عروسات الجزائري..احكيولنا شوية على تجهيزاتكم...

مبروكة عليك لاغوب لونا الفوال مليح مفهمتكش لابوغديغ هادي تاعو مليحة بزاف وستيل انت باغية تزيدي عليها والا كيفاش؟
الفوال ولابوغديغ لازم تمشي مع الخدمة تاع لاغوب
انا وصيت ان شاء الله بعد العيد تجيني لاغوب تاعي بصح انا اقترحت عليا الي حتجيبهالي من الترك اني نعمل ستيل تونسي جيب وبيستيي منعرف واش رايكم بنات؟

السلام عليكم بنات نتمنى تكونو بخير
لونا شفت بعض الأفكار مليحة للفوال تقدري تديرهم هي كان وريتيلنا صورة لاغوب يكون أحسن
بما انك باغية الفوال دونتال ومقدرتيش تقدري تعمليلو لابوغدير دونتال هذا اذا كانت لاغوب فيها الدونتيل
شوفي هدي مجموعة تقدري تهزي أفكار منها





في هاد الموديل تقدري توزعي الحبات تاع اللؤلؤ بشكل وردات مثلا أو تشكلي بيهم الشكل الي بغيتي هادي غير فكرة مثلا بابيبون أو أي شكلي وخلطي مختلف الأحجام يجي باهي بزاف



هذا عجبني بزاف الحواف بالدونتيل ويحكمو التيلو أو الاورغونزا يعملولها بليسي جات حطة


هدو مجرد أفكار ان شاء الله تعجبك وحدة منهم

اهلا حبيبتي وهج مرسي بزاف على الصور.

واله رووعة..

انا هكذا حبيتهم مي ما لقيتش لادونتال هذي..

على بيا خممت نديرلها هذيك لابوردير..

انا تاعي سامبل خلاص ما فيها والو ورايحة نزيد نخدملها لي باغل على كل لابوردير..


لاغوب تاعي دونتال ومخدومة بلي اغل كيما لي رايحة نحط...

تمنيت كون نقدر نحطلكم الصورة تاع للاغوب بصح راني مخبيتها في اقرب وقت ان شاء الله نجبدها ونحطهالكم..


بالنسبة للاغوب تاعك اذا انتي تحبيها 2 بياس قوليلها تجيبهالك هكدا..


كاين بزاف للو شوا في الترك وااحد البلاصة اسمها الفاتح غير لي ماجازان تاع لي غوب دو ماغي شوفي اي مودال يعجببك من الانترنت ووريهوله تلقالك ابوبري وتجييبهولك...

ان شاء الله تجيبهالك كما يحب قلبك..

مساء الأنوار لونا العفو حبيبتي بالنسبة لدونتال راكي تقدري تشري بنوار مليح أبيضزي الدونتال أو لابوردير تاعو كاملها مخدومة وتقصيها وتخيطيها على الحافة تاع الفوال وبعدها تحطي لي باغل عليها هدي فكرة أخرى وسهلة بزاف البنوار تقدري تخيريه أبيض أو أغجونتي وهكذاك يزيد بهى في الفوال

انا الحق ملقيتش روحي مع لاغوب نحب ستيل فرنسي سامبل مي خدمت شامسة صواغي تاعي في البلون كاسي جات تشبه لاغوب دوماغي بلون كاسي ستيل فرنسي بلاتخين ضرك ان شاء الله في أقرب وقت نحطلكم صورتها
وانا راجلي من بسكرة على هديك منخرجش من دارنا بلاغوب بلونش نلبسها عندهم على خاطر الطريق طويلة
وليت قلت نلبس هادي لاغوب بلون كاسي من دارنا مع فوال باهي نخدمه بالفكرة الي قلتها لك لونا بالبنوار مليح ولهيه نلبس لاغوب تخلطتلي ملقيتش الستيل هي اقترحت عليا دوبياس قالتلي راهم ملاح ياسر
كيما قلتي ضرك نشوف في النت ونعطيها صورة تقريبية ان شاء الله.

