اقدر القى وظيفة بدبي بشهادتي الثانويه؟

السلام عليكم ورحمة الله وبركاته

بصراحه المنتدى عجبني واااااااااااايد وبظل معك ع طول ان شاء الله

انا ببت بحرينيه وبتزوج الصيف الياي ان شاء الله وبنتقل للسكن بدبي بحكم
شغل زوجي فيها

ومثل ما تعرفون دبي غاليه والحياة فيها صعبة شوي وخاصه ان راتب زوجي هناك
مو ذاك الزود وحابه اني اساعده واتوظف لكن انا ما كملت دراستي الجامعيه
رغم اني دارسه سنتين ونص بس ما كملت لان احوالنا المادية ضعيفه وامي مرضت
فـ اضطريت اترك الجامعه واقعد بالبيت ... المهم ما بطول عليكم

هل اقدر اشتغل بدبي بشهادتي الثانويه على خبركم بشرط تكون الشغله لائقه
ودوامها للظهر يعني مثل دوام المدارس ... يعني لو قدمت على وظيفة مساعدة مدرسة
في مدرسة ابتدائيه ياخذوني او لا ؟ ما ابي احط نفسي بموقف محرج ويرفضوني وشنو تقترحون علي وظايف وكم تتوقعون راتبها ..!


بلييييييز بنات انا بحاجتكم يا الغاليات و الله الله ببنات الامارات وخاصه دبي ساعدوني