التجمع الأول لحوامل شهر يونيو(6)2012

يسعد صباحكن
كيف الاحوال؟؟؟

ام شبير الحمدلله ع سلامتك وماتشوفين شر يارب وربي يقرّ عينك بشوفة البنوته


ايمي

ياهلا فيك اخبارك وكيف البيبي؟؟


ام راشد
قدامك العافيه
كثري من شرب الحليب واللبن وانتظمي ع حبوب الكالسيوم عن نفسي من اكسل عن شرب الحليب احس بألم بأسناني لان الكالسيوم اذا نقص ع الطفل يسحب من اسنان وعظام امه ويأثر ع عظامه هو فانتبهي
الشهر الماضي سوو لي تحليل دم مرتين بيومين ورا بعض لان الكالسيوم كان نازل عندي وقالت الدكتوره انه يسبب تشوهات بالجنين بعيد الشر

جميع الحوامل اتمنى تكونو بخير

اشجان ما تشوفين شررر ..

ام عزوز لازم نشرب حليب ؟
صايرة ما احبه
بس اشرب بين فترات حليب ساخن مع شوية سكر وزعتر عادي يفي بالغرض ؟

أشجان ما تشوفين شر يمكن يكون عندك نقص في الكالسيوم ومأثر على أسنانك

أو بسبب تغير الهرمونات إلي في الجسم فترة الحمل تسبب هذا الشيء يالله كله للبيبي يهون

ام عزوز غريبة أنا هذه المره الدكتورة ما رضت تعطيني كالسيوم

قالت أشرب حليب يكفي بس المشكله إنه الحليب يلوعني وفي نفس الوقت يعملي إمساك فضيع

ولما سألتها ليه عيل في حمل بولدي عطيتوني كالسيوم والحين مانعينه قالتلي إنه من الوزارة مانعين يصرفوه

المهم هذا الحمل ما أخذت كالسيوم وأنا الحين في السادس وكلامك بصراحة خوفني عن التشوه لان قليل جداً أشرب الحليب

نقاء وينك ما طليتي علينا اليوم

أم عزوز001;15962597:
يسعد صباحكن
كيف الاحوال؟؟؟

ام شبير الحمدلله ع سلامتك وماتشوفين شر يارب وربي يقرّ عينك بشوفة البنوته


ايمي

ياهلا فيك اخبارك وكيف البيبي؟؟


ام راشد
قدامك العافيه
كثري من شرب الحليب واللبن وانتظمي ع حبوب الكالسيوم عن نفسي من اكسل عن شرب الحليب احس بألم بأسناني لان الكالسيوم اذا نقص ع الطفل يسحب من اسنان وعظام امه ويأثر ع عظامه هو فانتبهي
الشهر الماضي سوو لي تحليل دم مرتين بيومين ورا بعض لان الكالسيوم كان نازل عندي وقالت الدكتوره انه يسبب تشوهات بالجنين بعيد الشر

جميع الحوامل اتمنى تكونو بخير

الله يعافيج حبيبتي...

يختي و الله مدري، الحليب أشرب كوب بالصبح مع الفطور، لكن أشرب معاه خلال اليوم لبن و آكل زبادي، و الكالسيوم أيام آخذه و أيام لا ما أشتهي آكله مدري ليه :thumbs_down:

الله يكون في العون

F:

عُمـانية وأفتخر;15962942:
أشجان ما تشوفين شر يمكن يكون عندك نقص في الكالسيوم ومأثر على أسنانك

أو بسبب تغير الهرمونات إلي في الجسم فترة الحمل تسبب هذا الشيء يالله كله للبيبي يهون

الشر ما يجيج إن شاء الله...

موعدي إن شاء الله السبت، بسأل الدكتورة إذا ممكن تسوي لي تحليل كالسيوم...


