مورينا;15852302:
تعرفي حبوبة هذا اني كنت بنحجزه في عرسي من محل عبير في شارع اول سبتمبر سابقا (17 فبراير حاليا) وعلى فكرة اني اكثر واحدة نقدر نفيدك بخصوصه لاني فحصته بالمللي وكانت عندي صور ليه في كومبيوتري ...المهم هو قماشته راقية راهو مش معفن زي اللي في سوق الترسانة او غيره وذيله حاجة واو بمعنى واو والقونة لو تبيها منفوخة اكثر مع اني نشوف فيها منفوخة البسي تحتها ساطاجونة حتى الصديري شغله متقن ولمعته رهيبة غير الصور ظالماته ...والله نتفكر انه اكثر فيلو عجبني فيك يا طرابلس وكان خاطري فيه وحتى حجزته لكن امي لما مشت معاي البروفة قالتلي ما تلبسي الا ابيض كان هذا لا بنتي لا نعرفك ..فالله غالب اخترت فيلو ثاني ابيض من نفس المحل بس من فرعهم اللي في بو سليم تخيلو في اسبوع العرس قعدت نلود على بضاعة الفيلو الابيض بعد ما كنت موتية كل شيء للفيلو هذا من تاج و لينجري و شخشير وكندرة و شنطة الخخخ
المحل راهو عنده هلللبة فيلوات راقيات انجليزيات وتركيات حاجة صح حتى الصديريات متعهم واو واو ...
ملاحظة حبوبة الفيلو هذا يبي واحدة طويلة يعني لو انتي طويلة احجزيه و بقوة
اهلين حبوبة سلمك على هالرد صح هو من محل عبير والصورة ضالماته وطلع عليا حلو لانى طويلة بس شوفة عينك والله كل ما انوزريه لحد ليقولى اخى وكان شكره يقولى عادى طارت منه النية مرة وحدة وبديت انشوف فيه معفن وقديمممممممم ههههههه الله غالب لو جتنى فى شخص او اتنين انقولوا بس الحق اغلبية قالوا مش حلوا وحتى انى ان شاء الله بناخده على الابيض لانى خاطرى منصبغش شعرى وانخليه على الاكحل