كل ما يتعلق بمنتجات افون لشهر ذو القعدة 1432

ساره افندي;15672340:
ازيكم يابنات انا جبت عرض الكريم والاستون جربته مش حاسه انه حلو حد جربه قبل كده لاني وانا بشيل حسته انه فيه زيوت وبعدين لما غسلت ايدي لقيت اظافري نشفه اوووي ده تقرير سريع عقبال مااجي تاني
جيت تاني
الصوره اهي للحجم انا كنت متوقعه انه يبقا اصغر وشايفه انه مكتوب 200 بس كنت بروه متوقعه اصغر الكرات ديه بتسهل اوووي عمل الكريم والمساج في نفس الوقت ب
خصوص رحته شيفها مقبوله مش منفره موعدكم في انتظام في الاستخدام علشان كده ممكن معرفش النتيجه اوووي هوا مكتوب خلال اسبوع وده شبه مستحيل طبعااااا

انا عندى برضه الكريم بتاع الاستريتش مارك احلى حاجه فيه انه حجمه كبير بس للاسف
عارفه ان اى كريم استريتش مارك مش هنتظم عليه انا جيباه للمؤخره والاردف وللاسف
المنطقه دى عليها بستخدملها صابون طبي ومراهم لان ديما بتطلعلى فيها حبوب ومخنوقه منها موت
مبروك عليكى يا ساره الاوردر انا مجبتش الشهر ده غير تونر كلير سكين الاخضر حلو اوى وافضل من الاسكينول لان الاسكينول بينشف الوش جامد اوى بس بمسح بيه واغسل وشي
مش بيخلى حبوب تظهر

أنوش;15666671:
لسه مجرباهم حااااااالا البلسم والاسكرب
بجد عجبووووووووني

الاسكرب بئه عجبني خالص برغم ان مكونتش بقتنع اوي بسكربات القدم وبقول اي سكرب يوفي بالغرض
بس مش عارفة دا حبيته ريحته زي البحر والسائل بتاعه جل مرطب وفيه غسول والحبيبات خشنة

اعدت افرك بيه لحد ما السائل بتاعه اختفى وتبقى الحبيبات وبعدين غسلت رجلي نعومة حلوة واحساس منعش والجلد طري ومش مجير ولا جاف

بعده نشفت وحطيت البلسم
هو البلسم انا اصلا كنت جيباه قبل كده وبحبه اوي ملمسه جل كريم بيرطب القدم كويس اوي وكمية بسيطة منه بتكفي وميزته الجلد بيتشربه ويفضل طري بدون احساس الكريم والتلزيق

هاتيهم يا مرموم ان شاءالله مش هتندمي عليهم هيعجبوكي
وابئي قوليلنا تجربتك لما تشتريه :)

تسلمي يا أنوش...كفيتي و وفيتي...أي حاجه تمدحي فيها أشتريها و أنا مغمضة...:)

ميااااااده;15673560:
انا عندى برضه الكريم بتاع الاستريتش مارك احلى حاجه فيه انه حجمه كبير بس للاسف
عارفه ان اى كريم استريتش مارك مش هنتظم عليه انا جيباه للمؤخره والاردف وللاسف
المنطقه دى عليها بستخدملها صابون طبي ومراهم لان ديما بتطلعلى فيها حبوب ومخنوقه منها موت
مبروك عليكى يا ساره الاوردر انا مجبتش الشهر ده غير تونر كلير سكين الاخضر حلو اوى وافضل من الاسكينول لان الاسكينول بينشف الوش جامد اوى بس بمسح بيه واغسل وشي
مش بيخلى حبوب تظهر

انا بردوه مش هعرف انتظم غير لما ابني يكبر شويه انا جايبه اهوا تفاريح علشان كده مش مستنيه نتيجه اوووي
التونر اانا مش عارفه مش حابه اجيب تاني من ايفون عندي الازرق وحامي اوووي وبيعملي حبوب
الاسكنول بينشف ؟؟؟؟؟ ده انا كان احسن عندي من تونر ايفون لان ايفوم بينشف وشي اوووي
واورليفلام وجرانيه زي قلتهم كاني مش حاطته حاجه فاالاسكنيول كان الوسط بس مكنش استخدمه دايم يمكن الانتاج الجديد بقا حامي انا كنت بستخدم بجوز الهند
انوش شايفكي كنت بتتكلمي علي ليف كوندشن في اورليفلام
انتي جبتي اللي هوا 3dبتع مجموعه الشعر الجاف الازرق ؟؟؟؟؟ كنتي بتقلي هتجبيه
الفسفوري ده بقا اول ماجبته عمل كده معايااااااااا هيش شعري اوووي من اول مره مرات اخويا استخدمته بتقلي حلووو وهتجيب زيه
انا بحطته لابني دلوقتي في شعره قبل المدرسه ولما يرجع اغسله فابيطري كان الواحد بيعمله حمام كريم هههههههههه