F:

عُمـانية وأفتخر;15962945:
ام عزوز غريبة أنا هذه المره الدكتورة ما رضت تعطيني كالسيوم

قالت أشرب حليب يكفي بس المشكله إنه الحليب يلوعني وفي نفس الوقت يعملي إمساك فضيع

ولما سألتها ليه عيل في حمل بولدي عطيتوني كالسيوم والحين مانعينه قالتلي إنه من الوزارة مانعين يصرفوه

المهم هذا الحمل ما أخذت كالسيوم وأنا الحين في السادس وكلامك بصراحة خوفني عن التشوه لان قليل جداً أشرب الحليب

تصدقين، الدكتور اللي تراجع عنده بنت عمي مستحيل يعطيها كالسيوم! يقول إذا تشربين حليب خلاص يكفي!

في الصيدلية حليب خاص للحوامل بنكهات شوفي إذا تبين تجربينه...

عن نفسي عالفطور يومياً أسوي لي ميلك شيك بالتمر، أسخن كوب حليب مع 5 تمرات بعدين أخلطه بالخلاط، طعمه لذيذ و بنفس الوقت مغذي، و هالأيام صرت أضيف له شوية سمسم...

جربوه بنات لذيذ بيعجبكم :)

F:

ام راشد في استفسار بهذا الموضوع وبموضوع اللزانيا ولارديتي عليه ؟

مرحباااااااااااا
اشجان الله يبارك في عمرش
ردة فعل ابوالشباب :|
جانا دكتور كبير في السن وشكله اكبر من جدي والله اعلم
هو الي سووا لي السونار وانا أتألم مالي خلق أسأل الا زوجي ينط ويسأله ولد ولا بنت
قال اعتقد بنت طبعا زوجي ماعجبه الكلام وقام يسب بالعربي قدامه يقول مااصدقك الاانت يالشايب
اقول روح بس ارتاح :thumbs_down:
انا عصبت منه لان ماكان المفروض يتكلم عربي قدام الدكتور عيب بس هو ماقدر يمسك نفسه 8o|
والحين أتكلم بصفة التأنيث عن الجنين وهو بعده موراضي
امس يقول لي كيف حال البي بي قلت له تقصد بنتنا قوولها ماتبغى تعترف انها بنت قال لا
بس بدري يمكن يطلع ولد :lol:

أحلاام الله يسلمك والله يبارك في عمرك يارب اي بنتي وبنتك صديقات :adore:
وشكله مافي الا حمودي ولد ايمي في التجمع ;)
العين عليكي يااايمي كلنا نبغى نخطب حمودي لبناتنا :biggrin:

ايمي الله يعينك ويصبرك البعد صعب ويخلق مشاكل وجفى بين الزوجين بس الله كريم
يفرج عنك ويقرب البعيد ويعطف القلوب على بعض

ام عزوز الله يسلمك


بنات الي ماتاخذ حبوب الكالسيوم لازم تاخذ اربع حصص حليب في اليوم
يعني تقدر تنوع كاس حليب جبنه كاس لبن وجبنه هذي تسمى اربع حصص يوميا

والي تاخذ حبوب الكالسيوم براحتها الي تشربه تشربه

وطبعا في حالات خاصه يكون الكالسيوم عندهم مره نازل فلازم ياخذوا من دا ومن دا

الحبوب تجي معاها فيتامين د الي يثبت الكالسيوم في العظم
الي ماتاخذ حبوب لازم تطلع في الشمس شويه

اتمنى فهمتوا

واشجان الله يعافيش وانتبهي للاكل والحبوب والشمس مهمه



باقي الحوامل ان شاء الله تكونوا باحسن حال

جوفااااااااااااااان حبيبتي
كيف حالك ؟؟
اتوقع شفت رد السؤال الجبنه اخذتها اشجان من لولو الي بالخبر :)
ملقوفه بس حبيت ارد :-#

اشجان صح انك تخلطيه مع سمسم لان السمسم مليان فيتامين د
بالعافيه وعجبتني الطريقه

راح اجربها :)

