ام احلى محمود;15675729:
شخباركم بنات عساكم بخير يا رب ام ليال او اقول ام جوووووود :) تصدقين فكرت عندش بنت اسمها ليال :) الله يحفظ لكم جود يا ام جود و ترجع لكم البيت بالسلامه يا رب ...
الله يسلمكم توني صرت احسن شوي صادتني سخونة و بلاعيمي و زكام هالثلاث ايام لو ما رحت المستشفى و حطولي سيلان و مضاد جان حالتي حاله :) بس الحين الحمدلله احسسسسسسسسسسسسسسسن خفة السخونة و قدرت اقوم اتحرك بس الحين الكحه و الزكام :)
بحرينية سكر;15675949:
قوووووووووووووووووووة كروشات شخباركم وراي واجب وايد اقرئه امس ماقدرت ادخل بسبب طلعت اخلص تجهيزات الحمدالله رحت محل في بوكواره قالي بفصل لي خلال اسبوع بكونون جاهزين سويت طبعا اثنين مع اغراضهم وشريت سليب باك حدها فظيعة وعندي مفرش مع اغراضه هدية ياتني مابي اكثر مفارش لان اكيد بتيني هدايا ورحت خلصت موضوع التوزيعات والحمدالله اخترت 3 انواع من التوزيعات وقالي بجهزو 25 نوفمبر و اوردي جهز ستاند مع توزيعاته الحين زوجي بيشتغل على البطاقات هو يبي يصممهم عشان اخذهم واوديهم محل التوزيعات يحطونهم معاهم وتقريبااااااااا خلصت باقي ثياب النفاس اروحهم اتشراهم واغراض الصيدلية قلت بداية الشهر الياي ان شاء الله
أم سلمى2007;15677597:
السلام عليكم يابنات
جمعة مباركة عليكم جميعا
ليا كذا يوم كل ما أدخل وعلى ما أقرأ الواجب أكون تعبت ومش قادرة أقعد أكتر على اللاب
فما أقدرش أكتب أسلم عليكم أو أرد حتى عليكم
مع إنى عندى أخبار جديدة من يوم الثلاثاء
اخيرا يوم الثلاثاء إستلمت إقامتى وورق التأمين بتاعى
ورحت المستشفى اللى كنت متابعة فيها قبل ما أسافر ولقيت الدكتورة اللى كنت متابعة معاها
سافرت
فحولت ملفى لدكتورة سورية فى المستشفى
المهم حكيت لها على كل اللى مر بيا من أول الحمل لغاية ما زرتها
وإشتكيت لها من الإفرازات الكتير اللى عندى المهم
قاست نبض الجنين وسمعته ربنا يحفظه :adore:
وقالت لى ماشاء الله اللهم بارك تمام
وكشفت عليا من تحت وقالت لى دى فطريات وكتبت لى على تحاميل لمدة 3 ايام
وطلبت منى تحليل السكر أبو عصير:hysterical:
وحولتنى أعمل سونار 3دى :D
طبعا لانى ما كنتش صايمة يومها فأجلت تحليل السكر لأمس
وعملت يومها بس السونار
قالت لى إن وزنه ماشاء الله اللهم بارك دلوقتى 1500 جم قلتها هو كده وزنه كويس قالت لى أه كويس
وقالت لى إنى يوم الأربعاء اللى فات أدخل الأسبوع 31
استغربت لانى المفروض حسب موعد الدورة كنت يوم الاربعاء أدخل الأسبوع ال30 مش ال31
المفروض موعد ولادتى يوم 28 /12حسب الدورة
وسالتها تانى علشان افهم واكدت لى إنى هأدخل الأسبوع ال31 يوم الاربعاء اللى فات
طبعا أنا بقيت كده:biggrin:
الواحد فى عرض يوم يقدمه وهى قدمتنى أسبوع كامل
قلت الحمد لله
وقالت لى كل شىء تماما واكدت لى إنه إن شاء الله عمار
وكان نفسى اشوف وشه كويس لكن حبيب ماما كان نايم وحاطط إيده على وشه
وحاولت بكل الطرق تخليه يغير وضعيته مش عايز فين فى الآخر خاااالص لما حضرته صحى من
الإزعاج :lol:
ورفسنى كام رفسة كده واخيرا شفت وشه شوية كان قريب لشكل البيبى اللى فى توقيع ورودة
:adore:
بأقول لزوجى أنا حامل فى وحش السونار مطلع شكله صعب قوى الإيد وارمة والعينين منفخة
والخدود وارمة وحاجة صعبة خالص بس برضه باحبه:p
على ما خلصت السونار كنت هأصرخ من ظهرى ما كانش مصبرنى على نومة الظهر دى كلها غير
إنه كان واحشنى قوى وكان نفسى أشوفه كويس
الحمد لله إتطمنت عليه
وامس رحت الصبح على الساعة 9 عملت تحليل السكر
أعوذ بالله العصير مسكر قووووى وإلا لازم أشربه قدامها كله وتقول لزوجى فيه 75 جم سكر :-o
المهم بعدها طلعت فوق فى المستشفى أشوف بقى نظام الولادة هيكون إزاى وأتفرج على الغرف
وأستفسر
المهم دخلنا الاول مكتب إدارة تبع المستشفى قالوا لنا الولادة الطبيعية فى مستشفى المملكة ب
7500 ريال يومين والقيصرية ب16 ألف أربع أيام طبعا الأسعار نااااااار
والراجل اللى فى الإدارة قال لنا إن الدكتورة اللى باتابع معاها هى اللى هتولدنى إن شاء الله أنا
إستبشرت خير
المهم بقى طلعت علشان أتفرج على الغرف واعرف النظام
ماشاء الله الدنيا هاديييييييية فى الدور بتاع النساء والولادة
والغرف كلها مسكرة
المهم رحت للممرضات فى الإستقبال قالوا لنا إن الغرف كلها فل :-o
قلت ماشاء الله اللهم بارك قالوا إطلعوا الدور اللى فوق زى الدور ده بالظبط ممكن نلاقى غرف فاضية
فوق
المهم طلعنا وسالنا لقينا نفس الأمر الغرف كلها فل ومافيش غير غرفة واحدة هى اللى فاضية
وبيعملوا فيها توضيبات أو تحديثات والممرضة بالعافية رضيت تدخلنا نتفرج عليها لقيناها كويسة
بالنسبة لانها عادية فيها سرير وكنبة ومكتبة فيها تليفزيون وحمام خاص واسع
وستار بعرض الحيط بس ما خدتش بالى فى ثلاجة ولا لا بس اصلا المفروض إنى مش هأحتاجها
لان النفساء مش بتشرب حاجات باردة
المهم كنا عايزين نعرف بقى إيه اللى هيعطوه ليا فى المستشفى علشان اعرف هاجهز الشنطة
بتاعة المستشفى بإيه سالنا الممرضات قالوا لنا ما نعرفش إسألوا فى الدور اللى تحت نزلنا قالوا لنا
إسألوا فى مكتب مش عارفة إيه فى نفس الدور
المهم قعدنا ندور فى الدور على المكتب ولقينا نفسنا وصلنا للحضانات بتاعة البيبهات
ماشاء الله اللهم بارك أطفال كتير كلهم تقريبا نفس العمر
وماشاء الله منهم اللى نايم ومنهم اللى بيغيروا له ومنهم اللى بيرضعوه
وماشاء الله لافين البيبهات بنوعين من اللفات لفة بيضاء ولفة بينك
قلت أكيد الولاد بالأبيض والبنات بالبينك :)
المهم لقينا دكتورة خارجة من قسم التوليد تقريبا فسألتها على أساس إنها العربية الوحيدة اللى
قابلتها فى القسم ده كله المهم قالت إنهم بيلبسوا البيبى لبس المستشفى أول يوم بس وبعدين الأم بتلبسه غياراته الخاصة
والام نفسها بتجيب اغراضها كلها معاها
حسيت إنها بتتكلم بشكل عام
لانى من خلال النت عرفت إن غالب المستشفيات بتصرف حاجات للبيبى والام خلال فترة إقامة الام
فى المستشفى
زوجى قالى خلاص ياستى مش مشكلة خدى حاجتك كلها على أساس إنهم مش هيعطوكى
حاجة
واللى مش هتحتاجيه إركنيه فى الشنطة ما تستخدميهوش
كده بقى أنا مش عارفة أنا دخلت الثامن ولا لا
المفروض حسب السونار انا بدأت الأسبوع ال31 يوم الأربعاء
اللى تعرف الثامن يبدأ إمتى بالظبط تقولى جزاها الله كل خير مقدما
أم جود ماشاء الله الحمد لله عدت على خير وإن شاء الله تفرحى بيها قريب
وهى فى حضنك ياقمر
كل البنات المزكومات لا بأس عليكن طهور إن شاء الله
أسأل الله العظيم رب العرش العظيم أن يشفيكن
برضه بنتى من امس وهى سخنة وعندها إلتهاب فى الحلق وصداع صعبت
عليا قوى وهى نايمة مش قادرة ترفع رأسها:(
ربنا يشفيها ويشفيكن ويشفى جميع المرضى
كارولين ام جود قصدها حقنة فى الفخد لكن حرف الفاء وقع فبقت الخد :)
ام مشمش فكرة المكتب حلوة قوى ربنا يهنيك إنتى ومشمش بكل الحاجات
الحلوة دى وبالنسبة للأسف عندنا فى مصر البنت هى اللى هتعانى لأننا
عندنا لما بنلاقى اسم غريب فى نطقه ومعناه مش معروف مش بنبطل ضحك
منه وإنتى عارفة حس الفكاهة عندنا عامل إزاى هتلاقى بنتك هى سنتر كل
قعدة بسبب الاسم
ابنة ابن عمى سموها رميساء وعلشان الاسم مش معروف عندنا فى العيلة
بقت تلاقى انواع السخرية من اسمها واللى يقول لها تراميسين
وفى النهاية بقى الكل بينادى لها برمانة علشان أسهل من رميساء رغم إن
الاسم معروف من زمان بس تقولى إيه بقى:rolleyes:
كل البنات أخباركم إيه
hamoz;15678073:
انا ام حمزة مشتركة جديدة انا حامل 30اسبوع موعدي30-12