السلام عليكم ورحمة الله وبركااته
:L:
صبااح البيتزاء والسينبون جدااويا ههههه
:L:
انا اعرف البنات اللي هنا من زماان بس اشوف الكل مغير النك بس كااني عرفتهم من يوميااتهم
مثل روز وسلخير واتوقع جداويا وفاء وخاصة خلود لانها ماغيرت نكها
المهم انا كاان نكي هناك (باقة ورد)
الله يذكر ام حمودي بالخير فقدتها ربي يحفظها وين ماكانت تكون
:L:
يوميااتي
ـــــــــــــــــــــــــ
الاحد
طبعا قلت لكم بروح لختي
فكلمت زوجي علشان باقي مااشتريت لي شي للعيد وقلت فرصه اترك العيال عند اختي
بس المشكله عمي ابو زوجي تعب واخذه زوجي للمستشفى لانهم هم ساكنين معانا بنفس العماره بالدور الثااني
واخذ بحدود ساعه وقبل مايجي كلمت اختى قلت لها انا بنزل عيالي عندك واروح لسوق
وهي كانت مصره ااجل السوق علشان اروح معاها
وانا فكرت بالعيال قلت لها لا انا بروح الليله وانتي بكره وانا اجلس عند عيالك
ووافقت ورحت نزلت عيالي ورحت لسوق
واخذت لي تير وكان نفسي اخذ فستان نعوم بس الشكوى لله
ماودي اتفشل مع زوجي واطفشه بالسوق اخذت اللبس وانا مو مقتنعه مره
المهم طقمت عليه الشنطه والاكسسوار
ورجعت على 11 نزلنا زوجي وجلست عند اختى لساعه 12ونص
ورجعت للبيت
وجلست مع زوجي الي 2ونص
ونمت
ـــــــــــــــــــــــــــ
الاثنين
صحيت على 11ونص مع اني سهراانه
بس بروق لوحدي شوي
الله لا يحرمني منهم
ورحت واخذت لي شور منعش
وكلمت اختى وكلمت امي
وحزنت على امي متضايقه مره من ابوي الله يهديه
وجلست افكر يااربي ايش ممكن اسوي
اكلم ابوي ولا لا اخر شي تعوذت من الشيطان
وقلت بنفسي ماراح اخسر اخرتي ورحت جهزت لي كاسة شكولاته
شغلت التلفزيون
الا ولدي الكبير صحى قلت اجهز لك كاس حبيبي قال ايوه
قلت كويس لس المويه سااخنه
وجهزت له وجلسنا على التلفزيون
لحد ماصحى زوجي
طبعا هو صايم
ياادوب عيالي افطروا
وخرج زوجي للبقاله يجيب لنا دجاجه
بجهز فطوره قبل العصر
علشان بروح لاختي لانها بتروح لسوق هي واخواني ولازم اجلس عند عيالها
وكمان لاني كلمت الكواافيره تجي عندها بعد العشاء نفسي اقص لي ولبنتي
وهي كمان بتقص لها ولبنتها ولاختي الصغيره
ودبي سلقت الدجاجه بجهز له مكرونه
لانه مسكين فيه حصى بالمراره ومايكل الا مسلوق
اسال الله العظيم رب العرش العظيم ان يشفيه
ياابنات الله يسعدكم اللي تعرف علاج لحصى المراره غير العمليه تقوله لي لانه متخوف من العمليه والله اني تعبت معاه
اشوفكم على خير
:L::L:
