شات منتظرات الحمل وامهات المستقبل القريب باذن الله لشهرمحرم/ديسمبر

وكدا بقى بتاع موبينيل احسن ال 50 جنية بيديكي جيجا ونص

بتاع ال2 جيجا في الشهر دي
بيتهيألي عرض عملته موبينيل لإن جوزي جابه ب 50 برضه
وقاللي خديه بقى استخدميه ده أجمد من اتصالات وكده
بس انا محستش بأي فرق خااااااااااالص في السرعة

والله يا سارة زي مابقولك جوزي جابه ومحستش انه اسرع
برضه ماشغلش الفيديوهات ولا العاب
والشهر اللي بعده قاللي اشحني موبينيل احسن وكده
قولتله لأ هاخليني في اتصالات
وبتاعة موبينيل مركونه
اليواس بي نفسها ب 100 بيتهيألي مش عارفة رخصت عن كده ولا زي ما هي

بصي اللي مهم كمان في القصة دي المنطقة اللي انتي ساكنة فيها
يعني انا في مناطق اتصالات فيها بتبقى زبااااااااااالة
وفي مناطق تانية بتبقى كويسة

اه كمان صحيح لو عاوزة تعدي ال 500 ميجا او كده بتشحني ب 20 جنيه
يدوكي 250 ميجا زيادة
بس انا عمري ماعملت كده صراحة
هو انتي ساكنة فين يا سارة؟؟

انا ساكنة فى فيصل


يعنى يا مها انا هشتري اليو اس بي بـ 100

واشحنها بـ 50 لا هى اول مرة بتكون مشحونة ؟؟؟

التصفح مفيهوش اى مشكلة

لكن العاب الفيس بوك واليوتيوب والداون لود بيكون بطيء

صح ؟؟؟؟

طب بصي روحي الطالبية هرم
على الشارع الرئيسي هاتلاقي موبينيل جنب اتصالات
ادخلي اسألي في الاتنين
وهما طبعا مابيصدقوا هايعدوا يفهموكي الانظمة وكده

وبخصوص الاسعار
لا اول مرة بتدفعي 150
وكل شهر 50

اوكي يا مها

ميرسي يا قمر

المهم قوليلي اخبارك اية

مفيش جديد ؟؟؟

اه يا سارة الدوانلود بطئ
واليوتيوب والالعاب اول يومين تلاتة بسسس
وبعد كده بطئ

والله يا سارة مفيش جديد لسه
غير الحوار اللي كتبته في المجموعه من فترة
ان كنا سألنا دكاترة وراثة وقالولنا مفيش تحاليل تتعمل ليكوا من دلوقتي
لإننا ابني اتوفى من غير مانحدد نوع المرض بالظبط
وفي حاجات ماتبانش غير في الشخص المريض ومش تبان في الاب والام
والاحتمال بيتراوح ما بين 25 ل30% انه يتكرر و75% ل70% طفل سليم
وبسسسسسسس
وبعد فترة اكتئاب انا وجوزي قررنا نسيبها على ربنا
وربنا يهيألنا الخير بقى إن شاءالله

يلا مش مشكلة احسن من ما فيش اصلا

بصو يا مها متزعليش مني

اصلكو لازم تجربو

وانتو تعرفو منين اللى جاي يكون مريض او معافى الا بالتجربة ؟؟

هتفضلو مانعين الحمل كدا على طول ؟؟

اية عرفكو يمكن الحمل اللى جاي ربنا يرزقكو طفل سليم

محدش يعرف

انا راي الشخصي انكو تجربو

واللى ربنا كاتبة هتشوفوة

وربنا يقدرلكو اللى فية الخير ليكو

يتصفح الموضوع حالياً: 5 (5 من الأعضاء و 0 من الزوار) ‏@ green apple @, ‏حلاوتى زايدة حتة, ‏ريـري, ‏maha211

ساكتين ليييييييييييية ؟؟؟؟؟؟؟

انا مش هازعل ولا حاجة يا بنتي انتوا اخواتي
ما هو احنا يا سارة خلاص هانسيبها على ربنا ونسعى في الحمل إن شاءالله
بس احنا كنا خايفين ان يكون فيه وسيلة لمنع الموضوع اصلا واحنا مش ماشيين فيها
يعني كنا عاوزين ناخد بالاسباب
بس الدكاترة كانت بتقولنا لو عرفنا نوع المرض اللي انتوا حاملينه
هانعمل اختبار للجنين في الشهر الرابع وتجيبوا فتوى وتنزلوه
طبعاااااا انا مش عاوزة كده خااااااااالص

ربنا معاكو يا مها ويرزقكو اطفال سلام معافين عاجلا ان اشاء الله

سيبوها على الله وربنا مش هيكسفكو ابدا ان شاء الله

maha211;15810126:

حطيه كل شوية على صدرك يا امونة عشان اللبن ينزل.. اللبن مش هاينزل توماتيكي يعني :D

