« تجهيزات عرائس ' مملكة البحرين ' لشهر ذو الحجة 1432 - 2011 م / الجزء : ٨٣ »

رمشـ «;15742610:
الااآأآي غرآميي
ألف مبرررروكـ حبيبتي مقدماً الله يتمم لج على خير يارب :adore: وبلييييز طلبتج دعووواتج لي ولخطيبي حزة العقد أمانة لآ تنسين :o
وان شاء الله نمرج حفلتج ونجوفج أحلى عروس يارب وتطلعين مثل ماتبين وآكشخ :L:

بنت المطاوعه;15742026:
السلام عليكم
ومساكم الله بالخير بنات
انا بصراحة مسجله جديد وكل من مدحل لي الموقع، بغيت اتساعدوني
:)
انا حفلة استقبالي بعد اسبوعين
ممكن اتساعدوني في اني اللقى صالون للمكياج ناعم وحلو وحق تسريحات

ضروري الله يخليكم ويكون قريب من مدينة حمد

нαиεи вαвy;15742492:
بنات وحشتوووني والله
حدي مشغولة هلايام عرس اختي عقب يومين
وحجزت في صالون صابرين
بس ابي اعرف من احسن وحدة تسوي شعر ؟؟
واحسن وحدة تسوي مكياج وابية ثقيل
بليز ردو علي

وحيااكم كلكم معزومين
^_^

ۼرٲﻡ ٲحـٻٵٻ;15742654:

تقريـري البسيـط للـيوم " يوم ماقبل الملجـه :D "




طلعت من البيت انا وامي الساعه 9 ونص تقريباً ورحنا اول شي مزاهير استلمت كاس العصير

اللي لـ حفلة الخطوبه و صندوق القرآن " هديتي لـخطيبي ليلة الملجه بإذن الله " وماشاءالله الاثنين عجبوني

وماتوقعت يعجبوني لهالدرجه ..

بعد مزاهير رحت اخذ البالطـو مالي من محل فـ كرانه أسمه كريستال الخليج , تعجبني تطريزاتهم وحتى شغلهم يعجبني

طبعاً دخلت غرفة المحل عشان اجيك البالطو عليي والحمدلله كان مضبووط ودفعته باقي فلوسه واخذته ومشيت ..

عقب رحت صالون الزهراء فـ بني جمره اسوي واكس , مجربه الواكس عندهم من قبل يوم المعادل " المواساة "

وكانت الهنديه سـريعه واااايد ماشاءالله ودقيقه فـ شغلها عشان جذيي ييـت لهم هالمره وشلت ريولي كامل وايدي كامل لـ فوق

وشوي من صدري من فوق ونص ظهري وطلع علي كامل بـ 9 دينار ونص ..

بعدين اتوجهناا انا والوالده الله يخليها لـ محل عليا فلاور وقلت لهم ابي اضيف للباقه لون ثاني " لانه كانت لون واحد بس "

وسألتين اذا بكمل باقي المبلغ احين او اذا استلمتها , قلت لها اذا يبتوها لي للصالون مره وحده بعطيكم وقالت اوكي ..

بعدين رحت الخواجه ( سوق واقف ) عشان استلم دفتي (دفة راس) ولبستها وجافها الهندي عشان بيقصر من طولهاا ,

وقال 10 دقايق وتعالوا اخذوهاا ..

يم الخواجه في محل اسمه القيصر شي جذي يعني , امي كانت امفصله لـ اخواني الصغار ثوب من عندهم وراحت عشان

تستلمهم من عندهم بس طلعت وحده جهزوها والثانيه للحين يبي له كـواي , فقالوا نص ساعه وتعالوا لهاا ..

اناا كنت مب متريـقه , فمريناا شريناا لناا انا وامي عصير برتقال فرش لي ولها وسندويشة جبن لي وحده ولها وحده :D

وعقب قلت لهاا على ما ناكل خل نروح السرور لانه مابعرف اكل وانا فـ الصالون ( امي تبي تروح السرور لانه تبي تاخذ

لـ اخواني سروال اللي ايي من تحت الثوب وتي شيرت ) فـ اخذنا لهم وطلعناا ..

بعدين رحناا صالون فاتنة الخليج ونطررناا يمكن تقريباً 10 دقايق الى 15 دقيقه ليماا يـه دووري

كنت ابي إلـسي الهنديه اهياا اللي تحفني , حفة ويهي الفلبينيه اللي هناك كأنه اسمها لـن وبعد الحفاف حطت لي الفلبينيه

ماسك باارد عججججججـيب ولما جمد شوي على ويهي بللت يدها بماي دافي وسوت لي مساج فـ ويهي

ولانه الماي دافي واهيا قاعده تسوي لي مساج شوي شوي الماسك بدى يسيـح وعقب شالته من ويهي

بـ هاي القطنه الدائريه المسطحه اللي فيها نفس الفتحات , كانت تبللها بماي دافي وتشيل الماسك من ويهي

وعقب للحواجب حفتني إلسـي , الظاهرر من زود الضغط اللي عليها ماشاءالله تخلي وحده تحف الويـه

وبعدين اهياا تحف للوحده الحواجب ..

طلعـناا من الصالوون الساعه 2 ونص تقريباً , ورحنا لمحل الدفه ومحل القصير تبع الثوب لـ اخواني عشان نستلمهم

بس للأسف كل مكـااان مسـكرررر !! :(


ورديـناا البيت الساعه 3 الا

:|

كـان يوم متعب , بس بعد بعد فتررره اككـيد رراح اشتاق لـ هالاياام

واتمنى لو تررررجع :D

ودعواااتـكم بنـاات


فـ حفظ الله

M!ss CoLoRz;15742033:
جريب مدينة حمد عندج صالون سلوى في الدوار الاول

وعندج في الرفاع وااايد

صفية شويطر
شريفة فولاذ
صابرين كمال ومعاها اختها ياسمين وعبير الرويعي ( في صالون واحد )
صفاء الرفاعي

بطرش لج ملف التجهيزات جيكيه على الخاص

بس سؤال اهوه مبارك ولا حفلة عودة؟؟؟ عشان نقدر نحدد لج أكثر ونسألج عن ستايلج

بنت المطاوعه;15744799:
صباح الخير
مشكورة اختي وايد ، حفلتي مبارك ( استقبال بسيط) وستايلي أحب شي يكون ناعم حلو ما يغير الويه، صراحة انا اتصلت في صالون سلوى وحجزت وطبيت بلساني ان استقبالي فقالت بنحجز لج عروس، مادري بس انا مابغي اوفر