ساعدوني بسرعة في الحل من جد مقهورة عروس تواجه مشكلة التطورات ص5

هلا بنات بنات الي ماشافت موضوعي قبل
هذا رابطة
http://forums.3roos.com/showthread.php?t=639824
بنات زوجي اعتذر وقال انه ماراح يطاب تاني
لكن اليوم فجأة بما اني انا عند اهلي اقضي اجازة الحج وهو عند اهلة في مدينة تانية رسل رساله مجملها انوا هو يحبني لكن مقهور مني لأنه امه اليوم كانت بتروح فرح ومالقيت طقم تلبسة فقلي سيبي عنك انها ذكرى وتبغي تحتفظي بيها شوفي طقمك واعطيها هو بس ابغاه برضاكي مو غصبا عني



بالله ايش اسوي ....بنات زوجي مايقدر دحين يجيب لأمه شي لأنه عندنا ظروف ونفسه يفرح امه بشي مني تحتفظ بيه
هيا امة طيبة جدا ومدلعتني اخر دلع ربي يحفظها
بس انا خايفة اعطية وبعدين تجي على راسي hda hs,d
وكمان ساعات اقول اعطيه يعطيها عشان لايزعل وساعات اقول لا هذا حقي والله اني ضايعة

طنشي ولاكأن عطاك مسج

اعووذ بالله

هذا تحايل ويبي ياخذ منك غصب

معقولة وحده في سنها ماعندها!!

طيب وين اللي لبسته في عرسكم؟؟

والا هم مالقوا غيرك يقصون عليه!!

عسى بس وديتي الذهب عند أهلك!!

هو قال خلاص وااعتذر وبعدين فكر في شي ثاني ؟؟

شيلي من بالك فكرة انك تعطينه شب وانتِ مب ملزومه ولا واجب عليك

خليها تروح اتسلف ذهب من خواتها والا صديقاتها .

يااختي هذيلا مكارين اعوذ بالله..

مرة ثانية لاتخلينها تشوف شي

استكثروا الذهب عليك ياكافي الشر،،بسم الله

اذا تنازلتي هذي المره بتتعبي بعدين

حياتك كلها بتكون تنازلات وحقك يضيع

هذي اشيائك الخاصه احتفظي فيها وحتى لو كانت امه طيبه معك هذا مو يعني افرط بذهبي

زوجك مدري اشلون يفكر !!

يتسلف ياقلبي ويهديها على كيفه

تسلموا ماقصرتوا
المصيبة انه ذهبي عند اهلي ويقولي وانت جايه جيبي معك طقم لاتقولي ذكرى لى كلام فاضي
وبعدين يجي يقول ابغاه برضاكي مو غصب عنك
والشي الثاني اذا معطيته قلي راح يصير بيننا تفرقة اني انا مدري عن شي حقة ابدا ولا راح يقولي شي يخصة شفتوا كيف
ياااااااااااااااااااااااااااااااااربي ولله الزواج تعب الواحد يجلس عزوبي احسن

هدا من اول حاط عينه على الذهب وجاي لج بكل الطرق انتبهي لا يقص عليج الذهب هدا حقج وانت يمو ملزومه تعطي احد من دهبج لا تضعف امام كلامه ويجيج باسلوب حنيه ويقص عليج بكلمتين لانه مبين انه وراه حاجه وقاعد يفكر بدهبج وصاير هالموضوع شغله الشاغل اعود بالله من كدا رجال وقفت عليج الحين تعطي هدايا دهب تيب خل امه تاخد من خواتها بناتها مافيه غيرج الا شافج طيبه وعلى نياتج يبي ياخد دهبج كله

الحين اشلون يقول يبي تعطينها من خاطرك وبعدين يقول بيصير بينا تفرقه!!!!!!!!!!

اصري على موقفك وصدقين ماااااااايقدر يسوي شيء

بس يهدد

خليه يولي

صج مايستحي على ويهه

واش معنى انتِ ماتعرفين شيء عن اللي عنده واهو يعرف كل شيء

تعلمي اتخشين عنه أحسن لك

الله ينصرنا بس على هالأشكال القذرة

I LOVE U R;15730109:

زوجك ينرادله مثل حج متولي تهدين اهله هدايا فالصو وتعرفين بعدين شنو غايته هههه
الله يعينك يارب

هههههههههههههه تصدقي فعلا هذا هو الحل جيبيلها طقم فالصو مرتب ولو متل ماقالك انو هدية لها ماراح تروح تتحقق منو اذا اصلي اولا اما اذا قامت مشكلة على انو مو حقيقي فخلاص تكوني اكتشفت ان زوجك كان غرضه ياخد دهبك ويبيعه

احسن شي جيبي طقم فالصو مرتب يعني ما يبين عليه ابدا واعطيهلها هدية وكل واحد حر في هديته ولا هو لازم يعني تعطي من دهبك يعني لو هو يدور بس عالهدية بتكون كافية ووافية اما لو شي تاني فلازم تاخد حذرك

لالالالالالا أحذري ثم أحذري تعطين زوجج ذهببج .. ترى بتندمين ندم و بعدها ما يفيد الندم امسكي ذهبج و خل يحن ويطحن لباجر و يتحايل عيني عينك و يبتزج ويستغلج بس احرصي على املاكج لانه اهو ناوي يستغل ذهبج و اذا اهو ناوي يستغل خل نيته السودة له بس انتي لا تعطيه ذهبج و تخليه يوصل لغايته خصوصاً انه قاعد يهددج وتقبلين يعني تذلين روحج بيدج لو تعطين ذهبج الغالي الثمييين ... طنـــــشــــي المسج ولا تهتمين وقولي له فكرت وانت ما تبي غصب عني وانه مو موافقة و لو هدد و قال ما بقول ومادري شنو قولي له ما تهددني على ذهبي انت جالس تستغلني و مابي اكثر كلام موضوع الذهب انساااه
و اذا انتي ماتبين عواار راس جيبي ذهب فالصو على قولة البنات و فكي نفسج بس ذهبج احذري تعطينه زوجج هذا مو ارضاء له هذا مهانه لج و اذلال لج و استغلال لج حراام والله بس واتمنى تسمعين كلامنه

انتي خليك مثل ما أنتي قوية ولا تهزك كلمة ولاشي....
وقولي لزوجك انو الذهب الي عندك هدية والهدية ماتباع ولا تٌهدى...
يمكن زوجك يبي الذهب له مثل ماتفضلو بعض الاخوات ويستخدم امه حجه ومثل ماقلتي امه طيبة ويقدر يقول لأمه
انك تبين ذهبك ويمكن يبيعه من وراك!!!
الله يريح بالك.....
تقبلي مروري.....

والله البنات ماقصروا وما اعرف شقولج بس حلوه فكرة تهديها ذهب فالصو حتى تعرفين نية زوجك لاني اعتقد فعلا الذهب اله مو لامه لان بصراحه اول مره اعرف واشوف عروس تهدي ام العريس بعد شهر من الزواج طقم ذهب هو يريد يستغلج ويضغط عليج خليج هاديه جدا وكلميه بهدوء ومن غير انفعال واقطعي عنده كل الامال بانه ياخذ شي من الذهب قوليله اني عروس بعدني حتى ما فرحت بذهبي ولبسته والله يهديه عليج والله يعينج

الله يعينك اختي ويهدي زوجك ان شاء الله

وصراحه انا اشوف انك ماتعطينه لانه بعدين خلاص راح يتعود ياخذ منك

يمكن هو بيجرب الحين هديه لامه بعدين عنده ضروووف ومدري ايش

انتي حاولي ماتزعلينه اشري لامه هديه حلوه الي تقدرين عليه

وذهبك وهداياك هذا شي لك حقك ماله حق ياخذهم

مشكورين ماقصرتوا جميعا وربي يسهلي امري
ويبعد نظر زوجي عن ذهبي

اسمعي ياحبيبتي
انتبهي تهدينها فالصو لان يبين مهما كان
خصوصا الحريم الكبار يعرفون الذهب من غيره
ولو عرفو عيب في حقك :-#
وبتطيحين من عينهم واي شي بتقولينه مو مصدقينك :thumbs_down:
الشي الثاني بيتعود دايم يطلب عشان كذا عادي قولي له الهديه لاتباع ولاتهدى لانها هديه وغاليه علي
وقولي كله من امي وخالتي وكذا
واذا ماعندها ذهب يعني عادي متعوده تروح المناسبات بدون ذهب وش معنى هالمره حبكت يعني :cool:
وقوولي اذا الله ارزقنا نجيب لها عن طيب خاطر
واذا عنده اخوان متزوجين قولي ليه ماعطوها زوجات اخووانك ؟
واذا ماتزوجو بس يشتغلون قولي يعطونه اخوانك ماعندهم التزامات ولاشي ;)
حلي الموضوع ودي وخلك مبتسمه طوول الوقت ولطفي الجوو ;)
واذا خالتك طيبه على قوولتك تووك ياعمري مالك شهرين الناس يبي لهم عشره
خلك رسميه مع اهله ليييين تعرفين وش هم

لا تتنازلي عن حقك اذا تنازلتي اليوم كل مره حتتنازلي خليه يولي

الله يعينك ياقلبي ع زوجك
وش ذ1 العايله مالك الا شهرين وهذي افكارهم واضح الاستغلال
بس المهم خليك قويه وحاولي تفهمي زوجك من غير مشاكل
والله يوفقك وييسر امرك ويهدي زوجك لك

الله يعينك اختي ويهدي زوجك ان شاء الله

الله يفرج همك يارب ويبعد نظره واستغلاله لذهبك

تعطيهوش بفرح امه على حسابك وانتي كيف يفرحك مت عينهم الازلام استغلاللين