انا عارفة ان الموضوع صعب والدنيا برد والتشققات بتاعة الحلمة والجلد هاتتعبك في الاول
بس والله يا بنتي لو اتعودتي على الرضاعة الطبيعي دي مش هاتندمي ابداااااا
اوفر وممتعة جدااااااا ومفيدة لابنك اكتر 100 مرة..
وممكن تخلي رضعة الصناعي لبالليل عشان تشبعه ويقوم نايم :)
فتعالي على نفسك يا امونة وحاولي تاني
ممكن اللبن يزيد واشربي سوائل كتير
وبالذات حلبة باللبن والعسل النحل فظييييييييعه بجد سحر وبتزود اللبن فعلاااااااااا

وانا مش فاهمة طالما انتي قاعدة مه جدتك بس ومحدش بيساعدك ليه مبترجعيش تعدي في القاهرة مع جوزك؟؟؟

ماما وبابا عايزين افضل مع تيتا عشان كل شوية بتاكلني وبتعملي عصاير ومهتمة جدا بيا وباكلي , بيقولولي لو رحتي القاهرة هتموتي انتي وابنك بسبب قلة اكلك , كفايه اللي عملتيه في نفسك ايام الحمل

وحكاية ان الرضاعة ممتعه انا مش شايفة كده خالص:thumbs_down:, مؤلمة وبطيئة وفي الاخر الولد مش بيشبع وبيفضل صاحي يعيط , تخيلي كل مرة يرضع فيها طبيعي عايز وراها رضعة صناعي , حتى الاعشاب مش بتشبعه وبيفضل يعيط , امبارح وراني ليله سودا بسبب انه جعان :(

حبيبة امها 4;15810182:
[
بيقولى عشان اتاخرتى فى الحمل فلازم تحافظ على الجنين
ادعولى يجيلى طلق قبلها جايز اولد طبيعى
او ادعولى ربنا يقدملى اللى فية الخير

ربنا يسهلك الولاده يا شيري ولو اني زي البنات مستغربة استسلامك لكلام الدكتور من غير جدال :!!:

حلاوتى زايدة حتة;15811634:
المهم انا بحس بدووووخة فظييييييعة لدرجة انى بحس انى منفصلة عن الواقع تماما:worn_out: الموضوع دا معايا بئاله يومين تلاتة لما خلاااص بنام الساعة 8 والله :thumbs_down:
وكنت عايزة اعرف انا فى حاجة اعملها تقلل من السترتش ماركس مثلا كريم ادهنه من دلوقتى وحاجة احل بيها مشكلة النيبلز دى من دلوقتى ؟؟؟:|:|

انا ما طلعليش سترتش ماركس خالص , ومدهنتش اي حاجة ’ بطني كانت صغيرة اوي

ومشكلة النيبلز ملهاش حاجة دلوقتي انتي لسه في اول الحمل , ابعدي عنهم خالص عشان ميحصلكيش تقلصات ولما ييحي التاسع ادهينهم زيت زيتون او كريم بانثينول وحاولي تشديهم لبرا بالراحة


انا كمان كانت بتحصلي نفس الدوخة بتهيالي عشان الانيميا , وكنت بنام الساعة 7 :)

@ green apple @;15812206:
بقلوكو يا بنات

حد فيكو مشترك فى النت باليو اس بي

يقولى اية النظام وبيكون بكم فى الشهر

ويعنى انا قريت ان فى يو اس بي بـ 50 جنية فى الشهر بيدي 1.5 جيجا

ياترى دول يكفو ؟؟

ولو مثلا لعبت على النت او اتفرجت على فيديو يو تيوب دا يعتبر داون لود من الـ1.5جيجا

بجد عايزة افهم علشان نفسى اشترك فى النت فى البيت ومش عندى خط ارضى

انا اختي عندها يو اس بي بتاعة موبينيل ب 50 جنيه في الشهر ,وبتديها واحد ونص جيجا بس انسي انك تتفرجي على فيديوهات خالص او تلعبي او تعملي داونلود لاي حاجة , انتي تتصفحي وبس عشان توفر معاكي

ازيك يا مونة عامل اية يا حبيبتى

اة ما مها قالتلي نفس الكلام هو تصفح وبس

يلا اما اشوف

طيب وبردو اللى بيكون بـ 50 من تى اى داتا بردو نفس النظام اللى هو على الخط الارضى

ربنا يخليكي يا سارة على الدعوة الحلوة ويارب يرزقك انتي كمان
بالذرية السليمة ويفرح قلبك
من حيث لاتدري ولا تحتسبي بإذن الله

امونة بعتلها جواب :D
خلاص مش تروحي القاهرة خليكي مع جدتك طالما بتهتم بيكي
باباكي ومامتك عندهم حق طبعااااا
بس برضه انا قلتلك الرضاعة صعبة في الاول ممتعة بعد شوية لما ابنك
يكبر ويفهم ويمسك فيكي بجدددددد إحساس حلو جدااا
والالم بيختفي نهاااااااااااااااائي مع الوقت
انا مش عاوزة ادايقك او احسسك بالتقصير
انا بس باقولك ان كنت انا كمان باتوجع جداااااا واعد اعيط
وبعدين بقيت خبرررررررررة :D

ده قصدي لكن يا حبيبتي لو مش قادرة خلاص
او اللبن قليل خلااااااص طبعااا الصناعي برضه بيكبر ويشبع
والاعشاب بتعالج موضوع الامساك ده
وربنا ييسرلك الحال يا حبيبتي
وماتزعليش من كلامي ياريييييت