ضرك راني نعتلكم اللباس الهندي تاعي مازال مش كامل مي نوريلكم جزء من الخدمة شريته قماش وانا خدمته
هدا القماش قبل منخدمه


وهدو بعد معمرته بليستغاس ولي باغل والكنتيل



وان شاء الله كي نخلصه نوريهولكم

ماشاء الله رووووعة ..

خدمتك هايلة جا شباب بزاف...

انا كنت حابة ندير ساري ومباع الدقيقة الاخرة بدلت رايي ..

على خاطرش على بالي ما نزيدش نلبسو نعرف روحي..

وقلت مادا بيا ندير حوايج لي نلبسهم خير...


انا لاغوب لي ندخل بيها درتها اوسي بلون كاسي بالدوغي...

درتها غوب ايفازي بلون كاسي ومن فوق جيلي كما تاع التلمساني وهو قصير يجي تحت الصدر برك..

هداك خدمتو بخيط الشعرة بصح غلفتو قبل بالدونتال دوغي..

باش هكدا الفيد لي داخل الرسم تاع الشعرة يجي معمر بالدونتيل ومباعد نقص الدونتال الزايدة من برا...


ولو فوال رايحة نديير دراية بنفس لادونتال الدوغي..

ولي مونش ولا تران اوسي.. يجو باللادونتال..

ان شاء الله نوريلكم كامل التصاور درك رهي عند الراجل يخدملي فيها...

-----------

لاغوب ايه شوفي المودال اللي يعبجك ووريهولها وخلاص...

صح الوحدة لازم تدير حاجة تلبسها انا نشتي الساري عارفة مام مبعد نلبسو خصوصا درتو شوي مريح سروال وليكات للركبة مفتوحة على الجناب دومي مونش وشال وحده مرة أخرى نقدر نحي الشال ونلبس غير الطقم الي لتحت

فكرة الخدمة تاع لاغوب بلون كاسي تاعك باهية انا درتها بلافيست بليمونش وطويلة خاطر لاغوي لتحت عريانة على الظهر كامل والفوال تاعها بنوار دونتال كامل دوغي وهي تاني مخدومة بالشعرة مذهبة والعقاش الطويل برك شارجي كامل لاتخان تاعها بنفس لقماش ومخدومة كاملها ضرك نوريهالكم وكي تجيبي تاعك من عند الراجل صوريهالنا شوقتيني نشوفها باين فيها باهية بزاف وزيد هادا الستيل يعجبني بزاف
انا الستيل تلمساني خدمته باقية راني حاصلة في الجوهر الي يعملوه تاع تلمسان الشدة نقصد كنت باغية نلبسها مع القاط يجي زي تلمساني كامل للضرك ملقيتهاش تتباع عندنا وعندكم لونا يبيعوها والا لا سكيكدة قريبة ومالفين نجو لتم يعني كان نصيبها تتباع لتم نجي ونشريها من عندكم ؟

اهلا وهج حبيبتي..


مليح المودال تاع السري تاعك حتى انا نحبو هكذا ..

وبالاك ندير واحد هكذا سامبل لابغة نصدر بيه نهار حنة الحباب...

على خاطرش حنا عندنا تديريحوايج سامبل وقنادر تاع مناسبات تصدري بيهم نهار حنة الاحباب..

ونديرو حوايج ثقال نصدرو بيهم نهار الحنة كي يجو يحنيو دا العريس...


ما عرفتش هذو لي هدرتيلي عليهم..

وريلي تصويرتهم نقلك ادا كانو عندنا هنا في سكيكدة...

اذا لقيتهم نقلك وين يتباعو ونسومهملك قداش...


راني نستنى فك توريلي التصويرة تاع لاغوب تاعك..

درك ران رايحة نفتل شوية كسكسي...هههههه

حابة نتعلم باش نعود نفتلو وحدي..

l-o-n-a;15719165:
اهلا وهج حبيبتي..


