(دقةقلب);15914012:
السلام عليكم
دكتورة سوزي شكرا على اهتمامك باسألتنا وارجوا اجابتي وتقبلي شكري وامتناني دكتورة اني بالشهر الثامن من الحمل بالاسبوع 33 على حساب الدورة وعلى حساب اكثر من سونار
ولحد قبل اسبوعين الدكتورة كلتلي انتي بالاسبوع ال31 يعني هسة 33 بس الي صار انه حسيت بقلة حركة الطفل ورحت لدكتورة ولمن سوتلي سونار كلتلي ماء الجنين نقصان عن الطبيعي وكلتلي اني الان بالاسبوع 32 كتلها اني قبل اسبوعين جنت بالاسبوع 31 يعني المفروض هسة 33 كلتلي صحيح كلامج بس من يقل ماء الطفل يطلع العمر اقل من الحقيقي
الصراحة اني خفت ورحت دكتورة ثانية سوتلي سونار وكلتلي اني بالاسبوع 32 ومن شوفتها السونارات القديمة مال كل الاشهر الثمانية المضت كلتلي انت مفروض حامل بالاسبوع 33 على حساب الدورة والسونار وماكو اي غلط بالسونارات القديمة لان حتى واحد منهم دوبلر ملون الصراحة الدكتورة تعجبت وتكولي مااعرف وين راح الاسبوع
ومن المفروض بعد 10 ايام ادخل بالتاسع بس حسب السونار الاخير بعد اكثر من اسبوعين يالة اطب بالتاسع
الدكتورة الثانية تكول احتمال الطفل مدا ينمو رغم نبضة زين
والله مااعرف شسوي محتارة والله وخايفة كلش لان هنا بالعراق احنا ماعدنا طبيب يريح المريض ويفتهم حتى مينطون مجال تسألهم وما عدهم اسلوب وية المريض ومينطون اجابة مريحة
الله يحفظج يادكتورة جاوبيني ولا تكوليلي غلط بالحساب ..الحساب مضبوط لحد قبل اسبوعين
سؤالي هو .... صحيح المي من يقل يبين عمر الطفل اقل
زين يجوز الطفل بي فد خلل لا سامح الله
ياريت متهملين موضوعي رجاءا
واسفة جدا جدا على الاطالة بس حبيت اوضح الموضوع
عزيزتي
نقص الماء حول الجنين بؤثر بالسلب على كمية الغذا التي تصل له مما ينتج عنه تأخر في النمو
لكنه لا يزيد باي حال من الاحوال عن اسبوع او اسبوعين
ويظهر تأخر في فترة الحمل بالسونار الا ان ذلك لا يعتبر شيء مقلقا طالما وضع الماء لم يتناقص الى حد الخطوره وفي حالة تناقصه المستمر يتم اجراء ولاده جراحيه فورا
تقبلي تحياتي
د/سوزي امين ابراهيم
[EMAIL="[email protected]"][email protected][/EMAIL]