mooney608;15830057:
السلام عليكم و رحمة الله و بركاته
ودعة حبيبتى جزاكى الله خير انا فعلا قلت مش هعك و اخد حاجة من نفسي و على فكرة مها معاها حق انتى فهمتى غلط انا عايزة حاجة تمنع الاستروجين مش تزودة لأنى كل الأكل اللى بناكله تقريبا بيساعد على توليد الاستروجين و كمان الوجع بيزيد اوى أحيانا هو انا الحمد لله بقدر استحمله علشان مش عايزة اخد مسكنات عمال على بطال بس بيبقى مؤلم أوى و بحس ان فى حاجة جوة بتضغط جامد و مش مريحانى الحمد لله على كل حال و صاحبتنا دى بتقولى ان البروجيسترون بيعاكس مفعول الاستروجين علشان كدة هى كانت بتاخده علشان يقلل من أثار الاستروجين فيساعد ان الأكياس متكبرش و ممكن حجمها يقل لأن الزولادكس بيمنع الاستروجين بس مش 100 فى ال 100 فالبروجيسترون يعكس ثأثيره بصى هى وجهة نظر تحترم بس بردو انا قلت اسأل الأول وبلاش أعك من نفسي
و الحمد لله جوزى سأل فى مستشفى الشرطة و قالوله ممكن يدولى الحقن تبع التأمين الصحى عندهم فى المستشفى بس الأول أجيب تقرير طبى بالحاله و نسخة من السونار الحمد لله أهو بردو نوفر تمن الحقنة دة الواحدة ب 530 جنيه ربنا يسهل بس و نلحق نخلص الورق المطلوب لأن معاد الحقنة الأربعاء القادم إن شاء الله
أمونة أخبار عمر إيه لسة يا حبيبى مش عارف يرضع ؟ و انتى عاملة إيه
شيماء انا زى جوزك كدة بردو مش حابة أجى الشغل لما ربنا يركمنى بالحمل بس انا بصراحة بتكسف من إيه معرفش حاسة ان الناس هتبص و تعلق دة انا لما بتكون عندى البيريود بحس انهم مركزين إنى مش بقوم أصلى ولا لما احط مانيكير و انسى اشيله بحس فضيحتى بجلاجل :)
أم البراء موضوع بيت الطالبات دة صعب أوى و دايما بيكون سمعته مش حلوة و الله أعلم فهى ممكن تدور على النت أو الأفضل تأجر شقة مفروشة مع كام بنت تانيين و يكون ليها غرفة مستقلة و المهم يكون قريب من مكان دراستها و عموما يا ريت حد تانى يقدر يفيدك
ماجدة بصى أهم من موضوع الهوم ورك دة اتمشى كتير جدا على اد ماتقدرى ن أول التاسع و اسألى الدكتور فى تمارين معينة بيقولو عليها بتسهل ان الحوض يفتح كانت اختى بتعملها انها تتنى ركبتها و هى واقفة و تنزل لتحت و تفف تانى دة الدكتورة كانت قايلالها عليه بس اسألى الدكتور بردو و ربنا يسهل ولادتكم جميعا يا بنات إن شاء الله
معلهش يامها
الايام دي مش مركزة
انا عارفة الحقنة وكنت اشتريتها وانا جاية المرة دي ب530 برده
حتي كنت عاملة موضوع لو حد محتاجها ومحدش رد عليا فاتبرعنا بيها لمستشفي هنا
عل وعسي حد ينتفع بيها ان شاء الله
بس انا لو كنت خدتها عمري ماحاول اقل مفعول الاستروجين او اخد حاجة تضاد مفعوله
لان المصلحة انه يكون في اقوي حالاته عشان اخلص من الالم الحقيقي للاكياس
اما الاكل فالاستروجين مش في كل الاكل ولا حاجة
جتي الفراخ والهرمونات الي في الاكل بتكون بروجسترون عشان هو اللي بينفش
الاستروجين موجود في الفول الصويا معلهش فبلاش منتجاتها
وحتي لو في كل الاكل مش حيكون بالكميات المؤذية فمتخنقيش نفسك
maha211;15827575:
ازيكم يا عيااااااااال عاملين ايه :)
دينا ربنا يتملك على خير يا قمر ويقومك بالسلامة انتي والبيبيز إن شاءالله
موني ربنا يشفيكي يا حبيبتي ويهونها عليكي
ويجعل العلاج إن شاءالله بفايدة
ودعه عاملة ايه ياقمر في اللحظات الحاسمة دي؟؟؟
والدكتور حدد طبيعي ولا قيصري ولا ايه نظامه؟؟
وبيتهيألي انتي فهمتي سؤال موني بالعكس
يعني هي عاوزة حاجة تقلل الهرمون مش تزوده ولا انا باهبل :D
ميجوووووووو عاملة ايه يا قمر وازاي حزمبل :)
بيلعب كورة جوه ولا قاعد مؤدب؟؟ :)
والدكتور هايكشف نسا وكده قريب ولا ايه؟؟؟؟؟؟
ريري ربنا معاكي إن شاءالله في التنشيط
وانهرده عيد ميلادك صح؟ كل سنه وانتي طيبه يا جميل
وإن شاءالله السنة الجاية يكون معاكي ابنك او بنتك يا حبيبتي
باقي البنات ازيكم؟؟
البت شيرين اختفت في ظروف غامضة
شكل الدكتور غرغر بيها وخلاها تفقس :)
حد من البنات اللي معاي بصراحة
النوم بقي متعب والاكل ها نمرتها طيب تكلمها وتطمنا عليها
الله يبارك لك يا مها
ومتشكرة لسؤالك
انا علي آخري بصراحة
كله متعب
فعلا الشهر ده بال8 شهور اللي قبله
سبحان الله
واديني فاضلي اسبوع
واخلص التاسع بس مش حاسة بطلق ولا حاجة
والدكتور بيقول ماتستعجلوش براحتكم خالص
حتي لو التاسع خلص نستني شوية ان شاء الله
ربنا يكتب اللي فيه الخير
حبيبة امها 4;15828434:
هو مغص زى مغ يص البريود بس بيروح ويجى
حلو ياشيري
ماهو ده طلق
بلاش تستعجلي في القيصري
طالما وضعك كويس
حتضغفي عضلات بطنك وكل و لادة حتكون قيصري
وحتتاخري علي ما تقفي علي رجليكي وتخدمي ابنك
ربنا يقومك بالسلامة ان شاء الله ويكتبلك ساعة سهلة
وانا وماجدة ان شاء الله