تجمع حوامل وأمهات قطر لشهر محرم من العام 1433ه؛ الموافق لشهر ديسمبر من العام 2011م

السلام عليكم .. شخباركم .. ماشاء الله عليكم.. الله ايتمم على كل الحوامل وايهون عليهم .. ومبروك لكل الي اولدوا .. بنات ليش ماتسون قروب في البي بي لتواصل دام الكل لاهي في البي بي ..

ثانكس ليلة حب ,, بس انا للاسف ماحب التمر كلش :(




شدعوه ليش مافي حماس ولا تفاعل هني -.- بصراحة من كثر ما قريت في منتديات ثانية من دول ثانية غييييييييير عنا !

ماشوف في التجمع الا مبروك ومبروك هههههه سوري بس ذي الصج
ولا وحده يعني استخدمت ادوية سواء طبية او عشبية للمنطقه من ناحية العلاج والنظافة
ولا عنايتها بجسمها فترة الاربعين من كريمات واهتمام او راحت حق عيادة وعالجت واستفادت من العلاج تقولنا :))
او حتى استعدادتج حق طلعة الاربعين شلون رتبتي نفسج و وين رحتي وشسويتي ومن هالسوالف !!

مجرد ملاحظه حبيتها اقولها لان ماشاء الله التجمع في الامهات الي عندهم ثنين واكثر ف اكيد عندهم الخبرة والي مايبي يقول على راحته

الله يبارك فيكم جميعا والله يتمم على خير لكل الحوامل ويرزق من يتمنى يارب

وانا معاج نوني ودنا نستفيد من خبرة الامهات

مرحببببببببببببببببن





شخباركم



بالمبارك دحدوحه وغيووور وام امونه
الله يثبت حملكم ان شالله
وتفرحون بشوفة بيبياتكم ..
والفال لكل من يتمنى يارب \






شخباركم
اشوفكم تتحلطمون عالتجمع




عن نفسي اهم شي اسكرب جسمي بزيت وكركم عشان السواد يروح مني
واتنقع في ماي وملح
والخياطه ادهنها بميبو كريم هم يعطونج فالولاده اصلا





نوران
فيوسيدين مضاد حيوي موضعي ينحط اذا الجرح ملتهب او متلوث
غير جذي مايوصفونه لج
يعطونج شي يساعد على التئام الجرح بسرعه ..

السلام عليكم


انا بصراحه تعقدت من حمالي الاولي ببنتي زاد وزني 25 كيلو ولما ولدت مانزلت الا كم كيلو بصراحه ماتوقعت اطلع من الاربعين ومااكون نفس مقاساتي السابقه بس الحمدلله بعد كم شهر سويت دايت ورياضه كم شهر لين رجع وزني بطلعه الروح وفحملي هاي مااكل شي خايفه اتكرر نفس الماساه وصعب ارجع نفس قبل

بنات مب زين اتنقعون في ماي وانتوا في النفاس ؛ في مثل القيصريه تحطينها على المرحاض وتترسينها ماي دافي وملح وتقعدين عليها ؛ لا تستخدمون اي كريم غير الي يكتبونه لكم الدكاترة ؛ احسن شي كريم ميبو مرتين او ثلاث مرات في اليوم على الخياطه ؛ وتغسلين بغسول سيتل من برع بس مرتين او ثلاث مرات في اليوم.

المساده عاشر يوم اذا والده طبيعي ؛ تحاميل الملح من اول الايام عادي او عقب اسبوع.

عنايه بالجسم حمام مغربي كذا مره عشان يودي السواد ؛ ممكن كريم التشققات.

داوموا عالفيتامينات والكالسيوم والحديد اذا فيكم فقر دم.

قريب تخلصون الاربعين قص شعر وصبغ وحف او ليزر.

وبس ؛ احس مع ياهل يديد ما في وقت حق اشيا وايد

كيوت نوني ترى إحنا ردينا على اسئلتج ؛ وعقب سألتي زياده وقلتي ابي من خبراتكم محد رد علي؛ كلن لاهي في عمره واذا انتي قريتي شي في منتدى ثاني وعجبج طبقيه؛ مب شرط ان البنات هني سووا هالشي ؛ ومب لازم الكل يرد على سؤالج.

الورد

لا تهدين عمرج عالاكل وفي نفس الوقت لا تجوعين عمرج اكلي المعقول ؛ وراقبي وزنج ؛ وان شا الله يرجع وزنج عقب الولادة؛ أنا هالمره كنت محاسبة لين الثامن ؛ بس عقب خرعوني يقولون لي الياهل صغير واذا ما زاد يمكن نولدج قبل وقتج وقالوا لي لازم ارتاح وأكل زياده وصرت اكل بدون حساب وحتى لو ما كنت جوعانه ؛ وجبت ولدي ٣ كيلو الحمد لله ؛ وهم كانوا خايفين يكون اقل من ٢ ونص

لولو :
وحشتيييني



الورد :
اكلي اشياء مفيدة وقسمي وجباتك ل٥ او ٦ و راقبي وزنج
ولا توسوسين وايد

صباح الخير يا بنات..انا حامل في شهري التاني هنضملكم قريب لاني مفروض اسافر لجوزي بئة بئالنا 3 شهور محتاسين في موضوع الاقامة العائلية!! معرفش ليه كل الشروط المحطوطة موجودة الحمد لله بس الاقامة مبتطلعش سافرت قطر في العيد سياحة كدة شهر لجوزي و رجعت حامل!! حالتي النفسية سيئة للغاية بجد بسبب بعدي عن جوزي في ظروف حملي و محدش مهون علية بس الحمد لله ادعوووولي ربنا ييسر الامور و الاقامة تتقبل المرة دي بئة لحسن كدة انا بجد تعبت

مرحبااا




دحدوحه
انتي اكثر فديتج


ليله حب
ايه هذا اللي اقصده اتنقع في قصريه مب في البانيو ..
وانا معاج في كلامج
لان صج كلن لاهي
الشوش وغيرتها صج متعبتني ..الله يحفظها
غيرتها طالعه في صيامها عن الاكل صارت صفرررررررررررررره
الله يعين




بنات كل اللي باركزا فديتكم تسلمون وماتقصرون
الفال لكل من تتمنى
والله يهون على كل الحوامل ..

مساء الخير




وحشتووووووووووني وايد وااااااااااايد ماعندي وقت من سكنت فملحق ولا عندي نت :(



عيون وكريستالة

وكل اللي ولدوا مبروووك والحمد لله على سلامتكم






ودوحانية ويغار وام امونة وكل اللي حملوا

مبروووك الحمال والله يثبته لكم ان شاء الله




ام الغاليين

عظم الله اجركم السموحة متأخرة

لولوة الدوحه;15816811:
نوران
فيوسيدين مضاد حيوي موضعي ينحط اذا الجرح ملتهب او متلوث
غير جذي مايوصفونه لج
يعطونج شي يساعد على التئام الجرح بسرعه ..

^^

Roslish:
الله ييسر لكم و تتسهل اموركم


نور الحب :
الله يبارك فيچ



نوران :
عندك استوديو فوتولايف في المرخية و فوتوكينا في الهلال
والاسرة عندك هوم سنتر وبيبي شوب و كيدزهاوس على طريق سلوى ومميزاتها تكون نازلة في بعضهم لهم حواجز
وتقدرين تاخذين حواجز تحطينها على جوانب السرير

صباح الخيرات والليرات

::


لولوة الدوحه

الحمدلله على السلامة .. وتتربى في عزج الكتكوته

الله يعينج على الغيرة .. وخصوصا انها صايره في الاكل .. ماسااااااة

واحساس بالذنب الله يعينج

نوني غيرتها كانت ضيقه مني .. ورفض حق كل شي اقول لها سويه ..

بس اللي ساعدني ان بيت هلي كله يهال ما شاء الله .. فكانت طول اليوم لاهيه معاهم ..

فديتهم والله .. يقول لج شعور الطفل الاول اللي امه تجيب على راسه .. نفس الشعور الزوجة اللي يتزوج عليها ريلها

::

اللي تسال عن ملابس اليوم الوطني

بتحصلين في مجمع الغرافة / المول فيه كشك يبيع ملابس / سوق واقف

بالنسبة لي .. انا فصلت حق بنتي .. وبيجهز بكره ان شاء لله .. اتمنى يكون حلو مثل ما انا متصورة

صبـااااح الخيـر F:

كل اللي باركو لي تسلمـوون وعقبال من يتمنى ان شاء الله





بخصوص اليوم الوطني
نفس الاماكن اللي قالت عنها لولوه قطريه
في محل اسمه العرضه في سوق الحريم في سوق واقف يمدحووونه
هالمره انا وبنتي فصلنا نفس الشي
الله يستر للحين ماخلصت :|

دوحانية;15819997:
Roslish:
الله ييسر لكم و تتسهل اموركم


نور الحب :
الله يبارك فيچ



نوران :
عندك استوديو فوتولايف في المرخية و فوتوكينا في الهلال
والاسرة عندك هوم سنتر وبيبي شوب و كيدزهاوس على طريق سلوى ومميزاتها تكون نازلة في بعضهم لهم حواجز
وتقدرين تاخذين حواجز تحطينها على جوانب السرير

شكرا جزيلا علي الدعاء بجد محتاجاه جدا:(:'(:badly: