ツ التجمع الخامس لحوامل شهر ديسمبر 12-2011 ツ

صباح الورد كروشات

بنات الألم يزيد عندي .... أدعولي

السلام عليكم ياحلوات يا مكرشات :cool:

ماشاء الله سهرتوا سهرة حلوة لحد الفجر

ربنا يزيد ويبارك فى اللمة الحلوة :)

أم صغنونة حاولى توقفى التمر كام يوم كده وراقبى نفسك

ليكون التمر بيزود عندك الطلق المبكر

مش هتخسرى حاجة جربى وراقبى نفسك

وإشربى مغلى نعناع معروف إن النعناع بيهدأ إنقباضات الرحم

وربنا يسترها معاكى وما يحصلش لك ولادة مبكرة

واسمعى كلام القمر يارا وأم مشمش علشان الحديد وإلا إنتى حرة

هنعمل عليكى أنا وأم مشمش رباطية ونيجى نعمل عليكى ريا وسكينة

ونقولك :خدى الحديد ياشابة :p

أم أحلى محمود مستنيينك تيجى تطمنينا عليكى وعلى ماريا

وإن شاء الله ما يكونش فى أى مشاكل عندك وإلتهاب البول يعطوكى له علاج

وما تحتاجيش تترقدى فى المستشفى

ولو حصل وقالوا لك لازم تتحجزى فى المستشفى

ما تنشفيش دماغك وتعملى زى ما عملتى إمبارح وتخرجى على مسئوليتك

لان كده غلط

وكلى امرك لربك وصلى إستخارة ووافقى

ولو حجزك فى المستشفى خير ربنا هييسره لك ولو شر هيمنعك عنه

أسورة الحمد لله إن كل شىء كان تمام فى موعدك

القمر يارا ربنا يسهل لك أمورك خلاص وصلتوا لحد الأمان بإذن الله فى الحمل

والولادة دلوقتى إن شاء الله آمنة على البيبهات ربنا يرزقك بولادة سهلة

وبالنسبة لشنطة البيبى وشنطتك ويارا لو مكسلة تجهزيها ممكن

تجهزى قايمة باللى عايزة تجهزيه فى كل شنطة علشان لو حصل وجه الوقت

اللى محتاجة تجهزيهم فى الحال تكون القايمة جاهزة وما تنسيش حاجة من

السرعة وتحطى كل شىء محتاجاه

فطوم أخبارك إيه يا قطة

أم مشمش يا أم مشمش

ياولية عايزة تنزلى فى الشارع ناكشة شعرك وتصرخى طب ذنبهم إيه الجيران

هى طالباك إنتى كمان فى الأيام اللى ما يعلم بيها إلا ربنا دى

الناس دلوقتى تسمع أى صوت فى الشارع تقوم مخضوضة وإنتى عايزة تنزلى

لهم فى نصف الليل بتصرخى وناكشة شعرك :lol:

وما تستعجليش بكرة مشمش هيعمل فيك أكتر من كده ومش هتنكش

شعرك إنتى بس ده إنتى هتشدى شعر أبوه كمان اللى مجننك ده

ومستنيينك تيجى تطمنينا على اللى حصل معاك عند الدكتور

ربنا يسهل وتيجى لنا بأخبار حلوة تفرح قلبك وتفرحنا معاك

كارو الله ييسر لك وتعالى طمنينا ها أخبار الآلام إيه

إن شاء الله تكون ولادة

لانه حصل لى كده مع سلمى

أول ما بدأ الطلق معايا

بدأ كل ساعة وكل ساعتين

وبعدين بعد تقريبا خمس ساعات

بدأ ينتظم أكتر

ربنا يسهل لك وتعالى طمنينا ما تسيبيناش كده على نارنا وقلقانين عليكى

أقولكم بقى على تقرير

النهاردة ياسادة ياكرام كان عندى موعد الساعة 9 الصبح

رحت طبعا للدكتورة الجديدة اللى طلبت تغيير ملفى لها الموعد اللى فات

بعد ما قاسوا الضغط وخدوا الوزن وتحليل البول وقاعدة مستنية ادخل للدكتورة

إلا ألاقى الإستقبال بينادوا عليا ويقولوا لى إن الدكتورة مقفلة اليوم علشان

عندها حالة ولادة :rolleyes:

وممكن نحولك على طبيبة أخرى قلت لهم مين قالوا دكتورة منى قلت لهم لا أنا غيرت ملفى من عندها ومش عايزة أدخل لها تانى قالوا لى فى دكتورة أزل أردنية قلت لهم خلاص

المهم فعلا نزلت ودخلت لها بصراحة إستريحت لها أخيرا :D

وطمنتنى على كل حاجة وقالت لى إنتى فى نصف الثامن قلت لها ده أنا كنت

متخيلة إنى هأدخل التاسع على الأسبوع الجاى حسب السونار

ووريتها تقرير أخر سونار عملته فشرحت لى إنه السونار مش بيكون دقيق فى

آخر الحمل لأنه بيحسب عمر البيبى حسب حجمه وممكن حجمه يكون أكبر

من عمره الفعلى وقالت لى كل ما يكون السونار أبكر كل ما يكون أدق

فسألتنى عن أول سونار فقلت لها قالى 1/1 قالت يبقى هو كده ماشى مع

الدورة فخلينا مع مع حساب الدورة اظبط

طبعا أنا احبطت بس قلت يلا خير خلينا مع المظبوط أحسن :)

وبعدين قاست نبض الجنين وتحسست وضعه فى بطنى وحجمه

وقالت لى ماشاء الله كل شىء مظبوط وكويس

وقلت لها على أوضاعه الغريبة اليومين دول قالت لى ده طبيعى علشان ماشاء

الله حجمه بيكبر:adore:

وقلت لها على الوجع فى جنبى قالت لى عندك حرقان فى البول قلت لها

لا وقلت لها إنى باحس بيه مثلا لو ثنيت ظهرى قالت لى مادام بتحسى بيه

مع أى حركة معينة يبقى ده من العضلات

وأعطتني مرهم مسكن أدهنه لما احس بالألم

وكتبت لى على سونار أعمله فى الموعد الجاى على ما تكون الموافقة عليه

من شكرة التأمين طلعت

والموعد الجاى هيكون 30 /11 إن شاء الله

وبس :D

هذه آخر الأخبار نقلتها لكم مراسلتنا الصحفية ام سلمى :lol:

بما أنه لا يوجد أحد هنا الآن والكل إما نائم أو فى عمله أو فى موعده

فأنا هأخرج علشان ورايا غسيل عقبال عندكم وترويق شقة

وربنا هو المعين

اشوفكم على خير

كيفكم حووامل ان شاء الله كلكم بخير

حوامل انتو بعد يجي ليكم افكار وهواجيس زيي :( على البيبي
انا دايما وياي تفكير على البيبي على صحته يمكن لاني عندنا حالاتين متلازمة الدوان دايما عندي هواجيس الى درجة احلامي كلها كوابيس :'(

مشكورة حبيبتي هذا حملي الثاني انتظرته بعد فترة بنتي كوثر اللحين في الصف الثاني ابتدائي والحمد الله رب العالمين رزقني والله لايحرم احد من هذه النعمة مشكورة على الرد

بسمة إترقدتى فى المستشفى :woo:

ليه يابنتى خير طمنينى عليكى

يا إما إنى ما أعرفش باللى حصل لك يا إما الزهايمر إشتغل معايا

أم كوثر ياحبيبتى إرمى حمولك على ربك

ووكلى له أمورك وإدعيه وقت ما الوساوس تيجى لك

وإن شاء الله يفرحك بذريتك وما يكون فيها إلا كل خير

فطوم برد إيه

ده إحنا من إمبارح عرقنا بقى مرقنا

الجو دافى بقى له يومين والنهاردة الذروة

درجة الحرارة بره دلوقتى 33

وأنا لابسة بودى حمالات ومع ذلك عمالة أشررررررررررررررررررر فى عرقى

ربنا يهونها

مشكورة حبيبتي ام سلمى الله يقومك بسلامه يااااااارب دايما ادعي ربي وان شاء الله مافيه الاخير ياااااااااارب