتي.. اخبارك ايه ربنا يتمملك بخير انت و دينا وهدى و امنية وودعةوهبة و ماجدة و أعتقد حلاوتي زايدة حتة و كل الحوامل يا رب...
و مي و شيرين و سارة و مها و ياسمين و انا معاكوا ربنا يعوضنا خير يا رب... فعلا اللي يشوف ابتلاءات الآخرين تهون عليه ابتلاؤه... و ربنا قااااااااادر يرزقنا الأفضل و الأحسن .... ربنا يفرح قلبكم و يبدل حزنكم فرحا
و ريري و موني و شيماء ربنا يرزقكم الذرية الصالحة يا رب و يفرح قلوبكم و يفرج كربكم و همومكم...
بوسي الصين و بوسي ام ملك و ميرا و امونة و جوجو و الامهات اللي معانا هنا .... ربنا يبارك لكم و يبارك فيكم و في ذريتكم و ازواجكم يا رب..
يااااارب ماكونش نسيت حد ... يا بنات اعذروني بجد لو ناسية حد انا بدخل على فترات و بكتب على اخر الاخبار الجديدة اللي قريتها ...
فجر و فرح و لميس اخبارهم ايه انا مسمعتش عنهم حاجة من زمان .. حد يعرف عنهم حاجة؟؟؟
امانى حبيبتى ربنا ما يحرمنى من سؤالك يا قمر
انا اخر اخباري.. لا جديد... شكلي حقضي الاسبوع ده في بيتي و غالبا كدا و حروح لماما الاسبوعين الجايين ان شاءالله .. كان المفروض ابتدي علاج الشهر ده بس شكلنا كدا مش حنبتدي برده لاني اتحولت للخاص و التأمين مابيغطيش تكاليف علاج تأخر الحمل نهائي... و طبعا العلاج هنا غالي جدا و لسة مش في الامكان اننا نمشي في حاجة دلوقتي... و طبعا بقالي 7 شهور تقريبا كدا ما اخدتش منشطات و لا حاجة .. و ربنا يستر و التكيس مايزيدش و ما اطخنش على ما ابتدي العلاج . :)
بابا و ماما كويسين الحمد لله اخويا لسة قاعد الحمد لله ... و مش عارفة حيعد تاني وللا لأ .. هو بابا بيقدر يتحرك و يقوم و كدا الحمد لله بس طبعا ممكن يتكعبل و هو ماشي و يقع و كدا هو بيمشي بعكاز بس احيانا بيفقد توازنه لان الصوباعين الكبار في الرجلين دا مش موجودين .. و هو بس مستني الجرح اللي في رجله يقفل تماما عشان ينزل الشغل ان شاءالله ...
ماما بقى لسة المفروض معادها مع الدكتور بكرة ان شاءالله عشان يقولها تمشي وللا لأ ربنا يكرم و تبدأ تمشي لانها بقالها كدا 7 شهور مابتمشيش.. و اكيد حتحتاج علاج طبيعي ...
اختي اللي في مصر الحمد لله رب العالمين قدروا يعملولها زيارة و لسة حيبعتوهالها انهاردة ان شاءالله بس معرفش الاجراءات بتاخد قد ايه عشان تخلصها هناك و تسافر ان شاءالله .. حتيجي شهر او شهرين بإذن الله و اعتقد حيكون كافي بإذن الله..
ربنا بيدبر الأمووووووور الحمد لله رب العالمين .. و ادعولي ربنا يرزقنا من حيث لا نحتسب... و يرزقنا الذرية الصالحة ... :)
جزاك الله خيرا ... كلمات في الجووووووووووووووووووووووووووووون :thumbs_up:
مممممممممممممم.... احداث السنة دي كتير اوي.. على المستوى الشخصي بغض النظر عن المستوى السياسي.... ههههههههههههههههه
أنا حبتدي بأحلى حاجة حصلت....
1- اول يناير احلى حاجة ان ربنا كرمنا الحمد لله و جوزي قام بالسلامة من العملية لانه كان دخل يشيل المرارة ليلة راس السنة .... فأحلى حاجة انه رجعلي بألف خير و اتخلص من وجع المرارة البشع اللي كان بيجيله و اخيرا بقى يقدر ينام :)
مش حسميها اوحش حاجة بس هي من أصعب الحاجات اني كنت لوحدي معاه في الغربة و بات 3 ايام في المستشفى و كان صعبان علية اويي لانه قعد اسبوع تعبان و بيتألم و مش عارف ينام غير في وضع و هو قاعد يا حبيبي و لا عارف يكح ولا يتكلم كان كل حاجة يتألم ..يا حبيبي.. ربنا يديله الصحة يارب.
