تجمع لنكن اصدقاء - 8لشهر شعبان1433 ه ربي يحقق أمانينا

بغيت اسأل ليش دايما العجينه تتلزق بأيدي هل الماي وايد ؟

ام فيصل حبيبتي

شوفي شلون تحطينها بالفريزر لا مو اول ماتطلع من الفرن تتركينها اول تبرد زين بعدين تحطينها باكياس فريزر وخلاص تجمدينها

اي وقت حبيتوا تاكلونها طلعيها وسخنيها بالمكرويف او طلعيها قبل بوقت وسخنيها على السريع بالفرن بس انا كله بالمكرويف

وعلى العجينة ليش تلزق اي الماي وايد قلليه وبس تعجنين وتخلصين اخذي شوي زيت مسحي العجينة فيه وسويها كرة كبيرة وخليها تختمر

او رشي رشة طحين وخليها تختمر .. ترى بس اول مرة تحسينها صعبة بعدين خلاص سهله وايد ترى

والحشوات اذا ماتعرفين انا اعلمج

انا عندي مكينه عجانه تعجنها بس اخلص من العجن اخذ زيت بأيدي وسويها كره كبيره ورشهااااا شويه طحين بودر بعدين اخليها تتخمر عدل ؟؟


اي والله اذا عندج فناتق للحشوااااااااااات اكون شاكره لج .. انا عندي حس التأليف بالحشوات إلي موجود بالثلاجه ينحط :)

والله امس سويت بيتزا لذيذه صج الماي كان زايد بس ياربي انا على المقادير المكتوبه احطها اذا لقيت فرصه حطيتها لكم بس لاتضحكون شوي متحمشه من فووووق بس حطيتها 20 دقيقه استوت بسرعه . ياحلات المعجنات بس المفروض مانكثر خخخخخخخ شكلي راح اسمن على هالطحين والمعجنات كل يوم مجربه وصفه

ام فيصل

اي انا هم مااعجن بيدي كله بعجانة بس اخر شي اكور العجينة ادهنها بزيت على الخفيف وارش

بالطاسة اللي تخمر فيها وعليها رشة طحين خفيف

وبالنسبة للحشوات وايد فيه انا احب حشوة الجبن الابيض مع نعناع يابس مطحون ترشين رشة وشووووي بقدونس مفروم وزيت زيتون

حشوة اللحم المفروم تسوين حمسة لحم مفروم وبصل وبهار وبكيفج تحبين تحطين معاهم خضار مثل بزاليا وذرة حلوة تطلع

حشوة هندية حارة تحمسين بصل وتحطين عليه بطاط مقطع مكعبات صغيرة وجزر مبشور وبزاليا وعلبة صغيرة عدس اخضر وثوم وكثري بهارات حارة فلفل اسود وكاري

وحطي شوي ماي خليها تستوي وبس تبرد حشي فيها ..


عندج فطاير الزعتر مايبيلها زعتر وزيت زيتون ..

وايد في افكار حلوة وسهلة وتسوينه انتي من ايدج انظف واحلى من الجاهز ..





كيمو

حبيبتي انا بخير انتي شلونج وشلون صار ريلج الحين؟ ان شاء الله احسن

اهلا بنااااااااات كيموو افا عليج اطرشلج طحين كويتي ههههههههههه . وشكرااااااااااا انوار على الحشواااااات سويت فطاير بس كل وحده شكل وحجم ههههه صج مبتدئه ... بسس بوقف هالكم يوم بصراحه الخدامه من كثر الغسيل وعفيسه المطبخ انجنت وقامت تطنقررررررر وتمد البوز ... قلت انطر جم يوم بعدين ارد ازاول المهنه ..

انوار جربي الزعترررر مع الزيت الزيتون وشويه حطي ملح الليمون لذيذ .. وجربت احط صلصه البيتزااااا فوقها زعتررررر وملح اليمون شوي وفوقها زيتون اسود وجبن موزريلا .

بيق عوافي عليكم الفطاير يارب ام فيصل ترى تقدرين اذا ماعندج وقت ومستعجلة تسوين فطيرة كبيرة على شكل ظفيرة

او على شكل صمونة وتقصصينها بعدين صج الصغار احلى وارتب بس هذي هم حلوة ..

ام اكرم زين اعرف اسوي دوائر ماني خبيره بالفطاير حتى على شكل عجفه ماعرف

كيمووو توني احس بقيمه الطحين الكويتي هههههههههه

زوجه المهندس علامها ماتبين مختفيه ؟

مايبيله شي شوي شوي تتعلمين

شوفي الظفيرة تقطعين العجينة 3 قطع تفردينهم طوال وتحشينهم وتبرمينهم بهالشكل



وتبدين تعجفينها نفس العجفة بالضبط هههههههه وبس تدهنينها وعلى الفرن سهلة مايبيها شي

اجربها ان شاء الله .. شلون كرومي معااااااااااج عسى مو مجننج طلعتله اسنان ولا ليلحين ؟

انا اليوم قاعده بكير ... بس ادري طول اليوم راح اخلص اشغالي والاسبوع الياي لازم ادرس خلاص دشيت مواد تخصص صعبه والله يعين ادعولي ان الله يوفقني بصراحه وايد خايفه الدراسه مو بالهين تجيب لي الاعصاااااااب .

اهلين بنات كيفكم ايش اخر اخباركم والله اشتقت لكم بس النت عندى كان خربان
وانشغلنا الايام اللى فاتت بنت اختى دعواتكم لها ان الله يشفيها
صابها نقص اكسجين اثناء الولادة وقالوا المخ تاثر ياقلبى البنت تجنن بس حسبى الله عليهم من مستشفى

كيمووو .. الفطاير هبه والعجان يونس انا توني شاريه العجانه و كل يوم اسوي طريقه ههههههه اخاف انتفخ

بنت تبوك انتي ويييييييييييييينج وحشتيناااااااااااااااا .. ماتشوف شر بنت اختج ان شاء الله مافيها إلا العافيه ان شاء الله مايتأثر المخ .. بصراحه اكبر غلط يحطون دكاتره مايفهمون حرام البنت شذنبهاااااا ... والله يصبر امهاا .. ويرزقج بالذريه ان شاء الله

انا هالايام مادري شعلامي كلا مصدعه ومالي خلق شي ... الله يعينا على الدراسه هذي اعراضهاااا :(

حسافه كنت اتمنى اشبك والقى احد شابك معااااااااي ..*_*

i am here