ツ التجمع الخامس لحوامل شهر ديسمبر 12-2011 ツ

معلش يا أسورة سيبتك الصبح لانى كنت تعبانة

ماقدرتش أقعد أكتر من كده

مش عارفة ليا كام يوم حاسة الأستاذ ابنى مغير وضعه وطالع لفوق زى علامة

الإكس مش بعرض بطنى ولا بطولها وعند السرة بدل ما كانت مكورة بقت

مسطحة وتحسوا إنها دايرة مفرغة وحولها ناشف قوى:!!:

والصبح قمت من النوم وفيا ألم فى جنبى يشبه آلام الكلى

وفضل معايا لغاية من شوية

وكمان حصل معايا موقف النهاردة رخم وخلانى بكيت من التعب :'(

نزلت أجيب بنتى من الباص ونسيت أخد معايا المفاتيح للباب الخارجى للبيت

وأنا بأفتح باب الباص علشان انزلها باب البيت اتقفل وبقت حوسة:hysterical:

زوجى فى الشغل وحتى لو هييجى على الغداء المفروض قدامه ساعة على

ما ييجى

ستر ربنا كان معايا الموبايل اتصلت بيه قالى فى عندك جهاز إنتركوم بتاع

الجيران المشكلة بقى إن جيرانى كلهم فى البيت هنود وكمان لغتهم

الإنجليزية سيئة زيى شفتوا الهنا اللى انا فيه :confused:

رنيت عليهم مرتين مرة ترد البنت ومرة ترد امها وكل مرة يفضلوا يقولوا هو أر يو

ومش سامعينى رغم إنى دايسة على الزرار وأنا بأكلمهم لكن امر الله

واللى زاد وغطى سلمى كانت عايزة الحمام بسرعة وبقت عمالة تتنطط من

الزنقة :hysterical:

واجتمعت عليا الظروف كلها تعبى والخنقة من عدم وجود حد من الجيران ينزل

يفتح لى الباب وسلمى وزنقتها كانت النتيجة إنى انفعلت على زوجى وقلت

له مش هأرن على حد تانى وهأقعد أستناك فى الشارع لما تيجى من

الشغل وفعلا قعدت على سلم بيت مجاور بس طبعا سلمى عملتها على

نفسها وكانت مكسوفة قوى من نفسها لدرجة إنها كانت خايفة من السيارات

إنهم يشوفوها :-#حبيبة قلبى

اللى يضحك بقى الموضوع إن زوجى لما قرب خلاص علينا اتصل عليا

وبيسألنى هى مش سلمى معاها نسخة المفاتيح بتاعتها افتكرت وقتها إننا

حاطين لها فى شنطة المدرسة نسختين لباب البيت الخارجى وباب الشقة :rolleyes:

طبعا بقيت عمالة أقول قدر الله وماشاء فعل

الحمد لله إنها جات على قد كده

طبعا زوجى جه على الفاضى

بس قعد يواسينى ويخفف عنى وياعينى رجع الشغل من غير ما ياكل أى

حاجة

شفتوا مغامراتى النهاردة

الحمد لله

تسلمى يا أم يارا

الحمد لله إنها جات على قد كده

أم مشمش كويس اللى عملتيه بس تعرفى إيه اللى ممكن كمان يخفف عنك

إنك تنشغلى فى حل مشاكل غيرك

مش المثل بيقول اللى يشوف بلوة غيره تهون عليه بلوته

فعلا ساعات الواحد بيلاقى السلوى والصبر لما يشوف مشاكل غيره وبلاويه

تعالى خدى لفة على ركن القضايا والحلول عندى وأكيد هتلاقى حاجة تصبرك

على حالك هناك

القصة اللى قلتيها ياأم يارا ممكن تحصل فعلا

بس ربنا سترها مع الام دى الله أعلم إيه اللى ممكن يحصل مع أى واحدة

تانية تعمل زيها

أم أحلى محمود ألف مبروك دخولك التاسع

وربنا يرزقك ويرزقنا بولادة سهلة يسيرة ويفرحك ويفرحنا برؤية أطفالنا

يحتاج الاطفال المولودون قبل الأوان إلى وقت إضافي للحاق بأقرانهم ممن أكملوا فترة نموهم داخل الرحم فيما يتعلق بمهارات التطور الأساسية، ولا يشكّل النوم أي استثناء.

قد يأخذ الاطفال الخدّج أو المبتسرون وقتاً أطول للتمييز بين الليل والنهار، خاصة إذا كانوا في وحدة العناية الخاصة بحديثي الولادة. مع ذلك، هناك بعض الدلائل التي تقترح تعريض الطفل الخديج للضوء الساطع في النهار والضوء الخافت في الليل لتنمية وعيه بالفرق بين الاثنين.

كما قد يحتاج الاطفال المولودون قبل الأوان إلى رضعات متكررة وعلى فترات أطول. وبينما لا يتطلب الطفل الخديج بلوغ عمر معين قبل أن ينام طيلة الليل ، فإنه سيحتاح إلى بضعة أسابيع أو أشهر إضافية عن غيره كي ينام على فترات أطول.

إذا ساعدت طفلك على تعلّم عادات نوم صحيّة منذ البداية، سوف يتعلّم هو النوم طيلة الليل بمفرده. كل ما يحتاج إليه القليل من الوقت الإضافي.

ينام الطفل العادي الذي أكمل فترة نموه داخل الرحم طيلة الليل مع وصوله إلى عمر ستة أشهر، مع أن البعض قد يأخذون وقتاً أطول. لمعرفة كم سيحتاج طفلك من الزمن كي يحقق ذلك، أضيفي عدد الأسابيع أو الأشهر التي بكّر فيها عن موعد ولادته إلى عمره الحالي لتحصلي على صورة تقريبية عن الرقم. اقرئي مقالتنا عن عدد ساعات النوم التي يحتاجها طفلك بحسب مرحلته العمرية.

تحلّي بالصبر، ففي نهاية السنة الأولى من عمرهم، ينام غالبية الاطفال ما بين 10 إلى 12 ساعة متواصلة أثناء الليل.