السلام عليكم يابنات :D
وحشتونى قوى بس إنتم عارفين عيد وخروج علشان نفسح سلمى ده غير
حالة النوم اللى صايدانى أسيب زوجى مع بنتى وأدخل انام وعلى ما اصحى
يكون هو زهق وعايزنا نخرج فنخرج على طول ونرجع بالليل
وبعدين هو أنا أسيبكم كام يوم أرجع الاقى ماشاء الله اللهم بارك اتنين والدين
;)
ماشاء الله بحرينية سكر هنا
وام قسوم فى تجمع يناير
ألف مبروك يا بحرينية على على
بورك لك فى الموهوب وشكرت الواهب ورزقت بره وبلغ أشده بإذن الله
الحمد لله إنك ولدتى اول ما دخلتى التاسع
ومستنيين قصة الولادة
ام قسوم ولدت فى الأسبوع 30 وماشاء الله ولدت طبيعى وطلق طبيعى مش
صناعى وربنا رزقها بفطوم
:lol::lol:
بس إيه شكلكم حلو قوى وإنتم كلكم بتمنوا نفسكم بالولادة النهاردة قبل بكرة
الوحيدة اللى لقياها عايزة تولد على الكامل ام مشمش
ياولية يامفترية عايزة تفضلى للكامل أصلك لسه ما دخلتيش التاسع
يابنتى بعد الاسبوع 36 لو ولدتى فى اى لحظة يبقى إنتى وابنك بإذن الله فى
الامان
امى لما تقولى ربنا يكرمك على الكامل أقولها حرام عليكى ما تدعيش ليا
بالدعوة دى بس أعدى مرحلة الخطر وبعدها عايزة أولد فى اقرب فرصة
بس سبحان الله ده اجل كل جنين وربنا كاتب لحظة خروجه على وش الدنيا
ومتشكرة أوى لسؤالك المستمر عنى وعن سلمى
الحمد لله بقينا دلوقتى أحسن
وخاصة بقى إن الجو أخيرا استقر على البرد مرة واحدة
اول يوم العيد فوجئنا بأمطار ورياح شديدة
الشتاء دخل عنوة وبشدة :lol:
وملابس الشتاء الثقيلة طلعت مرة واحدة
وألف سلامة عليكى من البرد انا لما رحت للدكتورة
كتبت لى على مضاد حيوى علشان إلتهاب الزور وبنادول علشان آلام جسمى
والصداع اما الرشح وإحتقان الأنف قالت لى للأسف مافى اى علاج له ينفع مع
الحامل
فإنتى بتقولى إن التهاب الزور عندك خف والحمد لله وباقى الرشح وإحتقان
الانف والعطس دول بقى مالهم علاج غير إنك تأكلى برتقال كتير
وتدعى ربنا يشفيك ويعافيك
يعنى تأخيرك لزيارة الدكتور مش هتأثر معاكى غالبا لأنه غالبا مش هيعطيكى
علاج للرشح
وبالنسبة للهرش عندك أم أحلى محمود بتعانى من حساسية الحمل من اول الحمل
وحتى وقفت فترة ورجعت لها تانى
فممكن يكون اللى حاصل معاكى دلوقتى ده بسبب الحمل
أنا برضه الأيام دى باهرش فى جسمى كله
بصى طالما أنا حامل مش مستغربة أى حاجة بتحصل فيا
وياستى أنا دخلت امس وخرجت على طول لأن النت كان مخرف ليا كام يوم ادخل اتابع علشان أقرا الواجب
يادوب يفتح معايا صفحة ولا صفحتين وبعدين يقولى إيرور فأقفل النت كله
دكتورة سمسمة ريح الإستقبال يابطة هى اللى بنسميها تفاسيح
عندنا فى مصر
وهى عبارة عن مغص الدورة وطبعا مغص الدورة بيختلف من واحدة لتانية
يعنى فى وحدة بييجى لها تعب الدورة فى ظهرها
وواحدة تانية ييجى لها فى أسفل بطنها
عامة هو بيبقى أخف من الطلق ومش منتظم زى الطلق
انا كانت التفاسيح شغالة معايا على ودنه من اول السابع وبعدين وقفت قرب
أخر السابع ودلوقتى بتيجى لى على فترات متباعدة
وايام حملى فى سلمى ما حستش بيها غير فى الشهر التاسع
فهى بتفرق من حمل لحمل ومن واحدة للتانية
كارولين الف سلامة عليكى ما تستعجليش وتروحى المستشفى لما تحسى
بالمغص تانى
لان حتى لو ولادة مرواحك بدرى هيخليكى تتعبى أكتر
كل شوية هييجوا يكشفوا عليكى الكشف اللى تعبك ده وكمان هيثبتوكى
على السرير وده لوحده فى وقت الطلق بيبقى متعب قوى
حاولى لما ييجى لك المغص تحضرى ساعة جنبك وتبدأى تحسبى الوقت
لو توصلى لعشر دقائق بين كل طلقة ومدة كل طلقة بتزيد روحى على
المستشفى
وربنا ييسر لك ولنا على خير بإذن الله
بقى لى أربع أيام بامشى يوميا بس برجع اعوذ بالله مش قادرة احرك رجلى
بسبب الألام اللى باحس بيها فى منطقة العانة واسفل عظام الحوض
بس باصبر نفسى بالمثل اللى بيقول (إيش جبرك على المر .. الامر منه )
أم علوى ومفتاح الصبر وحور وأسورة وفلة وأم ياسين ووردة محمدية وعيون
محمد وأم أحلى محمود وبسمة وملكت قلبك والقمر يارا وأم الأيهم العسل
وفطوم ورونق ونجمة نهار كلكم اخباركم إيه
يابنات فى بنات كتير غايبين بقى لهم فترة
زى مريومة حياتى وعقد اللولو ونور سوريا وتوأم روح حبيبى وبسمة طفلة وأم
مقبولة وأم صغنونة ونبراس الأمل
يارب يكون سبب غيابهم خير إن شاء الله