ساره افندي;15674321:
انا بردوه مش هعرف انتظم غير لما ابني يكبر شويه انا جايبه اهوا تفاريح علشان كده مش مستنيه نتيجه اوووي
التونر اانا مش عارفه مش حابه اجيب تاني من ايفون عندي الازرق وحامي اوووي وبيعملي حبوب
الاسكنول بينشف ؟؟؟؟؟ ده انا كان احسن عندي من تونر ايفون لان ايفوم بينشف وشي اوووي
واورليفلام وجرانيه زي قلتهم كاني مش حاطته حاجه فاالاسكنيول كان الوسط بس مكنش استخدمه دايم يمكن الانتاج الجديد بقا حامي انا كنت بستخدم بجوز الهند
انوش شايفكي كنت بتتكلمي علي ليف كوندشن في اورليفلام
انتي جبتي اللي هوا 3dبتع مجموعه الشعر الجاف الازرق ؟؟؟؟؟ كنتي بتقلي هتجبيه
الفسفوري ده بقا اول ماجبته عمل كده معايااااااااا هيش شعري اوووي من اول مره مرات اخويا استخدمته بتقلي حلووو وهتجيب زيه
انا بحطته لابني دلوقتي في شعره قبل المدرسه ولما يرجع اغسله فابيطري كان الواحد بيعمله حمام كريم هههههههههه

جبته يا ساره اول ما نزل وانا بستخدمه كا علاج مش دهان
يعني بحطه وبعدين لما شعري ينشف ويبقى مندي كده احط شوية زي جوز هند
ويبقى شغال كويس الاطراف مش مقصفه وماسكه نفسها
بس على فكرة انا حالة شعري مبئتش حلوة الفترة الاخيرة منه لنفسه وغالبا تغيير فصول ولا ايه مش عارفة
بس انا شعري نصين النص الفوق حاجة والنص اللي تحت حاجة
اللي تحت نااااعم ومفروووود وطري اوي ومن غير ما ادهنه جميل اللي فوق بئه مبهدلني معاه
واخر ما زهقت قصيت شعري للمره التالتة فالصيف السنادي كل ما يجيب ضهري اقصه بس المرادي بئه غير كل مره المرات الفاتت كنت بقص 5-7 سم يبقى في نص ضهري او اقصر شوية المرادي بئه قصيت منه كتير اوي وبئه كاريه طويل لان زهقت من كتر ما بعتني بيه وهو طويل عالفاضي زي ديل الفار كده مش طول واحد لما بقصه الامور بتتسهل عليا اعمله حمام كريم وحمام زيت وطول النهار سيباه حر طليق منكوش ماشي متسرح ماشي زي ما يحب براحته ههههههههه

مرموم;15673817:
تسلمي يا أنوش...كفيتي و وفيتي...أي حاجه تمدحي فيها أشتريها و أنا مغمضة...:)

ربنا يخليكي ياقمر من ذوقك والله :)

ساره افندي;15674321:
انا بردوه مش هعرف انتظم غير لما ابني يكبر شويه انا جايبه اهوا تفاريح علشان كده مش مستنيه نتيجه اوووي
التونر اانا مش عارفه مش حابه اجيب تاني من ايفون عندي الازرق وحامي اوووي وبيعملي حبوب
الاسكنول بينشف ؟؟؟؟؟ ده انا كان احسن عندي من تونر ايفون لان ايفوم بينشف وشي اوووي
واورليفلام وجرانيه زي قلتهم كاني مش حاطته حاجه فاالاسكنيول كان الوسط بس مكنش استخدمه دايم يمكن الانتاج الجديد بقا حامي انا كنت بستخدم بجوز الهند
انوش شايفكي كنت بتتكلمي علي ليف كوندشن في اورليفلام
انتي جبتي اللي هوا 3dبتع مجموعه الشعر الجاف الازرق ؟؟؟؟؟ كنتي بتقلي هتجبيه
الفسفوري ده بقا اول ماجبته عمل كده معايااااااااا هيش شعري اوووي من اول مره مرات اخويا استخدمته بتقلي حلووو وهتجيب زيه
انا بحطته لابني دلوقتي في شعره قبل المدرسه ولما يرجع اغسله فابيطري كان الواحد بيعمله حمام كريم هههههههههه

اا الاسكينول بجد مش جه على وشي الا في الصيف والحر اوى وكنت بحس ان بشرتى تعبانه منه بس بستخدمه لتنظيف الجسم بتاع اوريفليم ابتملز مش تونر منظف يشيل الاوساخ لا تونر تنقيه وبيخلى البشره متوازنه وفيها نضاره وانا بحب تونرات اوريفليم في كده جربت الصبار زمان وتونر نيفيا وحساهم بيدوا نضاره للبشره بحبهم في الشتا تونر افون الاخضر انا الاول بمسح وشي بكريم وامسح بيه بلاقي بلاوى بتطلع وبغسل وشي علطول بعده ومش بيتعب بشرتى خالص اخف من الاسكينول التور الازرق شكله قوى جدا وعمرى ما فكرت اجيبه

أنوش;15674354:
جبته يا ساره اول ما نزل وانا بستخدمه كا علاج مش دهان
يعني بحطه وبعدين لما شعري ينشف ويبقى مندي كده احط شوية زي جوز هند
ويبقى شغال كويس الاطراف مش مقصفه وماسكه نفسها
بس على فكرة انا حالة شعري مبئتش حلوة الفترة الاخيرة منه لنفسه وغالبا تغيير فصول ولا ايه مش عارفة
بس انا شعري نصين النص الفوق حاجة والنص اللي تحت حاجة
اللي تحت نااااعم ومفروووود وطري اوي ومن غير ما ادهنه جميل اللي فوق بئه مبهدلني معاه
واخر ما زهقت قصيت شعري للمره التالتة فالصيف السنادي كل ما يجيب ضهري اقصه بس المرادي بئه غير كل مره المرات الفاتت كنت بقص 5-7 سم يبقى في نص ضهري او اقصر شوية المرادي بئه قصيت منه كتير اوي وبئه كاريه طويل لان زهقت من كتر ما بعتني بيه وهو طويل عالفاضي زي ديل الفار كده مش طول واحد لما بقصه الامور بتتسهل عليا اعمله حمام كريم وحمام زيت وطول النهار سيباه حر طليق منكوش ماشي متسرح ماشي زي ما يحب براحته ههههههههه

انوش عارفه انا ماشيه على برامج حلو للشعر بغسل بشامبو غارنيه بتاع تساقط الشعر جميل جدا والى الان افضل شامبو جربته وبعده بعمل حمام كريم فاتيكا و بحط البالم الفسفور بعد ما اخرج من الحمام وبحط سيرم زيرو فريز بجد الاربع حاجات دى مع بعض مخليه شعرى ناعم وحلو رغم ان زيرو فريز لوحده من غير البلم مخلى شعرى مش حلو اوى و البلم لوحده حساه عادى بس انا حسه ان اهم حاجه الحمام الكريم والشامبو

ساره انا جربت البلسم الازرق 3Dومش حاسه انه بيعمل حاجه يعني كانه بيلزق شعره في بعضها مش حاسه انه بيعمل حاجه
ولا البلسم الاخضر يعني بحس انه بيطري الشعر بس مش بيدي لمعه كان الشعر ناقصه حاجه

وحشتوووووووووووووووني اوي انا جيب كان عندي ظروف منعتني عنكم شويه بجد وحشتوني اوي عاملين ايه كلكم وانا معاكم من النهارده ان شاء الله

انوش وساره ونادو ومياده ودعوه كلكم وحشتووووووني اوي

لينك بروشر شهر 11 اللي حيبدا لايفون واوريفلام فين حطولي اللينك بقي عشان ابقي معاكم ع الخط

دعوة للتفاؤل;15675747:
ساره انا جربت البلسم الازرق 3Dومش حاسه انه بيعمل حاجه يعني كانه بيلزق شعره في بعضها مش حاسه انه بيعمل حاجه
ولا البلسم الاخضر يعني بحس انه بيطري الشعر بس مش بيدي لمعه كان الشعر ناقصه حاجه

انا كمان الحاجات اللي بتبقا علي شكل كريمات تغذيه او بلسم او حاميه مش بتعمل معايا اي شغل
عندي الاكسير بتع المجموعه الزرقه مش نافع معايا بردوه بس المجموعه من شامبوه وحمام كريم مع بعض نافعين شعري واحيانا احط بعدها الاكسير بس قليل اووووي لاني لازم الف شعري لو ملفتهوش من بعد مااحطته يهيش وينشف
انوش غريب اووووي موضوع شعرك الناس كلها العكس الاطراف مش حلوه من ناحيه ديل الحصان لتحت وفوق بيبقا ناعم
مياده انا بحط التونر الازرق ده علي قطنه وعلي وشي علي طول ومش حط فيها مايه ولا قبلها كريم
بس بحبه اوووي للرقبه بحسه بينظف اووووي
بلبل ازيك ياقمررر معلش انا معنديش ليناكات انا كان معايا الكتلوجات
صح عاجبني اوووي الانسيال بتع كيتي بتع الشهر الجاي بس عماله اكافح واقول لااااااااااااا
ليه لان انا لاحظت السلاسل البيضا ديه انا جايبه اكتر من حاجه منهم من ايفون كلهم مع الوقت القصير اوووي بتسود وتغمق
فاده اللي مش مخلني اجيب الانسيال رغم انه عاجبني لاني بحب كيتي اوووي
السلسه مش عاجبني حاسه كتله كده ملهاش لازمه والرسمه تفاصلها مش باينه

ميرسي لردك ياساره ولايهمك انوش اكيد حتحطه وانا والله مش داخله مخصوص عشان كده انتم وحشتوني فعلا وعايزه اتابع معاكم تاني دودي باربي وحشتيييييييني
سؤال المخالفه عايزه لينك البروشرات افون واوريفلام وايه اللي نازل الشهر اللي حيبتدي لسه

ساره افندي;15672340:
ازيكم يابنات انا جبت عرض الكريم والاستون جربته مش حاسه انه حلو حد جربه قبل كده لاني وانا بشيل حسته انه فيه زيوت وبعدين لما غسلت ايدي لقيت اظافري نشفه اوووي ده تقرير سريع عقبال مااجي تاني

الاسيتون لو جربتيه تاني ولقيتيه احسن قولي .......وجربتي بتاع اوريفليم؟؟؟؟؟؟؟

مرموم;15673817:
تسلمي يا أنوش...كفيتي و وفيتي...أي حاجه تمدحي فيها أشتريها و أنا مغمضة...:)

حبيبتي كنت سالتي عن منتجات الشعر الجاف من افون يعني ولا بره افون ؟؟؟؟؟

ساره افندي;15674321:

التونر اانا مش عارفه مش حابه اجيب تاني من ايفون عندي الازرق وحامي اوووي وبيعملي حبوب
الاسكنول بينشف ؟؟؟؟؟ ده انا كان احسن عندي من تونر ايفون لان ايفوم بينشف وشي اوووي
واورليفلام وجرانيه زي قلتهم كاني مش حاطته حاجه فاالاسكنيول كان الوسط بس مكنش استخدمه دايم يمكن الانتاج الجديد بقا حامي انا كنت بستخدم بجوز الهند

التونر دا بتاع الرؤؤس السودا ؟؟؟؟؟؟؟

والاسكينول منين ولا من بره؟؟؟؟؟؟

أنوش;15674354:
جبته يا ساره اول ما نزل وانا بستخدمه كا علاج مش دهان
يعني بحطه وبعدين لما شعري ينشف ويبقى مندي كده احط شوية زي جوز هند
ويبقى شغال كويس الاطراف مش مقصفه وماسكه نفسها
بس على فكرة انا حالة شعري مبئتش حلوة الفترة الاخيرة منه لنفسه وغالبا تغيير فصول ولا ايه مش عارفة
بس انا شعري نصين النص الفوق حاجة والنص اللي تحت حاجة
اللي تحت نااااعم ومفروووود وطري اوي ومن غير ما ادهنه جميل اللي فوق بئه مبهدلني معاه
واخر ما زهقت قصيت شعري للمره التالتة فالصيف السنادي كل ما يجيب ضهري اقصه بس المرادي بئه غير كل مره المرات الفاتت كنت بقص 5-7 سم يبقى في نص ضهري او اقصر شوية المرادي بئه قصيت منه كتير اوي وبئه كاريه طويل لان زهقت من كتر ما بعتني بيه وهو طويل عالفاضي زي ديل الفار كده مش طول واحد لما بقصه الامور بتتسهل عليا اعمله حمام كريم وحمام زيت وطول النهار سيباه حر طليق منكوش ماشي متسرح ماشي زي ما يحب براحته ههههههههه