مليح المودال تاع السري تاعك حتى انا نحبو هكذا ..

وبالاك ندير واحد هكذا سامبل لابغة نصدر بيه نهار حنة الحباب...

على خاطرش حنا عندنا تديريحوايج سامبل وقنادر تاع مناسبات تصدري بيهم نهار حنة الاحباب..

ونديرو حوايج ثقال نصدرو بيهم نهار الحنة كي يجو يحنيو دا العريس...


ما عرفتش هذو لي هدرتيلي عليهم..

وريلي تصويرتهم نقلك ادا كانو عندنا هنا في سكيكدة...

اذا لقيتهم نقلك وين يتباعو ونسومهملك قداش...


راني نستنى فك توريلي التصويرة تاع لاغوب تاعك..

درك ران رايحة نفتل شوية كسكسي...هههههه

حابة نتعلم باش نعود نفتلو وحدي..

مليحة العادة تاع حنة لحباب حنا معندناش حنا عندنا الحنة تاع الفاتحة نهار يديرو العقد الشرعي في المسجد كاين الي تعمل حنة وتعرض ناس ويجو دار العريس يحنولها ومن بعد في العرس يديرو الحنة مرة أخرى وغدوة الدخلة وبعدها التاجرة الي هي غداء تاع العروس وعندنا المرأة تصدر نهار الحنة تاع الي قبل العرس بقشها لي تختاره اما كله أو جزء منه ونهار التاجرة الي هي غداء تاع العروس غدوة من عرسها تزيد تصدر مرة أخرى هدي عدتنا احنا
بصح انا جملتهم درت العقد تاع البلدية والشرعي خليته نهار الحنة تاعي ندير حفلة وحدة وتم نصدر في قشي تقريبا كامل نخلي غير حويجات خفاف (حنا مثلا لي سواغي منصدروش بيهم)
وبعدها بأسبوع نروح لبسكرة نلبس لاغوب هوما ميديروش العرس نهار الدخلة يديروه غدوة وبعد غدوة من ذاك في الليلة هديك نلبس لاغوب ويديرو الكورتاج بعد صلاة العشاء الناس الي تجي غير لقراب يحطولهم تاي أو تيزانة مع المكسرات وصايي حتى لغدوة يديرو العرس وتم نصدر
كل منطقة عاداتهما تختلف

** الصورة معنديش البرنامج الي نظلل بيه وتعرفي مانعين الصور الي مش مظللة شوفي أكتبي في القوقل الشدة التلمسانية ضرك تلقاي الصور تاعها هدوك الاكسسوارات تاعهم الجوهر الي في الصدر ويهبط والي على الراس.

أما هدي تفتلي الكسكسي وحدها راكي فحلة انا عيا معايا قلتله لالا غير هادي منعرفش راه يتحلف فيا قالي تجي تفتلي بسيف عليك، انت قافزة تعلمي F:
أنا ضرك منقيس والو في الدار غير مع الخياطة حتى الخدمة حبست وباقية في الدار نهار طول
غير مع لخياطة
ان شاء الله غدوة أو الي بعده كي ندخل نحط صورة الشامسة صواري لازم نلبسها باه تبان لاكوب تاعها

السلام عليكم لبنات صح عيدكم وكل عام وانتم بألف خير
بنات هادي صورة الشامسة صواري الي عملتها ، لونا هاي ليك الصور
وقولولي رايكم
ان شاء الله ناوية نعملها خمار مليح وفوقه لافوال ونخلاج بيه من دارنا نهار العرس ومن بعد كي نوصل بسكرة نلبس لاغوب بلونش واش رايكم؟
أولا عذرا الصور مش واضحة في الحقيقة هي أجمل

واش رايكم ؟

يا على جهاز هبلنا يا أختي راني 4 سنوات وأنا نشري وماكملتش الله يهدينا على هاد العادات والتقاليد

اهلا حبيبتي وهج..

مرسي على الصورة

هايلة بصحتك تلبسيها بالهنا ان شاء الله...

