الأخوات البحرينيات ممكن مساعدة ؟؟

البتول 1 10-10-2003 6 رد 1,538 مشاهدة
ا
السلام عليكم ورحمة الله وبركاته ..

اخواتي الحبيبات البحرينيات ممكن طلب بسيط ؟؟

اعرف ان الأمهات والجدات البحرينيات يلبسون فوق ملابسهم

مثل الدراعة البيضاء المصنوعة من القطن الناعم

يلبسونها بحيث ترفع من الكتف من جهة واحدة وتوضع على الراس ( من

جهة واحدة فقط )

اريد اعرف شو اسم ها الدراعة البيضاء ؟ وهل ما زال يبيعونها عندكم في

البحرين ولا لأ ؟؟

ومشكورة على تعاونكم ..

تحياتي

ام عدنان
ن
السلام عليكم ورحمة الله وبركاته

الجدات لحد الأن تلبس هذا البس

ويا الغالية هى ما تباع جاهزة قطعة قماش تفصل وتطرز
ا
مشكورة يالغالية على ردك ..

بس اريد اعرف هل اسمها دراعة ولا لها مسمى ثاني ؟

وهل تفصيلها نفس تفصيل الدراعة الاماراتية ؟

اخاف اوصي عليها ويرسلون لي الدراعة العادية !!:down:

تحياتي
s
اختي يسمونه ثوب
والقماش تبعه يكون خفيف شوي اعتقد يسمونه ويل
وانتي تشترينه وتفصلينه وتطرزينه
قولي لهم ابي ثوب اللي يلبسونه الحريم الكبار في السن والكل يعرفه ان شاء الله
واعتقد في سوق المحرق في جاهزين
بالتوفيق ..
ا
مشكورة اختي شجون ..

كفيتي ووفيتي .. جزاك الله خيرا ..

تحياتي
ا
الله يسلمك اذا اتقصدين الثوب فهذا تلبسه النسوان الكبار اما الثوب الي يكون مطرز وتلبسه العروس يكون اسمه ثوب النشل .....
والحين صارت منه موديلات جديده و مطوره تحصلينه في محل اسمه السعفه .... \

بس اثنينهم نفس الموديل الي تكون ايده واسعه .... مثل المربع
ا
الغالية ايوت ..
مشكووووووووورة وايد وايد ..

ماكنت ادري انه نفس التصميم لثوب العروس ، اتوقعته غير ..

وعلى العموم اذا هو نفس التصميم وله موديلات جديدة ومطورة افضل آخذ منه ( ثوب النشل ) لأني اريد البسه في مناسبة قريبة ..

طبعا ما اريد مثل ثوب العروس في تطريزه وفخامته ، اريده شي جديد
وبسيط ..

تسلمين اختي الفاضلة وان شاء الله بوصي احد يدور لي الثوب في

محل السعفة عندكم ..

جزاك الله خيرا ونخدمك في الافراح .. واذا احتجتي لشي من الامارات
ترى نحن حاضرين ..

تحياتي
اختك ام عدنان
X