« تجهيزات عرائس ' مملكة البحرين ' لشهر ذو الحجة 1432 - 2011 م / الجزء : ٨٣ »

تراجي ام الزين كله;15727569:
بنـــــــــــــــــــات
عندي صديقه اليوم متصلين لهم ان باجر بيووونهم
بس عشان يشوفونها
بس مابتيي الا امه والريال واحتمال وحده وياهم

السؤال مايمدي يسووون شي لان الاتصال ياهم متاخر
شيحطووون لهم قـــــــــدوع بيون بعد صلاه العشى؟؟؟

لاتاخرون علي عشان اخبرها يرحم والديكم

حالة فرح;15728094:

غرام أحباب مبروووك والله يهنيش :L:
.
.
.
بعدي في شهر العسل بس دام عندي نت قلت خلني أحط استفساراتي لحفلة عرسي الماجلة او الاستقبال او اللي اهو :p
طبعا حجز بريستيج ضاع علي ومافي حجوزات الحين فحجزت في طيران الخليج ..
طيران الخليج محتاجة تعديلات وايد بس الفكرة في راسي .. بس مو عارفة اروح لمن وخصوصا ابي ميزانية التعديل ماتطوف ال 700 كلش ... ابي اسوي الصالة كامل رابنغ بالشيفون الابيض و أحط مسرح يغطي مسرحهم كامل و ستيج و ممشى زجاج للستيج وتعديل الطاولات
بنت خالتي سوت عند الانصاري وكلفها 1000 دينار قبل سنة .. بس الهنود كانوا يشتغلون في الصالة ل 9 !! صج الشغل مرتب .. بس عاد وايد تأخروا !

+

ابي اسوي بطايق العرس ،، فوين اروح ؟ ابي شيئ بسعر رخيص بلييز

+

اي أحلى حق شعر رينا والا باتشي ايلوتشي ومن احسن وحده عندهم ؟
.
.
.
تقرير حنتي :

رحت الشعر والميكب نهلة وحطيت ميكب بو 10 عند جوي ... أهناك كان حلو ولو ان حسيته اوفر شوي ! والشعر عند دانه ب 25 .. والستايل كان هندي ... الساري كان وردي وفيه ذهبي
الحنة حنتني زينب دوار 7 وما شاء الله شغلها حلو
يزينه بوفيه في البيت من طباخ خالاتي وصديقات الماما وكان شكله لذيذ ولو أني ماكليت منه:lol:
الصالة كامل ركبنا حوالينها سناحات ومناظر و طلعت واو
التصوير ام ملاك و اخر 4 صور في فلكرها من حنتي و جلوتي

عدت الليلة على خير :biggrin:

تقرير الجلوة:
ميكب بلندا وحطيت ابو 45 + الرموش 6 .... صراحة كلمة فظيع قليلة عليه ،، غيرتني 180 درجة عن الخطوبه مع العلم أني ماقلت ليها عروس خصوصا انها جلوة وفي البيت مو العرس ! :o وقاعده افكر اروح ليها حق العرس لان شكلي ما يعجبني غيرها !
الشعر بدور ... كان حده جميل بس الصدمة والطامة الكبرى لما جفت الصور :hysterical: الحشوة طاااااااالعه عند رقبتي :| بقيت أموت لماجفت الصور صادتني حالة نفسية من القهر :sick: ولو أني ما الومها لان مسكينه انقذتني حزة الحزة وسوت شعري حليو مع ان بنتها تصيح بس سالفة الحشوة الطالعة في الصور نرفزتني :badly: المفروض ام ملاك تنتبه واهي تصورني وتقول لي !! مع العلم ان محد انتبه لهالشغلة لا أنا ولاصديقاتي ولا أمي ولا ريلي :I:

المهم ،،، لبست فستان اخضر نااااااعم كلش وفوقه ثوب نشل ابيض خذيته من الصديق واشكر بعنف اللي قالت لي عن المحل :adore: لان والله شربته قبل الحنة بيوم ! وعلى التلفون أمي تقول لي مو حلو ابيض بس لما لبسته الكل قال فظييييييع خصوصا ان الكل يلبس اخضر فكان مميز صراحتن :o

الاكل بارسلات من مطعم اسمه الدانة في السنابس والبارسل بدينار الواحد وطلع ممتاز يتراوى لي مع أني ماضقته طبعا :lol:

الجلاية كانت ام جاسم و أطربت الشعب الكريم ... حدها تردح :rolleyes:



الحمدلله على كل حال والله يرجعنا بالسلامة ويرزقنا الذرية الصالحة و تعدي حفلة العرس بسلام وطمأنينة مثل ما ابي :o

 

اخــ القمر ــت;15728197:

كل سنه وانتوا طيبين بنات :)

شخباركم ويا العيد والطلعات والزحمه ؟؟

حالة فرح مبروووك حبيبتي الله يتمم لكم على خير انشالله ومبروووك حق كل اللي انخطبوا وعرسوا وعقبالكم كلكم يااااااارب

*الناعمة*;15728309:
ابليز انا بعد ابي كاتلوج مال التجهيزات

*الناعمة*;15728312:
بنات بسالكم يحتاج الوحده اتسوي توزيعات حق حفلة الخطوبة ولا مو ضروري ????????

اخــ القمر ــت;15728197:

كل سنه وانتوا طيبين بنات :)


شخباركم ويا العيد والطلعات والزحمه ؟؟

حالة فرح مبروووك حبيبتي الله يتمم لكم على خير انشالله ومبروووك حق كل اللي انخطبوا وعرسوا وعقبالكم كلكم يااااااارب