عرسي بعد 5 شهور

Ŝhόறǒwk зzėė ~❤;15742970:
اول شي اللهـ يوفقكـ
وثاني شي اتبعي رجيم مناسب لكـ واستمري عليهـ وعليكــ بالمشي اهم شي المشي في اليوم علي الاقل نص ساعهـ واذا قدرتي اطول وخلي الماي اكثر شي كثري ماي اذا حسيت انكـ جوعانهـ اشربي ماي كلي زبادي قليل الدسم و شوفي في قسم هنا للرجيم ادخلي شوفي اللي يناسبكـ واللهـ يوفقكـ ..

nanoosh84;15742992:

حبيبتي ألف مبروك و شايفه كل الخير و إن شاء الله تطلعين أحلى عروس
عندج 5 أشهر كلش أوكي
أول شي لازم تقللين الأكل لكن بنفس الوقت ما تحرمين نفسج من أي شي
يعني مثلا الرز لا تقطعيه تماماً لكن أكلي مثلاً 3 مرات في الإسبوع و بمعدل 3 أو 4 ملاعق و كثري من الخضار و الفواكه
و قللي الخبز و الأفضل تاكلين خبز أسمر و حاولي إنه يكون الأكل مسلوق أو مشوي و حاولي قدر الإمكان الإبتعداد عن المشروبات الغازيه و لكن لا تحرمين نفسج منها تماماً يعني مسموح لك بالإسبوع مرة مثلاً تشربين بيبسي و مرتين بالاسبوع تاكلين قطعه صغيرة شوكولا أو أي شي نفسج فيه لكن بكميه معقوله
و أهم شي الرياضه حتى ينشد الجسم و لا يصير عندج ترهل
يعني حاولي كل يوم تمشين ساعه او نص ساعه او روحي للجم
راح اكتبلج جدولي الي أمشي عليه من اشوف نفسي زاد وزني و إنتي حاولي تسوين مثله إن شاء الله تستفادين
الريوق : كوب حليب و حاولي تقللين السكر و الافضل ما تحطين سكر
بيضه مسلوقه
قطعه خبز يفضل اسمر
الضحى أكلي فاكهه
الغداء : قطعه دجاج مشوي او مسلوق
مرقه خضار بس يكون الزيت قليل فيها
سلطه
قطعه خبز يفضل اسمر
عصير فريش بدون سكر
تقدرين تستبدلين قطعه الخبز ب 3 ملاعق رز
العصر أكلي فاكهه
العشاء : سلطه أو فاكهه أو زبادي أو شوربه خفيفه بس ما تكون مليانه دهون أو شعريه
و تقدرين تتفننين بالسلطه يعني مرة سوي سلطه تونه ... علبه تونه دايت مع شويه طماطم و خيار مفرومين ناعم و ملح و حامض او سلطه زبادي أو فتوش لكن لا تحطين خبز مقلي عليها و إستبدليه بكم قطعه خبز محمصه بالفرن بدون زيت
و طبعا العشاء تاكليه قبل ساعه 8 ... و لا تاكلين شي بعده
حاولي قدر الإمكان إنه ما تاكلين وجبه العشاء
لازم تشربين حبوب فيتامين و مقوي حتى يعوض النقص في جسمج نتيجه تقليل الاكل
و اشربي ماء كثير
شوفي هي بالبدايه صعبه بس صدقيني بعدين تتعودين و تصغر المعده
دائماً تخيلي نفسج و إنتي لابسه الفستان الابيض حتى يصير عندج حافز إنه تكملين و تنزلين وزنج
خلي يصير عندج إراده و إصرار و إن شاء الله تنزلين 20 كيلو بصحه و تكونين أحلى عروس

إكتبيلنا يومياتج و إحنا كلنا معاج و نشجعج وإذا تذكرت شي ثاني راح أكتبلج

ذبـכـنيــۓْ بــرد الأيــآميــۓ;15743023:
بالاضافه الى اللي قالوه البنات انصحج بعصير الاناناس طبيعي بدون سكر يحرق الدهون وهم الجريب فروت والزنجبيل يساعد بسرعه احراق الدهون واهم حاجه الاكل اللي فيه زيت وخري عنه والاكل اللي فيه كريمه ومايونيز سكر وايد وحاولي تسوي تمارين لو عالاقل ساعه باليوم لانج لا سويتي دايت بدون تمارين جسمج بيترهل ومن الافضل تزورين دكتوره تغديه تحلل لج الدم وتعطيج نظام يناسبج وكثري من الاكل الصحي زي السلطات والدريسنغ يكون انتي مسويته مو مويانيز والدريسنغ الجاهز وفيه شوربه الملفوف والشوربه الحارقه تلاقينها بالنت حاولي تسوينها لج وتمتنعي عن الاكل بين الوجبات هالكلام مو عشان الزواج بس عشانج انتي وعشان صحتج