حياتي مع زوجي على وشك الانهيار .. ساعدوني

Noor1979;15689991:
مرحبا اختي ..

شالعيشه ........

يعني دام ان يفكر كل الحريم يبون الطلاق وبيعذبونه .. ليش يتزوج بنت الناس عشان يعيشها بحالته الكئيبه ويظلمها معاه...

لا والله مو مطلوب منك شي .. الي عليج سويتيه واكثر ... خليه يزعل ويضرب راسه بالحيط... ومنتي مجبوره تروحين ببلد مافيه استقرار امني...

ومصلحه بنتك وحياتك الزوجيه فوق كل اعتبار وانك دخلتي امك بالموضوع عين العقل والصواب....لان الموضوع طال ويحتاج حدود..

كلمته ان اذا تبي "تطلق" واذا تبي تقعد ... يا انها مو فارقه معاه يا أنه بايعك برخيص وهالكلمه .. ينحط تحتها الف خط احمر واستفهام...

والي سويته بإنك حطيتي خط احمر على اهلك .. هو عين العقل وابداً لا تعوديه ان يتعدى على اهلك لا بلفض ولا بكلمه ....

ولازم يفهم ان امور حياتكم الزوجيه .. ما تطلع لبره .. والله اعلم يمكن تصرفاته هي السبب الرئيسي بطلاقه الاول...

وبالنسبه لبنته... الي عليكي سويته قدام رب العالمين.. واسلوبك انك تروحين وتراضينه لازم يتغير .. لازم وقت الي هو يغلط اهو يجي يراضيك..

وهو لا قاصر ولا طفل عشان تقعدين تفهمينه من الغلط والصح...

في امور لازم يكون فيها حزم من ناحيتك ... وكلمه اخيره ... اقترحي عليه انكم تروحون حق اخصائي علاقات زوجيه .. لو هو بيستمر على النكد والنواح الي هو فيه

وبالنسبه لعدم الاستقرار العاطفي... هالمشكله ما يحلها الا دكتور.... والتقرب لله والصلاه ... والاطلاع على الاحكام الزوجيه ومعامله الرسول عليه الصلاه والسلام واصحابه لزوجاتهم... مع تعددهم .. للزوجات..

والله يصلح ما بينكم

ام جنى