سنعات19،، ناجحات متفائلات متفاعلات

شذو ياقلبي انتي ليتك من اول ماقلت لك مسويتها لانها بالعشرين الايام الاولى احسن

يكون الجلد والمنطقه مرتخيه وينفع اكثر بس ماعليه استخدميها

اسبوع من الان واذا بقى يومين

او ثلاثه وتطلعين اتركيها عشان ريحتها تفقع الراس

طبعا انا كنت اتشطف فيها لان التنقع بالايام الاولى يقال انه مو زين

لكن انتي عديتي هالفتره الحمد لله فجيبي ارطا اعواد واطبخيها ملي كفك

مع لتر مويه او لتر ونص عادي وكسرة مره تعقم وتضوق بعد

حطي لك شي نظيف زي الطشت او بلاستيكه كبيره اهم شي اذا طبختي الارطا

خليها على نار هاديه 5 دقايق او اكثر شوي مو مشكله وخليها تدفى وتصفيها

واجلسي فيها وهي دافيه وتميل للحراره ازين ياسلااااام على الراحه وقتها

وحاولي وانتي جالسه تشطفين المنطقه زييين مازين

انتهينا من الارطا ياقمر نجي للرمان اذا كنتي طهرتي استخدميه واذا ماطهرتي

لا تقربينه لانه ينشف الدم

والطريقه ====

تجيبين قشر الرمان وتغسلينه وتخلينه بالهواء مع تغطيته طبعا بمنشفه خفيفه

او فوطه واذا يبس اطحنيه وخذي كل يوم ملعقه صغيره مع اي شي دافي

حتى لو مويه دافيه

وكغسول بدون ماتيبسين القشر اطبخيه وصفيه وعادي ياتتشطفين فيه او

تتنقعين وعادي تطبخينه بعد وهو يابس مو مشكله

واي شي مافهمتيه ياقمر اسالي عادي انا بالخدمه ولووو ياشذوو

صباح الخير والنور والسرور

:L:شذى الله يعافيك يارب ولك بالمثل مشكوره ياقلبي على الدعوات

الي تشرح الصدر الله يجزاك خير

:L:دودي ياقلبي طمنيني على الوالده مررره شايله همها الله يشفيها يارب

اغسل مواعيني واهوجس فيها الله يعافيها

:L:بناتي زهرة حياتي الله يعينك حبيبتي ويساعدك انتي قدها انشاء الله

عاد غداء الله يعينك لو كان عشاء اهون

يومياتي ====

امس سكرت النت الساعه 3 وزياده بعد ردي على شذى بعد

مانومت بنتي وذاكرت لحمودي وياربيه نمت شايله همه مره

نمت4 وتركته بعد مااستودعته ربي وصحيت 6 وشوي

قال ابوه لايداوم مانام طوول الليل ومزكم قلت اوكيه وكملت نومتي

الا الشيخ مشاري يصحى معه ااشر لحمودي من بعيد ابيه يجي ينام

وانا على سريري ماابي نومي يطير توه جاي بنومه جنبي الا ابوه

يرجع ياخذه 8 قهرررررني يقول طلعت وهو يترجاني يبي يروح

مهوب حب في الدراسه عشان اليوم عليه فنيه ولدي فنان ومغرم

بالرسم وتوني اكتشف هههه

لبسته وانا معصبه وراح وطاااار النوم هي ساعتين الي نمتها بس

رحت لمطبخي وتعوذت من ابليس كانت المجلى طااااافحه مواعين

من المغرب امس وانا اكوم فيها استغفر الله

وشغلت اناشيد بالاب ابي اصحصح

واخش جو وضيقت صدري الانشوده مهيب زينه ابد ههههه

المهم سكرت اللاب وقعدت على المجلى وقت طويل ياشين الي يغصب

نفسه وماله نفس وعطيت ميشو فطوره ومسحت الفرن

يوم شفت المجلى انفتحت نفسي الحمد لله

مسحت الارضيه ورتبت الكاونتر من خبز ومعلبات

اخذت لي حليب بالفلفل الاسود والزنجبيل مع القشد حق امس

وجلست ابي اروق شوي وبقوم اكمل شغيلاتي

الله يمتعنا جميعا بالصحه والعافيه اللهم اميييييين

ايه صح نسيت يوم قمت لقيت الصاله صاير لها اعصار

حوووسه من حمودي رتبتها ورجعت كل شي محله

وامس الحمد لله من ضمن انجازاتي الي نسيت اذكرها

مجلسي مهملته مرره مغبركنت ادخل ارتبه بس وعيالي

احيانا يدخلون يلعبون فيه وضايق صدري عليهم

دخلت له ونفضت ابوه نفض كنست ستارته وجلسته والموكيت

وطلع لؤؤؤؤطه ماشاء الله وسلامتكم سي يووو

وهذي لك مادامها عاجبتك خخخخ بغثك فيها :L::L::L:

مع كل وجبه قلب تستاهلين

السلام عليكم

وتر الحنين / حج مبرووووور

و يارب يتقبل من الجمييييع


دودي / بسم الله على أمك وماتشوف شر

F:F:F:

نستبدل حرف الواو بــ ( ثم )

لانه يدل على الترتيب


مثااال

F:F:F:F:

يعني لولا فضل ربي ثم السياره اللي كانت وااقفه


بدون قصد وربي وترى اعرف الحكم مو جااهله

بس يمكن لاني كنت وقتها متااثره باام دودي الله يشفيها وزوجي مانتبهت

الله يغفر لي ويساامحني

وجزاك الله خير على التنبيه

الحين ابكتب الموضوع اللي سولف
لي عنه زوجي
الحين اصحاب زوجي معلمين
ودكاتره كل يوم بالظهر يتقابلون
يقول من اول السنه كل يوم
اسمع واحد يكلم اهله وش
يبون غدا ويطلب لهم من برا
وزوجي كان يعتقد ان عندهم
ظرف عائلي فسال صاحبه
انتم ماتطبخون بالبيت قال
لي 9 سنوات اكلنا من برا
ولاعمرنا طبخنا بالبيت
وعنده عيال ابتدائي
وزوجته معلمه وشغاله
فطور غدا عشا كمان
زوجي استغرب
فسال صاحبه الثاني
قال كلنا كذا حتي فلان
وفلان وحريمنا ربات بيوت
كل الناس كذا حاله شاذه
اذا لقيت حرمه تطبخ لزوجها
انا اصلا تنحت
اجل ماشافوا السنعات
مع العلم كلهم عندهم خدم
واطفال باول او ثاني ابتدائي
اكبر شي ومافي حوامل بينهم


سؤالي
وش رايكم

مساء الخيرF:
كل سنه وإنتو طيبين
الصفحات مررررره كثيرره ومافيني اقراها كلها:hysterical:إن شاء الله لا فضيت:rolleyes:
المهم اختي تزوجت يوم الخميس:L:الله يوفقها
تمنيت احد منكم يحضر :(
طلعت مره حلوه ما شاء الله
وتر فاكره إنك سألتي عن مشاغل جده
اختي تصلحت ب منه سنتر رووووووووووووووعه ما شاء الله
وانا تصلحت بكارمن كمان حلو وشفت فيه عروسه تهوس ما شاء الله:thumbs_up:
الشهر الجاي زواج اختي الثانيه:badly:زوجها ماعنده إجازه إلا الكريسمس وهي مررره مزنوقه تفاجئت بالموعد وتحوووس وهي كمان متعاقده توها مثبته وكمان إنقبلت ف البعثه ما شاء الله وحوسه واوراق ومراجعات غير دبشها:hysterical:الله يعينها
انا شاده حيلي بالريجيم مع إن البرد ما يساعد ابد:thumbs_down:
قبل يومين اكلم صاحبتي في ادنبره...تشكي من البرد مرررره تقول احمدي ربك ع برد الطايف:woo:الله يعينهابالشتاء 20 تحت الصفر!!!!!
هذي علومي وسلامتكم:L:عارفه إني مخبصه الهرج ع بعض بس مستعجله قبل يجي الصغير يحوسني:D

روز

الله يرحم بنت عمك ويغفر لها ويعوضها الجنه ياارب وربي يعظم اجركم

والله ماادري ايش اقولك على ربي
ربي يحفظنا ويحفظ المسلمين بس السوااق ماافيه مجال نجيبه الان ربي يستر علينا والله يوم الاثنين غبت علشانه تعب خفت عليه من السيااره

اسال الله العظيم رب العرش العظيم ان يشفيه ويشفى جميع مرضاء المسلمين يعلم الله اني بخوف من يوم مانطلع لحد مانرجع واجلس بس استغفر حتى هو لطلع بس استودعه الله واجلس اتصل عليه كل شوي
مع ان ماابيدي شي
الله يحفظه ويشفيه وعسااني مااشوف ولا اسمع فيه مكروه