عجبتني الخدمة رووعة...والالوان جاو هايلين مع بعض..

حاولي برك تزيدي تسانثري لافاست عليك ...

تجيك روعة..

بصحتك تلبسيها بالعنا ان شاء الله..

كي نوجد تاعي راني نوريهملكم بادن الله...

زدت هاد السمانة حطيت لبسة باربار تتخيط..

ولي تخدمهالي تخدم في بسكرة...

ان شاء الله يجي مليح برك...

l-o-n-a;15749984:
اهلا حبيبتي وهج..

مرسي على الصورة

هايلة بصحتك تلبسيها بالهنا ان شاء الله...

عجبتني الخدمة رووعة...والالوان جاو هايلين مع بعض..

حاولي برك تزيدي تسانثري لافاست عليك ...

تجيك روعة..

بصحتك تلبسيها بالعنا ان شاء الله..

كي نوجد تاعي راني نوريهملكم بادن الله...

زدت هاد السمانة حطيت لبسة باربار تتخيط..

ولي تخدمهالي تخدم في بسكرة...

ان شاء الله يجي مليح برك...

الله يسلمك لونا
لافيست في الحقيقة متبانش بزاف كيما في الصورة بلي واسعة شوية درتها بلعاني
على خاطر انا نسمان فيساع كاين حوايج خيطهم في مارس درتهم سير تاي ضرك مايجوش خلاص سمنت خفت نعاود نفس الغلطة وخاصة انا نسمان كي نعود نخمم حتى يفوت العرس كشما نعاود ننزل في الوزن

راني متشوقة نشوف سواري تاعك مليح ستيل باربار انا تاني حنخدم واحد في الابيض ان شاء الله نوريهولك كي نخلصو
في بسكرة قالولي لخياطات ملاح بزاف انا مشفتش بصح في عرسيكي يجو مالين راجلي نقولك خياطاتهم ملاح والا لا ، كيفاش هادي الي في بسكرة عندها آتوليي تم والا كيفاه؟ وكي تخلصهالك وريهالي ممكن تعجبني نروحلها راني مهووسة بلخياطات

شفتي في الأنترنت لقيت موديلات بزاف تاع لبسات باربار مي جاية سواغي ديكولتي راح نعمل هاداك النوع ونديرله الفوطة وشريت الحلي الشاوية الفضة هي نفسها تصلح مع لقبايلي

قولي لي كشما كاين أفكار تاع تغليف الشورة راني بديت نغلف فيها بغيت كاش حاجة جديدة ؟

لبنات كامل غابو لبنات فيدونا غير نعملو حوايج بخيزونتابل كل وحدة تمد فكرة وهكذا نفيدو بعضانا؟

اهلا حبيبتي..


اذا هكدا امالا مليحة ..

اون نسي جامي كون تسماني منا للعرس تجيك سواسوا..

انا العكس نقصت وخايفة بعد الزواج نزيد نسمن..


وانا ماحايباش نسمن..

ربي يستر..

ههههههههههههههه..


هذي الخياطة سكيكدية بصح عندها دار عمها في بسكرة وتخدم تم وقيلة عندها اثوليي...

ان شاء الل اول ما توجدلياي حاجة نوريهالك.

هاد الساعة حاجة ما وجدت..

التغليف ما بديتش نغلف اعادا...

بصح رايحة نغلف بالتيل والريبون ..

اصلا مارايحاش نخرج الشورة...

خممت كي يقرب العرس ندي كل شي نبلاسيه في الدار وخلاص...

كل مرة ندي شوية حتى نكمل..

بصح نغلف الحوايج اللي نديهم معاي للاصال باش نصدر برك..


شوفي اذا تحبي افكار اكتبي...

تغليف دبش العروس في جوجل ايماج ...


يخرجولك بزاف تصاور ودي ايدي..

