عروس وزوجي مطنشني ! - منتديات عروس

أ

أريد حلاً

عضوية عامة لمن تبحث عن حل لمشكلتها

19-11-2011 | 06:33 PM

السلام عليكم ورحمة الله وبركاته ...

مادري يا بنات شنو اكتب !

بس والله والله نفسيتي تعبانة من هالموضوع ..

آنــا عروس جديدة ملكنا من 16 يوم تقريبا .. (( ملكة الحين فقط )) ...

زوجي اول اسبوع يكلمني في التلفون وكلام حلو وغزل واطلع وياه يوميا ...

لكن ثاني اسبوع تغير اتصالاته معدووومة ابد ما يتصل ولا يسأل ولا حتى يمرني البيت ..

وفوق هذا اذا اتصل ساعة عشان يرد واقوله شفيك تعبان مريض قال لا قلت له ليش ما كلمتني ..

يقول ظروف وشغل وانتي زوجتي وانتي ذهب ومرتاح معاج ووو.......الخ

وبعدها يرجع تمام يوم واحد وثاني يوم نفس الشي مايكلمني ولا يمرني ولا يسأل عني واذا اتصل

نفس الشي !

بنات آنا ماعرف شنو فيه بالضبط وخايفة ...

مو عارفة شلون اتعامل معاه ..

ليش يسوي معاي جذي ماعرف !

بنات ساعدوني آنا كلمته اليوم قال مشغول شوي واكلمج طبعا من 4 ساعات ولا كلمني للحين !

ساااعدوني بنات :'(

ه

هدبا

عروس برونزية

19-11-2011 | 11:10 PM

الله يعينج حبيبتي

ان شاء الله البنات يساعدونج ..

بس يمكن يمر بظروف او حالته النفسية تعبانة

ف

فوشياآ~

عروس رائعة

20-11-2011 | 01:45 AM

عادي حبيبتي عودي نفسك ع القطاعه
انا اول قبل سنه << رجعتيني بالذاكره ههههههههههه

قطعني شهر بعد ما ملكنا لا يتصل و لايجي و لايرسل
بس انا قويت قلبي ولا كلمته

و فعلا جابت نتيجه لما ثقلت عليه .. قام يعاتبني
بدال مو انا اللي تعاتبه

و وعدني انه ماراح يقطعني حتى لو عنده ظرف
والحمد لله صار علي سنه و شهر الحين

ومثل السمنه ع العسل
لاني ثقلت عليه حبني اكثر و اكثر و بعض الاحيان يقول ليش خليتيني احبك

انتي اثقلي عليه
واذا اتصل لا تبينين انك مشتاقه او انك منتظرته يتصل
قولي له عندي اللي يقضوون يومي
صديقاتي و اهلي و ناسي .. وهو راح يحس بغلطته

وربي انا اسبوع ما ارسلت له بعد العيد و كنت مسافره
و لما ارسلت له مسج عاااااااااااااادي اتصل و قال اللي انتي عندهم نسووك حبيبك

صار هو اللي يعاتب
قوي قلبك .. ماقولك اني ماتعبت نفسيا لما كان يقطعني !!
بالعكس كنت ابكي دم .. ولا كنت ابين له اني اشتقت له او خفت عليه او شي من كذا

بالعكس ابين له العكس و اقوله عادي حصل خير انا ما حسيت بالشهر
اثقلي و بتشوفين ايش كثر راح يحبك

ا

انفاسـﮱگ دخـﮱون

عروس ماسية

20-11-2011 | 08:48 AM

اثقلي عليه يابنت مو انتي اللي تتصلي وتجرين وراه خليه هو اللي يتصل ترا الريايل مايحبوا اللي تتصل واييييييييد وترسل وتقول طول الوقت حبيبي عمري ماقدر استغني عنك خففي المكالمات قد ماتقدرين خليه هو اللي يجري وراج ويكلمج وانتي لا ملجتي مو معناته تنهي حياتج لا تطلعين لا تروحين صدقاتج ولا تمارسين حياتج وتنتظرينه وتلشغلين بالجالح ليه ماتصل مايحبني حلاوه الحب ماتعطي كل اللي عندج مره وحده لا بالقليل البنت مثل الزهره والريال مثل النحله لا طول الوقت اخد اللعسل منج مره وحده خلاص ماتعودين فيج حياه ورونق لجدديه خخفي من الاتصالات والعتب واللوم والحنه لانه لا بديت بالملجه بالحنه وكثر الدق على راسه بيهرب منج لااصدقاءه لكن لو خفتي بيحن ويلشتاق خليه له فرصه هو يتصل مو دوم انتي اللي تبادرين تحبينه ايه بس مو طول وقتي اضيعه اتصل ماتصل رسلي مارسل اكيد مايحبني خلي الوضع عندج عادي والتهي باي حاجه الريال يحب اللي تكون عندها هوايه لشغاله وقتها وتكون لها اهتماتها لاتخليه كل اهتمامج انما اضافه لحياتج يععني لا تتركين حياتج وصديقاتج وتقطعينهم مجرد ملجتي والا تزوجتي نصيحه وحبيه اقولها الثقل وايييييد زين لان لو بينتي لج تحبينه اكثر من اللزوم وتزعلين بكل وقت وتصيحين بعدين الكلام والزعل والبجي ماياثر فيه فخليه كل هدا لبعد الزواج انا مو اقصد ما تعطي كلام حلو ولا تتصلي بس باعتدال خليه هو اللي يبادر

