kanzy1;15747858:
بليز ال جرب الماسكرا دى يقولى هيا احسن ولا وندر لاش من اورفليم
ولا كلهم عادين ؟
انا عايزة حاجة تدى كثافة يا بنات
الماسكرا دي خفيفة اوي وبتنشف بسرعة
مع اني مبحبش ووندر لاش بس هي افضل منها
مرمور 14;15751889:
يقولكو ياعيال حد جرب الاسبراي بتاع الفانيليا الشهر دا وطلع بتاع الجسم مش المفروشات يعني؟؟؟؟؟؟؟؟
والبالم بتاع الشفايف اللي جنب الجوجوبا حد جربه قبل كدا ايه نظامه بقي ؟؟؟؟؟؟
كريمات اليد عايزة حاجة كويسة وزهقت من بتاع الجلسرين وايديا اليومين دول علي غير العادة ناشفة بزيادة فحاسة انه مش هيجيب معايا خالص ......مترددة بين الاحمر لانه مكتوب عليه لاثار تقدم العمر وانا لسه ف العشرينات والتاني بتاع السيليكون فياريت اللي جرب الاتنين يقولي ايه وصفهم يعني والفرق بينهم ؟؟
حد جرب الحبيبات بتاعت اريبيان جلو اللي نازلة دي ؟؟؟؟؟؟؟
الروج بتاع ليتل ريد هو هو بتاع الترا كلر ريتش ولا الخامة والكواليتي مختلفة انا شايفة الدرجات مكررة ؟؟؟؟؟؟
ايه رايكم ف برفانات سينتيني واتيرنال ماجيك وتريزيل الجديدة ؟؟؟؟؟؟
انوش
بقولك هو الليب بالم بتاع الشفايف بتاع الكريسماس قد ايه ولونه ايه وبحاجة معينة ولا عادي ؟؟؟؟؟؟؟؟
ولو لقيتيله صورة ابقي حطيهالي بليز
الاسبريهات مازالت للمفروشات مش للجسم
بس على فكرة عادي مش هتأذي لان اللي بيترش عالسرير والمفروشات بيكون صحي وامن للجلد لاننا فالاخر بننام وبنعد عليه :D
بالم الشفايف الصباع دا مش بحبهم لان كذا مره اجب من ايفون الصوابع دي وتطلع مقلب وتبوظلي شفايفي بزيادة ويمكن المشكلة فيا لان حتى لابيلو عملت كده معايا
كرات اربيان جلو الكواليتي بتاعها بودره على رأي ساره في التعبير ( طباشير ) ولو عرفتي تستخدميها مظبوط هتديكي لوك برونزي حلو بس خامتها نفسها بحسها زي البلاشرات اللي ب 5 ج
بصراحة بتاع اوريفليم احسن منها 100 مره يعني لما بيقولو عليها كرات معدنية صدقو مكذبوش وانا بموووووت فيها برغم ان كتير بيقولو ان ملهاش لون او بتغمق بس معايا حلوة اوي وبتديني لوك جميل اقصد الروز طبعا وبفكر اجيب منها البرونز بس مش دلوقت
روج ليتل ريد دريس الاحمر والبني هو هو الترا كلر ريتش ساتن ريد 2000 وبرونز تريجير
انما الدرجة التالته فينو رويال موف محمر شوية ودي شكلها
برفيومز سنستي افضلهم الموف Plum Twist
ريحته توت احلى من الازهار الروز واللمون الاصفر
بس هي مش بتثبت اوي يعني حلوة استخدام خفيف كده الصبح
اتيرنال ماجيك تقيلة ولو كنتي بتحبي جيورداني وايت هتحبيها لانها زيها بس الفانيليا في الاتيرنال اقوى وعشان كده تحسيها سويتي اكتر ومناسبة للشتا
ونصيحة اللي مش بتحب جيورداني وايت جربوها دلوقت يا بنات واحنا فالشتا هتلاقو ريحتها مختلفة تماماااااا
تريزيل الجديدة جبتها عشان بردو اتاكد وانا مصممة انها بديل تومورو هههههه مش عارفة شماها كده والله وبما ان التومورو عندي فا هبيعها واخلي التريزيل بديل ليها وهي تقيلة اوي وفواحة زي رير جولد بس حلووووة للشتا ريحتها تدفعي
الليب بالم بتاع الكريسماس اد الجوجوبا 10 مل مكتوب انه بخلاصه فيتامين ه وزيت نخالة الارز والعبوة من برا لونها دهبي ومش عارفة هل هو ملون المرطب نفسه يعني ملون ولالا بس اعتقد انه شفاف
kanzy1;15752984:
بناتت
اجيب الماجيكس من افون احسن ولا برايمير اوريفليييييييييم؟
ايه رائيكم فى الماجيكس؟
ماجيكس المصحح ممتاز للبشرة الدهنية بيديكي طبقة ترطيب اكنك حاطة بودر او موس
ودي بتساعد ان لما تحطي الفاونديشن يتوزع بسهولة جدا عالوش من غير تكتلات وكمان بيملى المسامات وبيقلل من مظهرها عكس لما تحطي فاونديشن على طول بيبقى المسامات دي مليانة نقط وشكلها وحش وتحسي الماجيكس بيخلي ملمس الوش كله مستوى واحد او مايه واحده
برايمر اوريفليم لوشن تقيل مرطب اكنك حاطة كريم ترطيب تقيل بالظبط .. تجربتي معاه سيئه للغاية بس في ناس كتير بتحبه لكن معايا كان فاشل وبيخلي الوش يعرق بطريقة بشعة
مرمور 14;15753998:
الماجيكس تقيل جدا زي المرهم ولما تحطيه بيعمل معاكي زي طبقة مخملية فوق بشرتك ......زي ماقالت انوش وتشبيهها كان ف الجون الصراحة كانك حاطة باودر ع بشرتك قبل الميكب
بتاع اوريفليم انا عندي القديم بس بصراحة ماجربتهوش لسه شغالة ببتاع افون بس
جربي بتاع اوريفليم دلوقت وانتي بشرتك جافة هيعجبك اوي وخلي الماجيكس للصيف
:adore:F:
