المهررر

السلام عليكم ورحمه الله وبركاته

هذا موضوع لصديقتي ونبغى مساعده منكم وارئكم اذا تكرمتو:

تعرفت على بنت تدرس معايا تقريبا شهرين وبعدها ارتحت لها (طبعا انا اي بنت تضحك لي اقول عنها طيبه وهذا عيبي) وخبرتها ان نبغى نخطبها لاخويا وووافقت وشافت صورته وكلمو بعض (احنا عايشين في امريكا والبنت في امريكا وولد خالتي في بلد عربي) المهم لمده شهرين كلمو بعض بتلفونات وصور وبالانترنت وقالت احبه وهو قال يحبها من غير مايشوفو بعض في الطبيعه وتقدمنا لخطبتها واخويا قال لها حتيجي تعيشي عندي ووافقت وامها شرطت مهر مبلغ خيالي(4 مليون) لان احنا ماديا الحمدلله بس مافي مهر كذا ببلدنا مع العلم هي اسرتها متوسطين ماديا وهذا ماهو عيب اهم شي احنا نختص بالبنت, البنت في البدايه ماعارضت مبلغ امها وقالتلي المبلغ الي قالته امي ماهو كبير عادي والمبلغ الي انتو حتقدموه ماهو شي (طبعا المبلغ الي حنعطيها هو مبلغ كبير كمان وكل العائلات الي بنفس مستوانا مهور بناتهم نفس هذا المبلغ ويجيب اشياء كثيره والفرح علينا (مليون المهر و الفرح يوصل لين مليون) ماما رفضت شرط امها بالمبلغ هذا وقالت لها خلاص مافي نصيب والبنت كانت جنب امها واستغربت من المبلغ هذا الي احنا طلبناه وامها قالت حتى بنتي قاعده جنبي واستغربت من المبلغ المهم قلنا امكن الام ماهي صادقه, تواصلت مع البنت وتكلمنا قالت اي المبلغ الي طلبتوه مايجيب شي رغم هو يجيب كل شي في بلدنا وزياده والله. وكل من عرف بمبلغ الي حنطيها قالو كمان كثير ويكفي وينصدمو من مبلغ امها.

انا انصدمت وزعلت بنفس الوقت منها وكلمتها ان لو كنتي تحبي اخويا بجد ماكان هذا ردك ولا كنتي فكرتي بالفلوس كان قلتي انا يهمني اكون معاه وبس لانها تقول احبه واموت فيه والخ وقلت لها انتي من البدايه عندك بس اهم شي تتزوجي وتكوني اسره (لان اختها الي اصغر منها انخطبت وصديقاتها ودائما تقول حلمي ان اخلص دراسه واتزوج مثل فلانه وفلانه) وقلت لها عادي هذا حلم كل بنت والحمدلله جاكي ولد كامل وابن عائله (لان هي مره ببدايه تعرفهم قالت ماتوقعت اتعرف ع ولد كذا هاي كلاس) المهم بعد ايام بعد ماشافت اننا ماحندفع هذا المبلغ ورفضنا جت وقالت انا فكرت حديه نص المبلغ حق المهر طبعا قلت لها هذا متاخر تفكيرك لو حبيبتيه بجد كان قلبك الي نطق من اول مره مو عقلك بعد ايام ونحنا مستحيل نقبل هذا الشي ولا اخويا حيقبل. (ملاحظه: هي تعرف من قبل مانتقدم ان امها حتقول هذا المبلغ حتى دائما انا وهي نتكلم بمواضيع المهور وتقول لي نفس المبلغ الي قالته امها)

وحصلت مشكله كبيره بيني وبينها واخويا انه انا الغلطانه بكلامي رغم انا كلمت اخويا اننا حكلمها كذا وقال كلميها وهي بعدين اتصلت وبكت واقتلب الموضوع عليا

ايش رائيكم بنات احتاج ارائكم ضروري وكل بنت تحط نفسها بالموقف اذا كانت بعلاقه وتحب وتقدم لخطبتها هل بتعمل نفس الشي ؟