موضوع الزوجة الثانية

انا ضد الزوجة الثانية 100% .. صحيح انها شرع الله و اللهم لا اعتراض لكني ما أتقبل فكرة الوحدة تتزوج واحد متزوج الا بعلم زوجته أولا لأني أعتبرها خيانة من الزوج اذا تزوج من غير علم زوجته الأولى .. و الشي الأهم ان لازم يكون في سبب مقنع لزواجه الثاني .. مو مرتاح مع الأولى و السلام ..

لا لازم يوضح شنو اهو الشي اللي مب مرتاح منه !!!
مثلا لو ما تقدر اتييب عيال ..
مريضة و ما تقدر تعطيه حقه ولا قادرة تقوم بواجباتها الزوجية و المنزلية ..

هني ممكن اقبل فكرة الزواج الثاني ..

لكن ان اتيي وحدة و تقول انها حبت واحد متزوج و تعلقت فيه و الشرع حلل أربع .. هني سمحوا لي خواتي اني اقولها ان الدنيا دوارة و كما تدين تدان .. مثل ما راح تهدمين حياة زوجة كانت عايشة مع زوجها بحب و استقرار .. راح ايي اليوم اللي تنقلب الأيام عليج و يصير لج نفس الشي او ابسط شي انه يتركج و يرجع حق زوجته الأولى .. الأساس ..

و اذا يا أخي مب مرتاح مع زوجتك الأولى طلقها و خلها تروح فحال سبيلها و بعدين تزوج على كيفك .. لأن مستحيل زوجة تقدر تتقبل فكرة ان زوجها مع وحدة ثانية حتى لو كانت زوجته حلاله .. و اذا قال ان بيخليها عشان العيال .. تره ان العيال يعيشون مع امهم ( مثلا ) و يجوفون ابوهم جم يوم فالاسبوع و يكونون متفقين .. احسن من ان يعيشون بينهم و بينهم مشاكل و يتعقدون نفسيا ..!



سورري طوّلت وايد .. بس الموضوع ينرفزني وايد :o