ياجبااااااارة ........تقصي دا كله من شعرك ؟؟؟؟؟؟؟؟؟

لا وايه قصيتي الجزء الحلو وسبتي الوحش بس .......هههههههههه

المهم ........انا شعري جااااااااف جداااااااا وهايش ومكسر البلسم بتاع افون بيكون حلو لما احط عليه كريم تقيل زي منك كدا او حاجة
ويانوشا خلي بالك الزيوت مش تتحط دهان ع الشعر وتتساب هتنشف وتقصف مع الوقت لو كدا يبقي تتحط طبقة خفيفة ع الجذور بس

بلبل حيران;15676517:

سؤال المخالفه عايزه لينك البروشرات افون واوريفلام وايه اللي نازل الشهر اللي حيبتدي لسه

ازيك ياعسل وحشتينا

بصي اوريفليم البرشور بتاعها نازلته ميادة ف اخر صفحة ف موضوعهم او الللي قبل الاخيرة شوفيه هناك
وافون ماحدش حط البرشور بتاعها هنا بس هبعتلك اللينك بتاع الاي برشور ع الخاص ياعسل

يابنات هتجيبو ايه من البرشور الجديد ؟؟؟؟؟؟؟

والبرشور الحالي سعر كلونيا الليمون واللافندر كااااااااااام بالتحديد؟؟؟؟؟؟؟؟؟

مسي انا سالت صحبتي مجربه الاستيون الاتنين قالت واحد وخليكي في بتاع ايفون اكبر ونفس الخامه فاعلشان كده جبت بتع ايفون وهوا رحته حتا مش منفره او تحنق وفيه زي زيت كده المهم اني جربت امسح بيه المناكير بتع اورليفلام جورداني الجديد اتمسح عادي بس حاسه انه مش هيمسح الحاجات اللي فيها جليتر كويس هبقا اجرب
لو لاقته يمسح كل انواع المناكيرات اللي عندي كويس هعتمده لو نوع واحد بس هكبررر منه
ايوه التونر بتع الرؤس السوده
الاسكنيول بجببه كنت من دبي وبيتباع هنا في مصر مع التاجرات من 15 لحد 35 وانا كنت بجيبه من دبي ب5درهم يعني 7جا
لبرشور الجديد هجيب كا العاده حمام الكريم الازرق ده اساسي كل حمله ينزل اجيه
بفكر في الانسيال بس بقاوم بفكر اجيب حاجه مشابه ليه من جيلز وهيبقا نفس السعر او اغلي بسيط

ميااااااده;15675326:
انوش عارفه انا ماشيه على برامج حلو للشعر بغسل بشامبو غارنيه بتاع تساقط الشعر جميل جدا والى الان افضل شامبو جربته وبعده بعمل حمام كريم فاتيكا و بحط البالم الفسفور بعد ما اخرج من الحمام وبحط سيرم زيرو فريز بجد الاربع حاجات دى مع بعض مخليه شعرى ناعم وحلو رغم ان زيرو فريز لوحده من غير البلم مخلى شعرى مش حلو اوى و البلم لوحده حساه عادى بس انا حسه ان اهم حاجه الحمام الكريم والشامبو

انا بستخدم جارنييه بردو يا ميادة بئالي فترة جبته 3 مرات ورا بعض وحلو معايا
حمام كريم فاتيكا كنت هجيبه الشهر الفات بعدين شدني عرض على بوناويل جبته وعجبني بردو لان كان بئالي فترة كبيرة مش بستخدمه قلت لما يخلص اجيب فاتيكا
الدهان بئه فعلا انا محتاجة اجيب سيرم هو دا اللي هينفعني بس مش عارفة اجيب ايه اجيب بتاع ايفون ولا اجرب حاجة جديدة
سيرم زيرو فريز مش عجبني جبته قبل كده وزي الماية معايا

ساره افندي;15676003:

انوش غريب اووووي موضوع شعرك الناس كلها العكس الاطراف مش حلوه من ناحيه ديل الحصان لتحت وفوق بيبقا ناعم

انتي فهمتي غلط
انا اقصد نص شعري كله يعني نص فروة راسي الشعر اللي فوق هايش واللي تحت ناعم اوي اللي يشوف يقول دا بتاع حد تاني

mes333;15677706:


ياجبااااااارة ........تقصي دا كله من شعرك ؟؟؟؟؟؟؟؟؟

لا وايه قصيتي الجزء الحلو وسبتي الوحش بس .......هههههههههه

المهم ........انا شعري جااااااااف جداااااااا وهايش ومكسر البلسم بتاع افون بيكون حلو لما احط عليه كريم تقيل زي منك كدا او حاجة
ويانوشا خلي بالك الزيوت مش تتحط دهان ع الشعر وتتساب هتنشف وتقصف مع الوقت لو كدا يبقي تتحط طبقة خفيفة ع الجذور بس

انا بحب اقص شعري دايما لانه ما شاءالله والله اكبر بيطول بسرعة وهو دا اللي فالح فيه بس مش بيكون طول واحد بيبئى مدرج و بقصه باستمرار والمرادي بئه جبت اجله خالص هههههههههه

وبالنسبة للزيوت منا عارفة الكلام دا بس مش مع كل شعر
يعني في انواع زيوت تحطيها مع شعر معين تقصف وتجف
وفي انواع زيوت تانية تحطيها على نفس الشعر تبقى حلوة

جوز الهند بنسبالي مش بيجفف شعري وبستخدمه من زماااااان ومش بحب احط زيوت على فروة راسي عشان هي دهنية وبتعمل قشرة :'(

لا يا نوشا فعمتك صح ههههههههه ماده اللي اقصده الناس كلها شعرها من الفروه ناعم ومن ورا هايش انتي العكس
من رائ جربي حاجه بره ايفون بنسبله لجوز الهند بردوه انا مش اي نوع جوز هند الخفيف اللي زي بتع اوريفلام يمشي معايا لسه غاسله حالاااااااااااااااااااا
التقيل الهندي مش بيمشي معايا ويخشن شعري انا كمان سيرم فريز خشن شعري
جرانيه بقالي 5 سنين مستخدمتهوش تاني معرفش ليه ممكن علشان بحب اغير كل مره ومش بكرر الحاجه الوحيده اللي كررتها بتع ايفون وكازنوفا بس غيرت النوع كنت جايبه اللي لونه اخضر للشعر العادي والموف للشعرالدهني
ياعيال طلب اخوي ههههههههه اللي يلاقي صوره حقيقيه للانسيال بتع كيتي يحطتهاااا عايزه اشوف ومش عارفه اعمل سرش من الواد الروش اللي معايااااا

بلبل حيران;15675947:
وحشتوووووووووووووووني اوي انا جيب كان عندي ظروف منعتني عنكم شويه بجد وحشتوني اوي عاملين ايه كلكم وانا معاكم من النهارده ان شاء الله

انوش وساره ونادو ومياده ودعوه كلكم وحشتووووووني اوي

بلبلتي حبيبتييييييييييييي :adore: :adore: :adore:
حمدلله على السلامة يا جميل ويارب ماتغيبيش عنا تاني كل ده

==============

بناااااااااات انسيال كيتي حلو وللا اطفالي؟ بنفع يعني لحد في ال30؟ :confused:

==============
انوووووش
فعلا الزيت على فروة الراس بيعمل قشرة
طيب ايه الانواع الحلوة اللي مش تنشف الشعر وتقصفه لو اتساب عليه؟؟^o)
انا شعري بئت حالته صعبة مع اني وانا صغيرة كان حاجة تانية خااااالص :'(
عاوزة حاجة تنيم الهيشان واهم حاجة تلمع:(