2- احلى حاجة ان ربنا نجى أخويا من حادثة العربية الحمد لله و انها جت على كدمات و خياطة بسيطة في جبهته .. الحمد لله انه ماتكسرش زي صاحبه اللي كان معاه في العربية ... و انه رجعلنا بالسلامة..
3- احلى حاجة اني قمت الحمد لله بالسلامة من التعب اللي حصلي في نص السنة من عملية اطفال الانابيب.. لاني شفت الموت يوم ما حصلي فرط تنشيط ...
4- و الحمد لله كمان ان ربنا خلاني أحس بفرحة اني اكون حامل حتى و ان كانت 10 ايام بس لكن كانت ايام حلوة الحمد لله يمكن كانوا أحلى ايام ... في السنة اللي شفت فيها اول سونار للجنين في حياتي.... و انا كان نفسي اعيش الاحساس دا اوي... و طبعا أصعب لحظة عشتها لما شفت كيس الجنين نازل مني مع الدم ... نزل بحالته كدا سبحان الله .... بس ارجع و اقول الحمد لله انه حصل اجهاض لانه اكيد احسن من انه يكمل و يكون مشوه لا قدر الله ...
5- أحلى حاجة ان بابا ربنا نجااااااااااااااااااااااااااااااااااااااااه الحمد لله رب العالمين.. بجد بجد بجد أحلى و احسن حاجة اني شفته بيمشي تاني على رجليه ... و اني شفته بيتنفس من غير ماسك الاكسجين .. و اني شفته بيشرب من غير ما يجيله ضيق تنفس.. الحمد لله الحمد لله الحمد لله .. ربنا يا رب يتم شفاه على خير.... و طبعا أصعب حاجة لما كنت بشوفه بيستعد للموت... كان في كل لحظة يا حبيبي كان بيحس اننهاا اخر لحظة.. ربنا يديله الصحة و طولة العمر.... كانت ايام صعبة اوي...
6- أحلى حاجة ان ماما عملت عملية ناجحة ان شاءالله لرجلها هنا ... و حيبقى أحلى و أحلى يوم ما اشوفها ماشية على رجليها... و طبعا كانت أصعب حاجة يوم ما ركبتها اتكسرت و انا كنت عملت ترجيع الأجنة و مش عارفة اساعدها خالص... و لما شفتها و هي بتصوت من الألم و ركبتها مكسورة ماكناش عارفين نشيلها من الارض طبعا و جبنالها الاسعاف كنا في نص الليل....
7- أحلى حاجة اللحظات الحلوة لما بعد في بيتي مع جوزي و احنا في العربية .. و احنا بنتمشى و احنا في البيت ... فعلا بعدي عنه الفترة اللي فاتت حسستني اني فعلا لا يمكن اقدر اتحمل اني اعيش من غيره... بحمد ربنا انه رزقني بيه.. عمري ما كنت حقدر اتحمل اتجاوز المحن اللي بمر بيها اذا ماكانش ربنا كتبلنا انه يكون في حياتي... سبحان الله احنا كان المفروض معاد جوازنا لسة الصيف الجاي.. بس احنا اتجوزنا سنتين بدري و ربنا يسر كدا عشان يكون جنبي في المحن دي... و طبعا أصعب حاجة لما كنت بسافر عند بابا و اسيبه كنت كإني بموت والله و كمان لما بحس باشتياقه للأطفال و زعله و انا مش قادرة أحققله الأمنية دي... بس حيكون أسعد يوم في حياتي فعلا يوم ما أشوفه شايل ابنه او بنته مني على ايده و في حضنه.. لانه يستاهل كل حاجة حلوة و يستاهل كل خير .. ربنا يخليه لية يارب.... و بتمنى من ربنا انه لو مش مقدرلنا الخلفة انه يصبر جوزي و يراضيه و يرزقه الرضا دايما... و يقدرني اني اعوضه مع اني لا اعتقد اني حقدر اعوضه ... بس عندي احساس برده دايما ملازمني اننا في يوم من الأيام حنكون ام و اب لأحلى توأم و مش بعيد يكونوا توأم ولد و بنت كمان يااااه .. حتكون فرحة مضاعفة جدا.... :adore: مش حقدر أوصفهالكوا ساعتها ههههههههههههه مش حبقى فاضيالكوا بقى الوقت مش حيكفي وصفها... هههههههههههه
8- أحلى حاااااااااااااجة كماااااااااااااااااااااااااااااان اني خسيييييييييييييييييييييييييييييييييييت و بقيت 70 كيلو.. دا رقم قياسي في حياتي الحمد لله رب العالمين ... و جوزي له الفضل بعد ربنا في اني اوصل للنتيجة دي ... :) بقيت موزززززززززة يا ولااااااااااااااااد... يا سلام بقى لما بلبس الحاجات اللي جبتها في جهازي و مالبستهاش من يومها بسبب انها ضيقة او مش حلوة على جسمي..... يا خبر ابيض.. انا أصلا الهدوم بقت واسعة و عايزة اغيرها كلها هههههههههههههه المشكلة في العبايات اللي جبتها في مصر لسة جديدة دي عايزة مني اتنين يلبسوها مع بعض دلوقتي هههههههههههه بس لسة انا كل ما افرح بالخسسان ده بطخنلي 2 كيلو.... سيبوني بقى خلوني اخسلي 5 كيلو كمان وللا حاجة و ساعتها يبقى رضا و الحمد لله .....
بجد الواحد لو يبص للكوباية من النص المليان حيحس انها احلى حاجة حصلت.. مش عارفة اقول ايه احلى من ايه كل حاجة أحلى من التانية.... بس السنة دي شفت بجد (فإن مع العسر يسرا .إن مع العسر يسرا) ... و انا مازلت حتى هذه اللحظة في ابتلاءات و في كرب و منتظرة الفرج من عند ربنا و انه تحصلي أحلى حاجة ... :)
و تصدقوا اني اول مرة ابص للي حصلي خلال السنة بالطريقة دي ... انا من أول السنة لحد انهاردة كنت شايفة ان كل حاجة اسوأ من اللي قبلها و اول ما شفت سؤال ميرا قعدت افكر يا ترى ايه احلى حاجة حصلتلي أصلا لاول وهلة حسيت انه مفيش ولا حاجة حلوة ... بس في نفس اللحظة شفت كل حاجة حصلت كان في مضمونها حاجة حلوة حسيت بيها...
جزاك الله خيرا يا ميرا على السؤال ده يا جميلة:)
أييوووووه انا رغيت كتير اوي.... بس عشان تعرفوا اني اغيب اغيب بس ارجع بمشاركة دسمة و كبيرة كدا....
انتوا بقى هلكتوني من الضحك على الحوار البريستاتي الفظيييييييييييييييع بتاع ميرا ههههههههههههه على فكرة انا اعرف ان البوش اب اللي بتبقى مبطنة و بسلكة من تحت ككدا.. بس اسمع انه غلط تنامي بيها او تعدي بيها كتيييييير... عشان مضرة .... بس مش متأكدة من المعلومة..
انا عندي مشكلة بعد ما خسيت فعلا ان بتوعي اترهلوا شوية .. بس بحاول بقى رياضة... لكن البرا العادية بتضبطهم الحمد لله ... و عندي واحدة بوش اب و فعلا عاملة شغل جاااااااااااااااااااااااااااااااااااااااااااااااااااااااامد .. كنت شارياها اول الجواز بس كانت مش لايقة علية عشان انا تختوخة.... بس اكتشفت اليومين دول انها تهبل جربيهم اعتقد حينفعوا معاكي ان شاءالله .. و في اللي هم السيليكون دول مجربتهمش قبل كدا بس حتلاقيهم في الجروب بتاع بسبس ام ياسين على الفيس بوك .. بجد بتبيع حاجات جميلة جدا... انا نفسي اجرب اجيب من عندها لان الصور اللي بتنزلها حلوة اوي... ابقوا ادخلوا الجروب جمالك جمال مش عادي...
وللا حوار الشاور بتاع أمونة ليلة راس السنة فعلا ربنا يستر ههههههههههههههه انا بقلق لما اسمع ان أمونة حتستحمى ....لو تفتكروا ان الثورة حصلت أيام التركيز عند امونة يعني كانت مدياها شاور يوميا ..... ههههههههههههههههههه