بيتنا العشرون .. متفائلات ومتحمسات لشهر محرم

كل عام وانتم بخير
سنه محبه وايخاء وتماسك
وتفائل ونشاط وتسنع
يااااااااارب

يالله ياانثى كلامك روووووعه 
ياااااه ياسرع الايام مرت بأحداث مفرحه ومحزنه
تعلمنا بكل يوم يمر درس مهم بالحياة واستفدنا من تجارب بعض
مادري وش اوصف شعوري 
لكن حظي الحلو جمعني فيكم 
والله يجمعنا بجناته ( اخوانا على سرر متقابلين)
نزلت دمعتي مو لسبب معين لكن وداع سنه ودخول اخرى هز مشاعري
يالله ياكريم تجعل هالسنه فال خير علينا وعليكم
ويارب اجمع شملي بزوجي هالسنه ببيت واحد ونكون مرتاحين ومبسوطين

احبكم في الله

اليوم تعبانه موقادر اتحرك اتالم من بطني وظهري شربت كاس شاي والحين متمدده
بعد اشوي بسخن الارز ونتغدى
وبكوي ملابس دوم يوم السبت
وبغسل ملابس ولدي الصغير

مساءكم سوووكر

اليوم قمت ع 1 صليت

ودخلت ع المطبخ عبيت الصحون والملاعق والسلطة والفاكهه

وحطيت فحم للبخور وللرز

حطيت ع الرز

وبخرت البيت

وماما كانت عاملة لحم مظبي

حطيت الغدا واتغدينا واختي شالت السفرة

بربرت مع صديقاتي ع الواتس

وشقرت عليكم

لاتنسو قراءة سورة الكهف

ودي للجميع

احلااا م سلامات الله يعطيك الصحه والعافيه
اروووما موووفقه يااقمر بدايه يوم طيبه
بناتي حياتي ماشاء الله نشيطه
اليوم صحيت على صلاه الجمعه راح زوجي الصلاه
وانا دخلت وضيت وصليت وقريت سوره الكهف ودخلت المطبخ
سويت كبسه دجاج وسلطه فلفل حار وتغدينا ورفعت بنتي السفره
وانا غسلت المواعين وسويت شاي وجلسنا نتقهوى واذن العصر
وراح زوجي يصلي وعنده مشوار وانا صليت وغيرت ملابسي وحطيت شوي
ميك اب ودخلت اكوي الملابس وبنتي تدخلها الدولاب بس باقي بعض
الملابس مانشفت من امس لان الجو بارد موت قلت بخليها لين الليل يمكن تنشف
وجلست اذاكر لعيالي واسمعلهم جدول الضرب الي بهذلنا مايبغون يحفظونه
والحمدلله الحين خلصت ما بقالي شي

مساء الخيرات ،،،

اليوم صحيت ١١ واسمع صوت عمي

جد زوجي ، ( يازين صوت الكبار في البيت )

غيرت بجامتي وغسلت فيسي ، ورحت تقهويت معهم

ويوم جاء بيطلع لصلاة الجمعه شبيت له فحم وطيبته بعود ،،

كملت قهوتي وحممت بناتي ولبستهم وجهزت شنطة عيالي

بكل ماثقل حجمه من ملابس ، عمي مسوي عشاء في استراحه

وبعد صلاة العصر جينا للاستراحه ، تقهوينا وصلينا المغرب

وجالسين ننتظر اللي بيجون ،،

وسلامتكم ،،

السلام عليكم ورحمة الله


ماشاء الله تبارك الله ع الملف الجديد

أنوثه الله يجزاك خير ع المجهود

ما أسرع الأيام تمر وكأننا أمس تجمعنا
سبحان الله !!
ونحمد الله أن جمعتنا في طاعة الله وفي الخير إن شاء الله

والله يجعل هالسنة سنة خير وبركه وأخبار تسعد الإسلام والمسلمين
وتكون سنة لتغيير للأفضل


=)

ربي يسلمك وصال الطائف

.....
تغدينا وشلت السفره
كنست الصاله
واخذت لي غفوه
ولين الحين متمدده من التعب والالم
مو حلو المرض في الشتا

ييونه تعبانه حراره وصدرها
وابوها مشى الله يستر عليه
وطبعا يوم مشى ودعته بالدموع حاسه بضغط نفسي مو طبيعي وقال انتي بتجيبين الامراض لي ولك من هالدموع
بنات انا ماقدر اخفي اللي بقلبي ويوم شفت بنتي طايحه ولاعندي احد وامي تعبانه شوي وجالسه عند اختي هاليومين
غصب انفجرت بكاء
ويوم راح ارسلت له مسج ورد
اللي فيني مكفيني

المهم بقوم اسوي لبنتي شوربه لعلها تشربها من الصبح ماذاقت شي
ولي مكرونه بالدجاج واتابع لي اي شي يشغلني
 

مساأء الانوااار وانشاءالله سنه طيبه علينااا ،،،
اليوم رجعت من اهلي وفرغت الشناط حقتنا ورتبتهن علي الدواليب وروشتهم ودهنتهم طلعو يلقو ولله الحمد تعشينا ووارتزيت شوي علي الدفايه معي كوب شااي
بعدين قمت وكنست الي تحت المكيفات زوجي مغسل الفلاتر حقاتهمم
جدولي غداا
الله في بالي انظف المجلس الرجال وامسحه كامل
مع النظام اليومي اشوفكم علي خير .

اليوم بعد الغدا جلست ارتب اغراض ليا

ولما اذن العصر صليت وروحت السوق

انا واختي اللي بعدي والكبيرة مع زوزها

اشتريتلي فستان واشياء من العطار

وشوز لملكتي الله يكرمكم

وهلللكت

خرجنا ع 9 ومر زوز اختي اشترى عشا فطاير

ورجعنا ع بيتنا حطينا العشا وجالسين يتعشو وانا اخدحت عشاي واكلت

لبست الفستان وجاي مضبوط الحمد لله

شوي بروح اخذ شور واصلي وانام

تصبحو ع خير

ودي للجميع

ماشاء الله عليكم بنات يوميات حافله بالجد والنشااااااط
اخر يومياتي سويت قهوه بعد المغرب وحطيت معمول وتقهوينا
لين صلاه العشاء وبعد الصلاه سويت شاي وحطيت مكسرات
وجلسنا سوالف ليت الساعه تسع تعشو عيالي ونامو على الساعه
عشره وطاع زوجي جلست على االنت شوي وشوي على التلفزيون
وجاب عشاء بروست وتعشينا ونامو عيالي كلهم ونا شوي ولا حقتهم
موووفقين وكل سنه وانتم الى الله اقرب بالطاعات

مبروك البيت الجديد
مقدمه روعه
الله لايحرمنا من بعض يارب وعقبال مانفتح تجمع 100
وكل وحده فينا حققت امنيه من امنياتها

انا مقصره معكم بس ظروف
ومادري متى اخر مره كتبت
بس اهلي كانو عندي الاسبوع الماضي يوم الثلاثاء
كان بيتي شبه نظيف لاني كنت تعبانه وماتحرك
وكل اكلي من المطعم
جهزت القهوه واخوي طلب عشاء
اتصلت على زوجي وماكان مصدق جاء بسرعه
تعشينا وغسلت المواعين
نامت امي وخواتي معها كانو صاحين من صباح
يوم الاربعاء كان عندي ذبيحه لهم جهزت جريش وسلطه ونوعين حلا
خلصنا من العشاء ساعه10اخذت امي مفتاح بيتي وطلعت وانا كملت غسيل المواعين
مع شغاله واتصلت امي قالت تعالي فوق مابعد طلعنا استاذنت منهم وطلعت
قالو بنطلع تجهزي غيرت ملابسي وطلعت ورجعت للبيتي على ساعه6ونص صباح
اخذو اهلي باقي اغراضهم وانا نمت صحيت على زوجي
يتصل يسأل عني قلت له في البيت قال جهزي قهوه جهزت القهوه
وتقهوينا وتغدينا وعلى صلاة العشاء طلعنا مرينا محل الدينار يبيع كل شي بخمسه وعشره وو
اخذت منه شموع ووووطلعت منه
رتبت شموع وطلبنا عشاء ونمنا على ساعه1
يوم الجمعه تعب زوجي وارتفعت حرارته
الى يوم السبت
الاحد كان الحمدالله تمام راح للدوام
وانا نمت من تعب ماقدرت اسوي شي
رجع من الدوام تغداء عند اهله يوم الاثنين طلب غداء
وتغدينا الثلاثاء ولاربعاء والخميس ماسويت شي في بيتي
تعبانه من الدوره
اليوم
صحيت متاخره على ساعه1الظهر
طلع زوجي وانا صلحت لي غداء تغديت
واخذت راحه الى ساعه5دخلت غرفه النوم ورتبتها
وخلصت الكوي اكثرمن20قطعه لي ولزوجي
تتكون من ملابس داخليه له ولي وتي شرتات وشورتات وبناطيل جينز
وبرمودا وعبايه لي وووو
خلصت منهاا ورتبتهاا وعطرت الملابس
غسلت غرفه النوم ورتبت التسريحه
كنست غرفه المعيشه (صايره غرفه نوم لي ولزوجي وقت البرد لانهاا مو بارده)
مسحت تلفزيون والجدران وشبابيك والمكيف ومفاتيح الكهرباء وكل شي في الغرفه
كنست الغرفه بمكنسه يد علشان تاخذ الشعر والخيوط
رتبت الاورق والمجلات ووو في سله
بعدين غسلت السراميك والحمامات الله يكرمكم
مسحت المغاسل
نظفت مجلس الرجال باقي الكنس بمكنسه الكهرباء بكره
نظفت المطبخ وغسلت المواعين ومسحت الطاولات
باقي السراميك المطبخ بكره
غسلت اربع مفارش ودفعه ملابس
غسلت الفرن ومسحت الثلاجه والغساله
بداء شغل االساعه5وخلصت الساعه1ونص
واخذت شور
والحين اكتب لكم وانا تعبانه بس فرحانه بالانجاز

سي يوووو
اكتب لكم رد من ساعه1:49الى ساعه 2:11
دانة بقلبه كانت هنا