أ

أم سلمى2007

مشرفة سابقة

20-11-2011 | 03:24 PM

البنات ماشاء الله ما قصروا معاكى

وليكى عندى نصيحة من ذهب إن شاء الله هتفيدك فى التعامل مع خطيبك

حملى كتاب الرجال من المريخ والنساء من الزهرة من على النت

وإقرأيه كويس قوى

وهتفهمى امور كتير غريبة بالنسبة لنا إحنا الستات

وهتساعدك الحاجات دى فى كسب حب خطيبك بإذن الله

اختك فى الله أم سلمى

ذ

ذابحهم غرووري

عروس ماسية

20-11-2011 | 06:20 PM

البنات ماقصروا
اثقلي عليه
واذا طنشج طنشيه
موفقه الغلا

[

مشرفة سابقة

21-11-2011 | 02:22 AM

[
]
[
مثل ماقالوا البنات هههههه
اصبري ولاتساليه اكيد انه مشغول اعذريه
ولاتبيني انك منتظرة اتصاله خليه شي عادي
ولاتعاتبيه ولاتساليه
موحلوة بحقك ترمين نفسك عليه كثير خخخخخخ
اثقلي واستحي حتى لو كذب
[
]
[

a

aisha.. madam simo

عروس برونزية

21-11-2011 | 02:03 PM

طنشية واثقلي عليه ولا تعبريع الا اذا هو عبرك

ر

رحمه العسوله

عروس جديدة

21-11-2011 | 10:24 PM

يييييييييييييييييييييييييييي الله يسعدكوا يارب كلكوا .. والله مشكلتها متل مشكلتي .. .
و الله يصبرنا يارب و نقدر نصبر ........... و الله يجمعنا فيكوا بجنه يارب

ح

حصاصي

عروس ماسية

23-11-2011 | 12:52 PM

انا اقول يمكن عنده ظروف وله شي فهمي ظروفه اذا جفتي ماعنده سبب بعد طنشيه

ل

لارسا بغداد

عروس ركني قضايا وحلول وقضايا دينية وركن الشؤون الأسرية والإجتماعية

23-11-2011 | 02:13 PM

اختي زوجج محتاج لعنصر الاشتياق
يعني خليه يشتاقلج وهوة اللي يسأل عنج
صدكيني اذا ظليتي انتي اللي تسألين عنة فد يوم راح تزعلين وتنقهرين منة ليش موهوة اللي يسأل عنج
وراح تكوليلة الة اني اسأل ليش مو انتة تسأل
والسبب يكون لأنج عودتيه على هالشي
الله يوفق بينكم
سلامي

n

nora_2009

عروس رائعة

23-11-2011 | 06:13 PM

الله يعينج حبيبتي

ع

عروسة ابراهيم

عروس مبدعة

24-11-2011 | 02:51 AM

متل ماقالت ام سلمى هالكتاب بيفيدك كتير انا فاادني بعلاقتي مع زوجي .. وخاصة اني متزوجة بغربة عن اهلي

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

03-12-2011 | 10:56 PM

كلميه وقوليله يكلمك بصراحة يا قمر
ويمكن فعلا مشغول
والله يعطيكِ العافية

د

دلع أنوثه

عروس ماسية

23-12-2011 | 08:22 PM

مثل ماقالو البنات خليك ثقيله

A

Amorat alDhahran

عروس نشيطة

24-12-2011 | 12:25 PM

حبيبتي سبب بعده عنك انت
ايوه انت السبب ..
كل يوم تطلعون مع بعض وكل يوم مكالمات اكيد مل الرجال ..
حلاة الشي بالشفاقه والتغلي لان هذا الشي هو اللي يجيب الشوق
انا كنت اشوف زوجي بس الخميس وكنت اقعد ع جمر استنى هاليوم وهو كذلك ..
انتي حاولي تثقلين خلاص شوفيه مره وحده بالاسبوع والاتصال اذا عندك سالفه وكلام اتصلي ماعندك مو لازم .. في مثل يقول " لاتكثر الدوس يملونك"

أ

أم نجود الأحساء

مشرفة سابقة

24-12-2011 | 12:33 PM

أم سلمى2007;15760922:
البنات ماشاء الله ما قصروا معاكى

وليكى عندى نصيحة من ذهب إن شاء الله هتفيدك فى التعامل مع خطيبك

حملى كتاب الرجال من المريخ والنساء من الزهرة من على النت

وإقرأيه كويس قوى

وهتفهمى امور كتير غريبة بالنسبة لنا إحنا الستات

وهتساعدك الحاجات دى فى كسب حب خطيبك بإذن الله

اختك فى الله أم سلمى

م

محروق قلبي

عروس رائعة

25-12-2011 | 05:51 PM

ماقصروااا البنات وان شاءالله خير