واش مخممة انتي تديري..؟؟؟


وكيفاش رايحة تديري الديكور تاع لاصال؟؟؟؟؟؟؟؟؟

ربي يتمم لكم بخييير يا بناااااااااات ويهنيكم ويرزقكم الذلرية الصالحة يااااااااااارب

صباح النور لونا

ضرك نشوف تراه أفكار انا الي غلفت تقريبا كل شئ خاطر نخرج الشورى عملت وردات بالريبون تاع الساتان وردي وأبيض وزينت بيهم لصقتهم في لي بواط والباقي بالريبون باتيسياغ لي يزينو بيه جاو هايلين وشفت واحد الفكرة للمناشف في الأنترنت مازال معملتهاش تحفة عجبتني بزاف، ولصقت كي التزيين على لي بواط من برى معناها مرة أخرى مام جبدت الحوايج كي نعاود نخبيهم في لي بواط يبقاو طول مزينين وفكرة مليحة حتى كي تجبدي حوايجك قدام واحد يكون منظرهم مليح ضرك نصورلك بواط وحدة خلصتها وهزي الفكرة اذا عجباتك
ليكوغباي شريتهم كامل مش مغلفين زينتهم جاو حاجة مليحة ان شاء الله كي نخلص كل شئ نصورهم خاطركلمرة نشوف فكرة نديرها
ولي ندوهم لاصال لي ساغفيات تاني طيناهم بكوغباي وغلفتهم بالسيلوفات والغيبون
باقي لي لي باي تاع القازوز فكرت نخدملهم وردات صغار ونلصقهم فيه كفكرة جديدة مي خفت الوقت ميكفينيش خاطرش عندنا غاشي 300 شخص
أما لاصال كريتها واجدة مزينه مخلصة الحق كنت باغية نزيد نحط شمعة على كل طابلة وقت الحنه نشعلوها وتكون داير بيها ورد من الأورغونزا مخدوم وردي وموف بلون لاصال مي بطلت ضرك على خاطر يجيبو معاهم الأولاد خفت يديرولي كاش كارثة نهار العرس، بصح راح نفرش طابي الي نستخدموهم للكولواغ على طول الطريق الي نمشي فيها في لاصال حمراء ونحط تاني وحدة في الكوشة تحت لاطابل الموضوعة تم.
باقي لي لي قاطو 03 كومونديتهم ويغيت نعمل 03 في الدار كشما شفتي ولا خرجو دي قاطو جدد وريلي؟
وانت لاصال كيفاش راح تعملي ؟
كاينة تاني فكرة لي ساغفيات يجو حطة للبقلاوة تاع العريس كي نوزعوها نحكمو لي ناب تاع الصحونة راهم تيل فيه تاش تاع بريون نطبقوهم فونتاي بوسط ساغفيات تاع القاطو يجي منظرها خيالي وحاجة ليكس ضرك نصورلك وحدة
ولي دغاجي كيفاش فكرتي تعمليه؟ انا شريت وردات يتحط الدراجي بوسطهم يتوزعو على المعاريض وانت كشما لقيتي فكرة؟

سهي25;15760419:
ربي يتمم لكم بخييير يا بناااااااااات ويهنيكم ويرزقكم الذلرية الصالحة يااااااااااارب

الله يبارك فيك سهى ولعقوبة ليك اذا مازال ويهنيك اذا سبقتينا شاركينا سهى بأفكارك ؟

منيمار;15778956:

السلام عليكم يا عرائس الجزائر الحلوات

فرحت بزاف كي لقيت موضوع يخص بنات بلادي العزيزة

انا مزالني مش مخطوبة


بصح عندي افكار وحابة نفيدكم

وعليكم السلام منيمار لعقوبة ليك حنونة ان شاء الله في القريب وياريتك تقوليلنا أفكارك هكذا نخرجو حاجة مليحة

رب يوفقكم كامل يارب ويسهلكم اموركم ان شاء الله
ليك وحشة يا لونا انت والصحبة الطيبة
وينهي ميمي رحت لملفها عندها فترة ما دخلتش
رب يطمنا عليها يارب وعليكم جميعا