جوفان;15963731:
ام راشد في استفسار بهذا الموضوع وبموضوع اللزانيا ولارديتي عليه ؟

جوفان حبيبتي، رديت عليج هنا، حتى أم شبير شافته :D

أخذتها من هايبر لولو بالخبر، ثلاجة الأجبان المستوردة طبي و اختاري

أم شبير;15963779:
مرحباااااااااااا
اشجان الله يبارك في عمرش
ردة فعل ابوالشباب :|
جانا دكتور كبير في السن وشكله اكبر من جدي والله اعلم
هو الي سووا لي السونار وانا أتألم مالي خلق أسأل الا زوجي ينط ويسأله ولد ولا بنت
قال اعتقد بنت طبعا زوجي ماعجبه الكلام وقام يسب بالعربي قدامه يقول مااصدقك الاانت يالشايب
اقول روح بس ارتاح :thumbs_down:
انا عصبت منه لان ماكان المفروض يتكلم عربي قدام الدكتور عيب بس هو ماقدر يمسك نفسه 8o|
والحين أتكلم بصفة التأنيث عن الجنين وهو بعده موراضي
امس يقول لي كيف حال البي بي قلت له تقصد بنتنا قوولها ماتبغى تعترف انها بنت قال لا
بس بدري يمكن يطلع ولد :lol:

أحلاام الله يسلمك والله يبارك في عمرك يارب اي بنتي وبنتك صديقات :adore:
وشكله مافي الا حمودي ولد ايمي في التجمع ;)
العين عليكي يااايمي كلنا نبغى نخطب حمودي لبناتنا :biggrin:

ايمي الله يعينك ويصبرك البعد صعب ويخلق مشاكل وجفى بين الزوجين بس الله كريم
يفرج عنك ويقرب البعيد ويعطف القلوب على بعض

ام عزوز الله يسلمك


بنات الي ماتاخذ حبوب الكالسيوم لازم تاخذ اربع حصص حليب في اليوم
يعني تقدر تنوع كاس حليب جبنه كاس لبن وجبنه هذي تسمى اربع حصص يوميا

والي تاخذ حبوب الكالسيوم براحتها الي تشربه تشربه

وطبعا في حالات خاصه يكون الكالسيوم عندهم مره نازل فلازم ياخذوا من دا ومن دا

الحبوب تجي معاها فيتامين د الي يثبت الكالسيوم في العظم
الي ماتاخذ حبوب لازم تطلع في الشمس شويه

اتمنى فهمتوا

واشجان الله يعافيش وانتبهي للاكل والحبوب والشمس مهمه



باقي الحوامل ان شاء الله تكونوا باحسن حال

ههههههههههههههههههههه ضحكتيني على ردة فعل زوجج :lol:

يختي الرجال كلهم عقليتهم وحدة لا تحاولين تغيرين ههههههههههههه

بعدين يمكن معاه حق دام الدكتور شايب خخخ

بس الحمد لله بنت و لا ولد اهم شي الخلقة التامة... و صدقيني بس تشرف العروسة بتشوفين شلون بيتعلق فيها، دايماً البنات ياكلون قلوب أبهاتهم...

الله يبلغكم ذاك اليوم F:


ترى حتى هموسة فيها ولد، يعني عندج خيارين :D

أم شبير;15963791:
جوفااااااااااااااان حبيبتي
كيف حالك ؟؟
اتوقع شفت رد السؤال الجبنه اخذتها اشجان من لولو الي بالخبر :)
ملقوفه بس حبيت ارد :-#

اشجان صح انك تخلطيه مع سمسم لان السمسم مليان فيتامين د
بالعافيه وعجبتني الطريقه

راح اجربها :)

ما فيها لقافة و لا شي... خذي راحتج...

الله يعافيج، جربيها بتعجبج إن شاء الله F:

Daisy Ash;15962581:
يسعد صباحكم يا حلوات...

شخباركم اليوم إن شاء الله تمام...

بسألكم، هالأسبوع بطني كبر بشكل ملاحظ، يعني أحس فجأة صار بارز، و غير كذا صاير مشدود بقوة و يابس! مدري هالشي عادي؟ بصراحة ذاكرتي ميح عن حملي اللي قبل، أو إنه كل حملة غير!

أمس كان عندي موعد أسنان، من حملت و أسناني في تدهور :thumbs_down:
أول شي صارت حساسة كثير على أقل شي تألم، بعدين طلع لي تسوس جديد، و من أسبوع ألم في ضرسي مو طبيعي! الدكتورة قالت طبيعي مع الحمل الأسنان تتأثر و قالت لي معلومة جديدة، إن اللعاب تزيد حموضته في هالفترة، عشان كذا تتأثر الأسنان بسرعة...
في حملي اللي قبل ما شكيت منها أبداً ما عدا نزيف اللثة... بس هالمرة تعبتني حتى أمس عطتني أبرة بنج عشان تشتغل في الضرس و إلى الآن أحس بألم الإبرة!

الله يكون في عونا و يصبرنا نعدي هالأيام على خير إن شاء الله F:

انه بعد لما دخلت الشهر السادس بطني كبر فجاة
وصار يبين .. شعور حلوو
لكن ان شاء الله ما يكبر وايد عقب الناس تشوفه واحس بتفشل خخخ :lol:

احلام
ايوا لازم
اغصبي نفسك عليه ومثل ماقالت ام شبير لازم 4 حصص
الدكتوره قالت لي ضروري اشرب لتر باليوم يعني 4 كاسات ويادوب اخذ كاس مره باليوم وكم يوم لا خخخخخ
جد مانشتهي واشم ريحته غريبه بس نشكل جبن ولبن وزبادي وحليب
وربي يعين ان شاء الله

ام راشد جالسه تعلمين ع هموسه ماعلمتينا انتي وش فيك؟؟؟خخخخ

انا محتاره اصدق كلام الدكتوره ولا احساسي
بحملي الثاني كذبتهم وصدقت احساسي وصدق الحمدلله

ربي ييسر حملنا وولادتنا ان شاء الله

بحاول يا ام عزوز ..

ام عزوز واام راشد انتو شو فيكم بنوتة والا ولد ؟ :)

أشجان انا زوجي نسخه سعوديه اصليه غير معدله اول زواجنا تعبت منه مره

الحين اقوله لاتزعل عشان اني بجيب بنت حاول مره اخرى بس اخلص الاربعين ان شاء الله بحمل على طول عشان يجينا ولد

يقول لي لو يجيني ولد اكتب له حلالي كله :hysterical:


هموسة فيها ولد ماشاء الله




يالله الولد والبنت نعمه
وزي ماالولد ينفع امه وابوه حتى البنت
انا الحمدلله هذاني بنت ماامدح في نفسي بس احسن من الف ولد
متربيه ومتعلمه ولمااشتغلت ماقصرت على اهلي بشي

ايش يبغى الواحد غير اولاد صالحين ينفعوه ويبروه

ربي ترزقنا بالذريه الصالحه


F:F:F:F:F:F:F:F:F:F:F:F:F:F:F:F:F:

بقوممممممممممم انظف الشقه اليوم وامس كل نوووم مادري وش فيني حتى طبخ ماطبخت :hysterical:

ام شبير صح السانج والله يقومج بالسلامة يارب وتقر عيونج بشوفة البنوتة

انا حملت اول مرة ببنت وتوفت بالشهر الثامن وبعدين جبت ولد واللحين ن شاء الله بجيب بنت وزوجي مستانس وااااايد

ادعو لنا اوضاع الديرة تتحسن تمللت ابي اطلع اغير جو لاعت جبدي من قعدة البيت احس بختنق ابي اسافر كنت ناوية اسافر ايران اروح في الثلج هههههههههه بس الاوضاع خلتنا نغير راينا اخاف اخلي ولدي بالديرة وهذي اوضاعنا وما اقدر اخده ويانا بتعبني

اختي عمانية
سامحيني ما عندي فكرة عن المشد
أنا هذا حملي السادس وما استخدمت ولا مرة
لأن الرضاعة تنهك جسمي وأتعب فيها وسبحان الله تكمل السنه وأنا هيكل عظمي

أقلام الزمن
الله يهدي الأوضاع عندكم وتستقر الأمور
وبإذن الله تقدري تسافري وتستانسي

أشجان الغالية
نفس الأعراض عندي وتعبت من ألم أسناني مستمر الحين أكثر من إسبوعين ويتنقل من مكان لمكان
بس زوجي أخذ لي مرهم أو معجون تحطيه بقطنه وعلى الأسنان
الحمدلله وايد ريحني لأني ما أريد أستخدم مسكنات
وألم رجولي تاعبني من الشهر الخامس و حتى الحين ما قادره أنام بالليل من الوجع
الطبيبة ما قالت فيه نقص بس يمكن من الثقل

والله أنا الحليب مواظبه عليه / أعمله كل يوم /بس يمكن ما أربع حصص
بجربه مع التمر حسب وصفتك
الله يعافيك ويخفف عنك

أم شبير;15963779:
مرحباااااااااااا
اشجان الله يبارك في عمرش
ردة فعل ابوالشباب :|
جانا دكتور كبير في السن وشكله اكبر من جدي والله اعلم
هو الي سووا لي السونار وانا أتألم مالي خلق أسأل الا زوجي ينط ويسأله ولد ولا بنت
قال اعتقد بنت طبعا زوجي ماعجبه الكلام وقام يسب بالعربي قدامه يقول مااصدقك الاانت يالشايب
اقول روح بس ارتاح :thumbs_down:
انا عصبت منه لان ماكان المفروض يتكلم عربي قدام الدكتور عيب بس هو ماقدر يمسك نفسه 8o|
والحين أتكلم بصفة التأنيث عن الجنين وهو بعده موراضي
امس يقول لي كيف حال البي بي قلت له تقصد بنتنا قوولها ماتبغى تعترف انها بنت قال لا
بس بدري يمكن يطلع ولد :lol:

مثل ما قالت أشجان أول ما تجي البنت بيحبها وبيدلعها أكثر منك :adore:
انا معي ولد وأربع بنات والحين بعد حامل في بنت
بس سبحان الله لو تشوفي كيف زوجي يحب بناته ومدلعنهم وما يرفض لهم طلب / ويعامل الولد بصرامه وحزم أكثر
ودايما أقوله بتخرب علي البنات ;)

فما يهمك شي / مادام الصحة والعافيه موجوده هذا أهم شي / وبإذن الله بيرزقك بالولد والولدين :thumbs_up:

همس الـروح;15963894:

انه بعد لما دخلت الشهر السادس بطني كبر فجاة
وصار يبين .. شعور حلوو
لكن ان شاء الله ما يكبر وايد عقب الناس تشوفه واحس بتفشل خخخ :lol:

إي سبحان الله... شعور غريب... أنا بس متفاجأة لأن حملي قبل بطني صغير كلش ما يبين، حتى أذكر مرة كنا مجتمعين مع الأهل و كنت لابسة جينز و بلوزة عادية و كنت وقتها بالخامس جات زوجة عمي حرمة كبيرة و قعدت جنبي تطالع بطني و أنا ماسكة ضحكتي أدري شتفكر فيه، إلا تقولي أشجان انتي كم لج الحين؟ قلت لها الخامس... قالت ما شاء الله، و هي تطالع بطني للحين هههههههه
قالت رحتي شفتيه؟ تقصد البيبي، قلت لها إيه... قالت شفتيه كامل واضح! قلت لها إيه... قالت سبحان الله! هههههههههه أحس في خاطرها تقول ودي أصدق بس بطنج ما يأهل :lol:



الله يتمم لنا على خير F:

أم عزوز001;15963976:
احلام
ايوا لازم
اغصبي نفسك عليه ومثل ماقالت ام شبير لازم 4 حصص
الدكتوره قالت لي ضروري اشرب لتر باليوم يعني 4 كاسات ويادوب اخذ كاس مره باليوم وكم يوم لا خخخخخ
جد مانشتهي واشم ريحته غريبه بس نشكل جبن ولبن وزبادي وحليب
وربي يعين ان شاء الله

ام راشد جالسه تعلمين ع هموسه ماعلمتينا انتي وش فيك؟؟؟خخخخ

انا محتاره اصدق كلام الدكتوره ولا احساسي
بحملي الثاني كذبتهم وصدقت احساسي وصدق الحمدلله

ربي ييسر حملنا وولادتنا ان شاء الله

~أحلام~;15964039:
بحاول يا ام عزوز ..

ام عزوز واام راشد انتو شو فيكم بنوتة والا ولد ؟ :)

هههههههه ضحكتيني أم عزوز... أنا و الله للحين ما دريت شنو فيني، و قلت قبل ما ودي الدكتورة تقولي أبيها مفاجأة...
الموعد اللي فات سألتها و أنا عارفة ما راح تقول، قعدت تطالع بالشاشة و تبقق عيونها في الأخير قالت الصورة مشوشة مو واضح! قلت خيرة، عرفت بالحملين اللي قبل ودي هالمرة أتفاجأ :D

أم شبير;15964444:
أشجان انا زوجي نسخه سعوديه اصليه غير معدله اول زواجنا تعبت منه مره

الحين اقوله لاتزعل عشان اني بجيب بنت حاول مره اخرى بس اخلص الاربعين ان شاء الله بحمل على طول عشان يجينا ولد

يقول لي لو يجيني ولد اكتب له حلالي كله :hysterical:


هموسة فيها ولد ماشاء الله




يالله الولد والبنت نعمه
وزي ماالولد ينفع امه وابوه حتى البنت
انا الحمدلله هذاني بنت ماامدح في نفسي بس احسن من الف ولد
متربيه ومتعلمه ولمااشتغلت ماقصرت على اهلي بشي

ايش يبغى الواحد غير اولاد صالحين ينفعوه ويبروه

ربي ترزقنا بالذريه الصالحه


F:F:F:F:F:F:F:F:F:F:F:F:F:F:F:F:F:

بقوممممممممممم انظف الشقه اليوم وامس كل نوووم مادري وش فيني حتى طبخ ماطبخت :hysterical:

ههههههههههههه سبحان الله هالرجال عجيبين على تفكيرهم، أنا كل مرة اسأل زوجي شودك فيه، يقول الحمد لله بنت و لا ولد كلهم نعمة، ذاك اليوم صدته يسأل رشود يقوله انت شتبي؟ قال راشد ولد، قال أبوه، حتى أنا أبي ولد :| يعني غصب يبقى في داخلهم هذا الشي ههههههههه

و كلامج صح مية بالمية، أهم شي الذرية الصالحة...

الله يصلح ذرياتنا F:

أقلام الزمن;15964609:
ام شبير صح السانج والله يقومج بالسلامة يارب وتقر عيونج بشوفة البنوتة

انا حملت اول مرة ببنت وتوفت بالشهر الثامن وبعدين جبت ولد واللحين ن شاء الله بجيب بنت وزوجي مستانس وااااايد

ادعو لنا اوضاع الديرة تتحسن تمللت ابي اطلع اغير جو لاعت جبدي من قعدة البيت احس بختنق ابي اسافر كنت ناوية اسافر ايران اروح في الثلج هههههههههه بس الاوضاع خلتنا نغير راينا اخاف اخلي ولدي بالديرة وهذي اوضاعنا وما اقدر اخده ويانا بتعبني

الله يهدي الأوضاع عندكم و في بلاد المسلمين أجمعين... و إن شاء الله تتيسر لج تسافرين و تغيرين جو F:

نقاء*;15964623:
أشجان الغالية
نفس الأعراض عندي وتعبت من ألم أسناني مستمر الحين أكثر من إسبوعين ويتنقل من مكان لمكان
بس زوجي أخذ لي مرهم أو معجون تحطيه بقطنه وعلى الأسنان
الحمدلله وايد ريحني لأني ما أريد أستخدم مسكنات
وألم رجولي تاعبني من الشهر الخامس و حتى الحين ما قادره أنام بالليل من الوجع
الطبيبة ما قالت فيه نقص بس يمكن من الثقل

والله أنا الحليب مواظبه عليه / أعمله كل يوم /بس يمكن ما أربع حصص
بجربه مع التمر حسب وصفتك
الله يعافيك ويخفف عنك

سلامتج و الله...

هالمرهم ذكرتيني باللي يعطونه للأطفال حق التسنين :D
بخلي زوجي يشوف لي من الصيدلية...

و عن ألم الرجل يمكن انتي توقفين و تشتغلين واجد بالبيت... لأن قريت إن الوقفة تسبب هالتقلصات...

هذي ضريبة الحمل الله يكون في عونا و يهون علينا...


F: