السلام عليكم يابنات
اخباركم إيه
من أخر يوم كلمتكم فيه بعد التنظيف والغسيل
والحمد لله رقدت فى السرير
لقطت دور البرد من بنتى
وأعوذ بالله من دور البرد لما يصيب الحامل :badly:
وكمان حصل معايا موقف بايخ مع تعبى خلانى خلاااااااااااااااااص مش طايقة
امس كان عندى موعد مع الدكتورة وكنت المفروض هاعرف نتيجة تحليل السكر
أبو عصير وتطمنى على وضع الجنين فى الرحم
المهم وقلنا بالمرة نكشف لسلمى تانى علشان البلغم لسه على صدرها
وبتكح كحة صعبة قوى
المهم ابوها راح يفتح لها فايل بالتأمين بتاعها
وأنا دخلت أوزن وأقيس الضغط
لقيته بينادى عليا وبيقولى يلا هنمشى
خير يقولى إكتشفوا دلوقتى بس إن المستشفى هنا مش تبع التأمين الجديد
بتاعنا
قلت له إزاى إذا كانت المستشفى موجودة فى دليل المستشفيات التابعة
للتأمين بتاعنا 8o|
قال الراجل مش لاقى الشركة بتاعتنا تبعهم
بقيت عاملة كده^o)8o|
طيب وبعدين قالى خلاص نشوف مستشفى تانية
إييييييييييييه مستشفى تانية وأنا فى نصف الثامن :mad:
اى مستشفى دى اللى هتقبلنى دلوقتى إنى أتابع معاها
المهم قلت له على الأقل نحاول نأخذ الفايل بتاعى من عندهم علشان
التحاليل والأشعة توفر عليا تحاليل وأشعة تانى لو عرفت أتابع فى مكان تانى
المهم إتصلنا بشركة التأمين نفسها وإتأكدنا فعلا من كون المستشفى مش
تبعنا وسألنا عن مستشفى سليمان الحبيب لانها قريبة مننا قوى قالوا لنا تبعنا
(مع إن فى الدليل الحبيب مش تبعنا والمستشفى القديمة تبعنا )
طبعا انا كنت تعبانة جدا أمس من دور البرد وإلتهاب الحلق فرحت مركز قريب منا
وكشفت والدكتورة كتبت لى على مضاد حيوى وبنادول وللرشح قالت لى
مافى دواء يناسب الحامل
قلنا ربنا يعينى على الرشح لحد ما يقف لوحده :sick:
المهم من الصبح النهاردة وإحنا فى الشارع
رحنا المستشفى القديمة علشان أخد نسخة من الفايل ونلف من هنا لهنا وموال
لحد ما خدت نسخة من كل حاجة
وبعدين طلعنا على مستشفى الحبيب
المهم حكيت لموظفة المواعيد على ظروفى المهم وافقت تفتح لى فايل
الحمد لله :)مع إننا لما إتصلنا قبل ما نروح قالوا مايصير المتابعة من نصف
الثامن بس الحمد لله ربنا يسرها
المهم دخلونى لدكتورة سورية اسمها منى
مش عارفة ما إستريحتش للدكتورة واللى خلانى اخدت قرار تغييرها لما قالت
لى إنى فى بداية الثامن وأخر سونار بيقول إنى حاليا فى الأسبوع 33
وكمان بتقول لى موعدى الجاى بعد شهر
أولا انا مش فى اول الثامن انا قربت على نصفه
ثانيا إزاى فى الثامن وتقولى بعد شهر موعدى
مش عارفة حسيتها بتعاملنى زى واحدة عابرة وخلاص
فنزلت تحت وطلبت إنى اغير الدكتورة فى الموعد الجاى
ولما عرفوا إنى فى الثامن اعطونى من نفسهم موعد بعد أسبوعين ;)
وعملت تحليل بول بس طبعا نتيجته المرة الجاية
والدكتورة شافت تحليل السكر والحمد لله قالت لى إنه كويس:)
وطلبت تقرير طبى من المستشفى يثبت إنى حامل علشان أقدمه بعد العيد
مع طلب تاشيرة زيارة لوالدتى قالوا لى هيطلع بعد العيد قلت كويس إنى
طلبته دلوقتى وإلا كنا هنتأخر قوى فى عمل التأشيرة
وأنا خلاص حجزت لوالدتى يوم 9/12 إن شاء الله
بس رغيت كتير بس كنت مخنوقة قوى من اللى حصل النهاردة
لان أصلا البرد مخلينى مش قادرة أرفع رأسى وخلونى ألف شمال ويمين بس
علشان ألحق أعمل أى حاجة قبل أجازة العيد
حور العين وكل اللى دخلوا التاسع على خير بإذن الله
انتن السابقات ونحن اللاحقات بإذن الله :)
بحرينية سكر شافاك الله وعافاك وإياى بجد حسيت دلوقتى بس بجد بمعاناة
كل اللى أصابتهم الأنفلونزا أو البرد قبل كده
ملكت قلبك طيب لما زوجك هيسافر إنتى هتروحى فين ؟؟
اهلك مش عندك تقعدى معاهم ؟؟
مفتاح الصبر مش عارفة ليه معظمنا فى الحمل ده تعبانين قوى ومختلف عن
الحمل قبل كده
ربنا يهونها علينا جميعا فات الكتير ما بقى إلا الكتير
فطومة لو الألم متقطع ومش بييجى لك بشكل منتظم يبقى ريح إستقبال أو
تفاسيح باللهجة المصرية بس شادة عليكى شوية
ربنا يهونها عليكى وعلينا
القمر يارا ترجعى لنا بالسلامة بس إيه سبب الغيبة إنتى هتقضى أجازة العيد
عند أهلك ولا إيه؟؟
كارولين هو فعلا الشهر التاسع بكل شهور الحمل مع بعض
أمال إيه اللى بيخلينا ننسى الخوف من الولادة ونتمنى الولادة النهاردة قبل
بكرة بسبب شد التعب اللى بنعانى منه فى الشهر ده
كل البنات أخباركم إيه
معلش مش قادرة أكمل رد على الكل لأنى تعبت قوى من القعدة
أشوفكم على خير
وكل عام وانتم إلى الله أقرب وعلى سنة نبيه أحفظ وإلى الجنة أقرب وعن النار
أبعد بإذن الله بمناسبة عيد الأضحى المبارك