persian_moi;15727722:زوزو
فديتج اي صج حطيتيها لكن العتب على الذاكرة
بجوفها الحين
لحظة جنون
ههههه يبي لنا طق ثنتينا المفروض ننتظر بس مادري اخاف مزاجي يكون مو مال تسوق وقتها او تعبانة
وبعدين انا قمت اوسوس خصوصا جفت ثنتين من تجمع ديسمبر ولدو قبل موعدهم بوايد :worn_out:
persian_moi;15727731:اي عادي التاريخ بس مجرد توقع احتمال نولد قبل او عقب
انشاءالله كلنا نولد قبل الوحدة يخلص صبرها وتحاتي اذا تتأخر
persian_moi;15727737:لحظة جنون
خذيت ثنين هذا اللي ينلبس فوق الماترس ويكون فيه استيك
وخذيت اللحاف
وخذت اللي ينحط حوالين السرير
يعني المجموع 4 قطع بـ 32 ونص
تره مو وايد فرق عن اسعار سنتر بوينت انا جفت اسعارهم على 26 جذي
يعني بالنسبة للشكل والكواليتي اكيد مذركير احسن واحلى
persian_moi;15727742:هذا اللي ماعرفه اذا بيكون بالبداية او النهاية
اذا بالنهاية ماينفع خصوصا اذا تبين منهم شغلات اساسية
انا اللي باقي ماترس و علاقة السرير اللي بالموسيقى ماعرف شيسمونها
عادي يعني اشتريهم اي وقت حتى لو ولدت زوجي يعرف شنو ابي بيروح ياخذ لي
بس مشكلتي عجولة ابي كلشي يكون عندي قبل الولادة
كلاسيكية ذوق;15727811:
على طاري الولادة اناا حدي ابي اولد قبل موعدي عشان ارتاح وما احاتي - الله يقومنا بالسلامة انشالله
انا بعد انتظر تخفيضات سنتر بوينت عشان اكمل الاغراض وانشالله تكون بداية 12 ومايوهقونا ههههه
ماء الكافور;15728133:
صباح الخير بنات
مشكورين كل الي سألوا عني
أني الحمدلله احسن من قبل بس هالدم اللي مأذني يوم يرتفع ويوم نازل
persian_moi;15728160:
لحظة جنون
انا بس خذيت الاساسيات لانه في قطعة او قطعتين ماخذيتهم يايين مع الطقم
مثلا في لحاف ثقيل حسيته مايناسب جونا يعني حق الاجانب اللي جوهم ثلج فـ تركته
وبعد كان في قطعة كديكور اظن تركتها ما احتاجها
يمكن بعد الطقم اللي عجباج سعر اغلى
وعلى فكرة طقم الاسد كانو مسوين عليه تخفيض قبل فترة بس مو كل القطع كانت متوافرة
اذا جفت عندهم تخفيضات تسوى على باقي الاطقم باخذ بعد واحد
اي اكيد الموظفين مابيقولون لج متى التخفيضات
والماترس انا ماعندي خبرة بس اذا باخذ من ماذركير بخلي زوجي يختار لانه في كذا نوع
وفي بنات خذو من سنتر بوينت يمدحونه بعد
اما من مكان غير مانصح ماتدرين عن الكواليتي خصوصا انه الماترس لو طلع مو زين يشلخ ظهر الواحد فما بالج البيبي
علاقة الموسيقى انا باخذها لانه ابيها طقم مع السرير والفراش على تيدي بير
والحين صار لها فترة شهرين مخلصة وللحين مايابو من جذي ابي اخذها قبل ما يوقفون ينزلونها بعد
كلاسيكية
كلنا نبي نولد قبل الموعد لانه طلعت عيونا من التعب
الله يقومنا بالسلامة
كافورة
الحمدالله انج احسن وانا اقول معقولة مرقدة هالكثر بس عشان انفلونزا
يلا انشاءالله يرخصونج بسرعة وبعد ماترجعين لها الا وقت الولادة
أم الهواشم 2;15728314:
حوااااامل
شخباركم؟؟ وشلونكم ويا الحمل والتعب ؟؟؟
انا خذيت لي بجامات من مشوار.. وحصلت كذا وحدة بين الشتوي والصيف ومبطلين من قدام .. اغراضي ما خذيت الا البجامات للحين ما خذيت ولا شي ثاني .. شكلي بروح اخذ هاليومين وبخلص اموري لأن احس واااجد تعب ..