ساره افندي;15678044:
لا يا نوشا فعمتك صح ههههههههه ماده اللي اقصده الناس كلها شعرها من الفروه ناعم ومن ورا هايش انتي العكس
من رائ جربي حاجه بره ايفون بنسبله لجوز الهند بردوه انا مش اي نوع جوز هند الخفيف اللي زي بتع اوريفلام يمشي معايا لسه غاسله حالاااااااااااااااااااا
التقيل الهندي مش بيمشي معايا ويخشن شعري انا كمان سيرم فريز خشن شعري
جرانيه بقالي 5 سنين مستخدمتهوش تاني معرفش ليه ممكن علشان بحب اغير كل مره ومش بكرر الحاجه الوحيده اللي كررتها بتع ايفون وكازنوفا بس غيرت النوع كنت جايبه اللي لونه اخضر للشعر العادي والموف للشعرالدهني
ياعيال طلب اخوي ههههههههه اللي يلاقي صوره حقيقيه للانسيال بتع كيتي يحطتهاااا عايزه اشوف ومش عارفه اعمل سرش من الواد الروش اللي معايااااا

لا برضو مافهمتيش صح يا ميوووودة
هي تقصد بالشعر اللي فوق: الشعر اللي بيكون ظاهر... الطبقة اللي فوق يعني
انما اللي من تحت ده الشعر اللي من ورا وتحت مش باين من عند القفا يعني :D
يارب تكوني فهمتي قصدي
انا كمان كدة يظهر من عوامل التعرية والجو الرطب اللي احنا عايشين فيه

وزيت جوز الهند بتاع اوريفليم طلع حلو؟ ومش بينشف الشعر؟ وريحته نفاذة وللا هادية؟ علشان انا مش باستحمل الروايح القوية
كنت جبت الشامبو الجاف السبراي ده منهم وريحته قوية جدا بتموتني

وانا كمان عاوزة اشوف الانسيال والروج الجديد الكريستالي على الطبيعة بس لسة مش لاقية صور:(
هادور تاني وربنا يسهل
المشكلة انهم لسة جداد برة كمان فعشان كدة لسة مافيش صور منتشرة

وجاوبو على سؤالي السابق بخصوص الانسيال اطفالي وللا ينفع للثلاثينات؟
والسلسلة الجديدة المومباي مش داخلة مزاجي حساها منبعجة لو كان شكلها منتظم كانت تبقى احلى بكتيييير عااااا

ساره افندي;15678044:
لا يا نوشا فعمتك صح ههههههههه ماده اللي اقصده الناس كلها شعرها من الفروه ناعم ومن ورا هايش انتي العكس
من رائ جربي حاجه بره ايفون بنسبله لجوز الهند بردوه انا مش اي نوع جوز هند الخفيف اللي زي بتع اوريفلام يمشي معايا لسه غاسله حالاااااااااااااااااااا
التقيل الهندي مش بيمشي معايا ويخشن شعري انا كمان سيرم فريز خشن شعري
جرانيه بقالي 5 سنين مستخدمتهوش تاني معرفش ليه ممكن علشان بحب اغير كل مره ومش بكرر الحاجه الوحيده اللي كررتها بتع ايفون وكازنوفا بس غيرت النوع كنت جايبه اللي لونه اخضر للشعر العادي والموف للشعرالدهني
ياعيال طلب اخوي ههههههههه اللي يلاقي صوره حقيقيه للانسيال بتع كيتي يحطتهاااا عايزه اشوف ومش عارفه اعمل سرش من الواد الروش اللي معايااااا

لا مفهمتنيش :p
يابنتي ركزي بئه حرام عليكي :lol:
نص شعر راسي اللي فوق كله من الجذور للاطراف هايش وبيجف
انما النص التحتاني من الجذور للاطراف ناعم ومفرود وزي الحرير
عارفة لو قولتيلي تاني الجذور وحشه والاطراف ناعمة انتي حره هههههههههههههههه

جوز الهند انا بستخدم السنغافوري الصفيحة جيباه من مرسى مطروح وهو خفيف مش تقيل بالمره

شامبو جارنييه استخدمته اول مره عبوة 150 مل وبعدين 250 مل وبعديه استخدمت من ايفون كونترول فريز الاورانج وعجبني ولما خلص رجعت للجارنييه 400 مل لان كان عندي وقلت بدل ما اشتري استخدمه وخلاص واهو اوشك يخلص وبفكر اشتري اما بانتين او من اوريفليم اللي بجوز الهند والقمح الجديد

بالنسبة لهالو كيتي مش مطمنة هي شكلها كيوت بس مش عارفة فالواقع بئه عاملة ازاي
وعملت سيرش عنها بس اكتشفت انها اول مره تنزل برا الشهر دا فا ممكن نستنى شوية على اخر الحملة عل وعسى حد برا يكون اشتراها ونزلها

sylsyl;15678321:

انوووووش
فعلا الزيت على فروة الراس بيعمل قشرة
طيب ايه الانواع الحلوة اللي مش تنشف الشعر وتقصفه لو اتساب عليه؟؟^o)
انا شعري بئت حالته صعبة مع اني وانا صغيرة كان حاجة تانية خااااالص :'(
عاوزة حاجة تنيم الهيشان واهم حاجة تلمع:(

انا استخدمت السنغافوري يا سلسل الصفيحة الخضرا
ريحته فالاول كانت بنسبالي قوية ولان بحب جوز الهند جدا كنت حاسه ان عايزة اشربه هههههههه بس اتعودت عليه

شكلي هجيب سيرم بس مش عارفة اجيب ايه لسه محتارة

sylsyl;15678348:
لا برضو مافهمتيش صح يا ميوووودة
هي تقصد بالشعر اللي فوق: الشعر اللي بيكون ظاهر... الطبقة اللي فوق يعني
انما اللي من تحت ده الشعر اللي من ورا وتحت مش باين من عند القفا يعني :D
يارب تكوني فهمتي قصدي
انا كمان كدة يظهر من عوامل التعرية والجو الرطب اللي احنا عايشين فيه

وزيت جوز الهند بتاع اوريفليم طلع حلو؟ ومش بينشف الشعر؟ وريحته نفاذة وللا هادية؟ علشان انا مش باستحمل الروايح القوية
كنت جبت الشامبو الجاف السبراي ده منهم وريحته قوية جدا بتموتني

وانا كمان عاوزة اشوف الانسيال والروج الجديد الكريستالي على الطبيعة بس لسة مش لاقية صور:(
هادور تاني وربنا يسهل
المشكلة انهم لسة جداد برة كمان فعشان كدة لسة مافيش صور منتشرة

وجاوبو على سؤالي السابق بخصوص الانسيال اطفالي وللا ينفع للثلاثينات؟
والسلسلة الجديدة المومباي مش داخلة مزاجي حساها منبعجة لو كان شكلها منتظم كانت تبقى احلى بكتيييير عااااا

:thumbs_up::thumbs_up::thumbs_up::thumbs_up::thumbs_up:

صح كده فهمتيني
وبالنسبة للانسيال والمنتجات الجديدة فعلا هي مشكلة اننا بقينا زي برا مع اننا كنا بنتمنى دا بس اهي طلعت نقمة علينا عشان مش بنعرف نشوف قبل ما نشتري
تصوري دا برفان سيكرت فنتازي ستار لحد اول اكتوبر مكنش فالنت خالص لسه بدات تظهر صورته من اسبوعين تقريبا مع انه عندنا فالمجلة من الحملة الفاتت

وبأيدك الرأي في المومباي مكعبره في بعضها وملهاش اول من اخر
يمكن الحلق والخاتم افضل شوية من السلسلة

انا كان عاجبني اوي طقم جورجي ديكو اووووووي بس مش لقياله صور عالواقع

sun86;15678440:

هاااااي يا بنات :) شفت swatches لواحد من ارواج افون الجديدة و حبيت اعرضها عليكم للي حابة تشتري الروج بس محتارة في الالوان
Ultra Colour Rich Colordisiac Lipstick



من اليسار الى اليمين

ٍSatin Sheets, Flirty Fuschia,Drawn to You
Can't Resist Coral,Red Hot Lips, Ravishing Red,
Rose Addiction, Sultry Bronze, Alluring Brown,
Temptress,

تسلم ايدك ياقمر جميل :)

sun86;15678440:

هاااااي يا بنات :) شفت swatches لواحد من ارواج افون الجديدة و حبيت اعرضها عليكم للي حابة تشتري الروج بس محتارة في الالوان
[/COLOR][/SIZE]

تسلم الايادي يا قمر
الساتين شيتس كنت فاكراه فاتح
ياترى لونه زي الصورة كدة فعلا؟ حد جاب اللون ده يا بنات؟
الروز اديكشن جبته وطلع غامق زي الصورة دي
والكورال طلع فاااااقع
=======================
نسيت اسالكم حد جاب الماسكارا الجديدة سوبر شوك ماكس؟ اخبارها ايه؟ حلوة وللا بتكلكع الرموش؟
اللي يجيبها يدينا تقرير فوري
وياريت كمان صورة ليها عالطبيعة:cool: