لمتنا وجمعتنا السورية مع احلى صحبة اردنية ... تفضلوا صبايااا لشهر ذي الحجه

صباح الخيرات والليرات يا حلوات كل عام وإنته بألف ألف خير يا رب وان شاء الله ينعاد عليكن بالصحة والسلامة
أنا الحمدلله بخير بس مريت بظروف صحية صعبة شوي الفترة الماضية وكنا شاكين إنه يكون معي هداك المرض بالصدر بس الحمدلله عملولي خزعة وقالولي لا هاد ليف عادي بس طبعا لبين ما طلعت النتيجة كنت أنا وعيلتي بنفسية سيئة بس ألف الحمدلله إلك يا رب والله البني آدم ما بيسوى شي وأهم شي الصحة والعافية والله كتير أشيا تغيرت فيني بهالفترة لقيت إنه الدنيا ما بتستاهل أبدا ولا بيستاهل اواحد يزعل من شي المهم عندي عملية لإزالة الليف يوم الجمعة فادعولي الله يخليكن الله يسهلها عليي
فالمهم زوجي الله يخليلي اياه رأسا من غير ما أعرف ولما طلعت النتيجة كان حاجزلي على مصر كرمال غير شكل ولما خبرته بنتيجة التحليل قلي هي رقم التذكرة وعم استناكي بشرم الشيخ وهكذا حصل نزلت لشرم الشيخ قضينا 3 أيام وبعدين ايجينا عالقاهرة قضينا يومين واليوم الساعة 8 طيارتنا على بيروت والحمدلله انبسطت كتير
هي هي أخباري فلا تنسو تدعولي كرمال العملية لإنه خايفة طبعا
شامية يا عمري انبسطي بحياتك لا تخلي حدا يضايقك وطنشي تماما وقولي طول الوقت حسبي الله ونعم الوكيل والله بيتوكل فيهن

كيفكن يا أمامير اشتقتلكن كتير الحمدلله عملت العملية يوم الجمعة وطلعت بنفس اليوم الحمدلله كله تمام بس تعبت كتير من البنج الكلي لإنه صار معي وجع بالعظام مو طبيعي والله ما كنت قادرة اقلب من جهة لجهة ومنيح اللي كان زوجي هون يشيلني يلا الحمدلله على كلشي هلأ شالو الكتلة وعم يرجعوا يحللوها كرمال يشوفو ليه طلعت وشو ممكن يعملوا كرمال ما تطلع مرة تانية فادعولي الله يخليكن
طبعا لسه تعبانة وبالتخت بس أحسن من أول بكتير