نقاء*;15896230:
سبحان الله كل الحريم يتمنوا يقل وزنهم وخاصة بعد الولادة :o
بسبب الزيادة التي تحصل أثناء الحمل
لأنها زيادة طبيعية
بس أنت مادام انت وجنينك بخير ليش تريدي تزيدي وزنك خليك مرتاحة ;)
وترا ما كل حمل وولادة تمر نفس الشي
اهم شي أختي الصحة والعافية
الله يسهل لكF:
هلا أختي نقاء...
صادقة الكل يتمنى ينزل وزنه بعد الولادة، و أنا أشوف ما شاء الله اللي تزيد 15 و اللي 20 كيلو وقت الحمل!
أنا كلام الدكتورة هو اللي يحسسني إني غلط يعني المفروض أزيد ما أثبت على وزن... في حملي الأول خوفوني و قالوا الجنين حجمه صغير و الدكتور ولدني قبل موعدي بإسبوعين لكن طلع وزنه 2 كيلو و 850غ، يعني لو مخلينه يكمل كان و صل 3 كيلو و شوي بالراحة! بس ما يسوى عليّ الخبصة اللي سووها!
فأتوقع هم يبوني أزيد عشان وزن و حجم الجنين يزيد!
و على قولتج أهم شي الصحة و العافية... مشكورة حبيبتي F:
همس الـروح;15896622:
صراحة ماعندي فكرة .. جان سالتي دكتورتج .. او تجوفين النحيفات شنو ياكلون عشان يزيد وزنهم
انه بصراحة احس عكسك .. اول من حملت نقصت كيلوين لكن من دخلت الشهر الخامس واحس وزني زايد ومتنت .. حتى من كم يوم ما جفت روحي الا قاعده اصيح وقلبتها فلم عشان كنت مو قادرة اتنفس عدل وولاني متنت
هذا ومتنت بس شوي وجي مادري شنو بسوي لين وصلت الشهر التاسع :'(
ما جا على بالي اسألها، إن شاء الله الموعد الجاي بقولها... حالياً أحاول أكثر عصيرات و آكل تمر كثير و فواكه مجففة...
بس أتوقع العامل الوراثي له دور بعد! جسمي من أول ما عنده قابلية للزيادة و كلنا ضعاف في البيت هههههههه
انتي عاد لا تضيقين صدرج، هالوزن كله إن شاء الله بيروح بعد الولادة لا تحاتين... و إذا الدكتورة حست إن في زيادة مو طبيعية في وزنج هي بتقولج لا تخافين... اكلي و وسعي صدرج و تمتعي بهاللحظات F:
المشتاقة;15896648:
هلا بالحلوين
أغيب أغيب و أرد أطلع لكم
شخباركم ويا الحمل
انا هل المرة أصعب احس مع ان الكل كان يقول الأول اصعب
انا 16 اسبوع الحين حسيتو بحركة البيبي ولا بعد ؟؟
هلا حياج الله... من طول الغيبات جاب الغنايم ;)
كانوا يقولون لي كل حملة أصعب عن الثانية و أنا أقول لا الحمد لله حملي خفيف و ما أتعب فيه، بس مثلج هالحمل أحسه طول و زهقت أبي أغمض و أفتح إلا أنا خلاص في التاسع :lol:
أنا و انتي بنفس الأسبوع، و حسيت بالحركة تقريباً من أسبوع، بس خفيفة ما يمديني أحط يدي على بطني إلا راحت... بس إن شاء الله لاحقين خير...
أمس أكلم صديقتي و هي حامل بالسابع، أقولها شخبار النونو، تقول ذابحني ترفس، يعني الحين متشوقين للحركة و لما تقوى بنقعد نتشكى من ألمها :worn_out: