تجمع حوامل وامهات قطر لشهر ذي الحجة عام 1432؛ الموافق لشهر نوفمبر عام 2011

حايرة :
اي عادي
وعن سميرة للحين ماردت ولا شلون ؟


حرماني :
الساعة المباركة اللي شفناج في الموضوع (؛

كيووت نوني
خلاص الحمدلله رحت حق سميره اليووم



لولوو
انا عندي موعد عند مريم سلمان يوم الاربعا الساعه 6 ونص وبكنسله



دوحانيه
اتصلت اليوم الصبح وردوا علي وخذت موعدالظهر ورحت

حرماني
الله حييها القاطعه
وحشتينا
والله اقول بطرش بس اتعيز واخاف احصل لي كلمتين عشان ماعندي بي بي
مثل باقي العرب كلن يهاوشني
شخبارج ..؟





حيوره
زين الحمدالله انها رجعت دكتورتج
رحت اليوم الظهر حق مريم سلمان والحمدالله تطنمت عالبيبي
باقي اربي ان شالله قبل موعدي

ياربي وحشتونى والله

لولوة
الله يهون عليج خلاص ما بقى شي ..
يارب نسمع عنج أخبار حلوة تسر الخاطر
ويسهل على كل حامل يارب


ماميز
اللى ولدوا من بدت رجيم أو برنامج رياضي عشان تشد بعد الحمل
خاصة الجو هالأيام يشجع من قلب
كنت ناوية ابدا بعد الأربعين بس الكسل :thumbs_down:
ناوية من بكره ان شاء الله على الاقل مشي ساعه الصبح وساعه العصر
من تبدا معاي

عذبه
الله يسلمج حبيبتي
تسلمين عالدعوه ماتقصرين
كم لج الحين من خلصتي اربعينج ..؟
مايصير تبدين ساعتين مشي في اليوم
ابتدي ربع ساعه اول اسبوع
عقب خليها نص ساعه ..
بالذات اذا ماكملتي 4 شهور ..
الاجانب حياتهم كلها مشي ورياضه وجسمهم متعود احنا غير ..
فحاسبي

هلا لولوة
أنا بديت قبل العيد مشي ساعه يوميا
فى العيد وقفت تعرفين زيارات وطلعات وحوسه
صار لى ثلاث شهور ونص من ولدت
فترة كافيه للراحه لازم أبدا انزل وزنى عشان سكر الحمل خايفة يصير دائم :(

عذوبه
الله يجيرنا من هالسكر ان شالله
اهم شي خلي اكلج صحي
عادي اكلي عيش ومكرونه بس اطبخيهم بطريقه صحيه ...
وبكميه محدوده ..مثلا بس كوب واحد عيش او كوب مكرونه ..
والوزن ماله علاقه بالسكر ..يعني مب دوم مربوطين في بعض
ياما ضعاف وعصاقل صابهم السكر ..مب شرط يعني المربربه يصيبها السكر ..
اهم شي كثري السلطات واقطعي الفاكهه من عقب صلاة المغرب ...
وعشاج خليه كلش كلش 9 ..يعني هاي متاخر بعد ..
وخلج الحين مع المشي ..
عقب ماتخلصين الاقل ال5 شهور ابتدي رياضه منها اهم شي شد البطن وتقويه عضلات البطن والظهر ..

والله يا لولوة صاير أكلى غلط
ان تضايقت أكلت
وإن استانست أكلت
وإن عصبت أكلت
وضعى موب عاجبنى بالمره
عشان هالشكل قررت أكتب يومياتى هنيه عشان أتشجع
وعشان أنضبط شوي
والله يعينكم علي .. :(

عذبه
كتبي يومياتج
بالعكس يمكن تشجعين البنات عالريجيم ..
ويمكن انتي بعد تلقين تشجيع من الصبايا هني ..
بكره موعدي فالولاده بسال الدكتوره عن اكلي في النفاس اكل عادي والا ريجيم ودايت بعد ..
خاطري في عصيده ..مع اني مب وايد معاها كثر الساقو يمي يمي ..

صبايا وين احصل جذي مواعين حلوووه

هذا اللى ناويه عليه ان شاء الله
باحاول أكتب يومياتي وان شاء الله ما يصيدني احباط :(
وكلامج فعلاً صح
لازم نعرف شنو ناكل ومتى ..
عشان البيبي وعشانج انتى بعد
الله يطمن قلبج عليه ويهون عليج يارب

لؤلؤة

أنا بعد ادور هالصحن الطبقات
بس حصلوه لي في فالري اللي في الستي
واعتقد المحلات اللي في الستي عندها عالطخه
أنا اليوم بروح وبرد عليج
واللي كانه عنقود العنب حصلت مثله في الأصالة وكانت حبة وحده وما خذتها
ما كان يبين شكله وايد راقي

كوكو
شوفي في فولري اند بوخ ..
ماخبر شفت عنده يمكن نزلوا ..او يمكن كنت ادور شي فبالي بس وقتها ..
اتوقع في تافولا بعد بس مب جذي حلوين ..
لما ادخل تافولا اروح صوب قوالب الكيك وهالسوالف مب وايد كنت ادور صوب صحون التقديم ..
اشوه اني مابيهم حق ضيافتي ..
ابيهم حق ماماتي يكونون حلويين ..
وان شالله الين نشد عالبيت الجديد باخذ لي كم طقم ناعمين لما حد يصعد فوق عندي يكون عندي شي سنع للتقديم عالاقل ..

احم



صباح الخير





كوكو
اي محلات في الستي سنتر ؟؟
اللي اذكره فولري اند بوخ وتافولا ..فيه غيرهم بعد حق المواعين هالسوالف ؟؟

فارفالا
حج مبرور وذنب مغفور

الاصيله
الحمدالله على السلامه ,,, ومبروك ما جبتي

السلام عليكم .. صباح الخير .. شخباركم وعيدكم مبارك ولو انها متاخره اشوي .. وحج مبرور وذنب مغفور للحجاج والله يكتب لنا السنه الياية ومبروك للي اولدوا وعقبال باقي الحوامل .. بعد في شي نسيته ههههههه .. واصلة الدوام متاخره قلت قبل اقرا سوالفكم وعقب اروح اكمل شغلي ..

فارفلا
حج مبرور وذنب مغفور وسعي مشكور ان شالله
نسيت ..





وهوجه
اشحالج انتي وكتاكيتج ..

الحمدلله بخير

شخبارج ,,, واخبار شوش والبيبي
متى موعد ولادتج؟؟

اي في في صفة هوم سنتر كانج رايحه مصرف الريان
فنون المائدة واعتقد كم واحد

لولو و كريستالة :
تافولا الرويال عنده تشكيلات اكبر من فرع السيتي خاصة اللي حق الضيافة
و فنون المائدة فيه شغلات حلوة