اللي جربت حبوب منع الدورة تتفضل تفيدنا

ا

ام دحومي

عروس مشاركة

09-10-2003 | 06:09 AM

بسم الله الرحمن الرحيم

السلام عليكم ورحمة الله وبركاته

تكفون بنات اللي جربت حبوب منع الدورة تفيدنا ..

س _ متى بدت تاخذها ؟

س _ و اخذتها لمدة كم ؟

س _ و متى تنزل الدورة بعد ماتوقفها ؟

كلكم عارفين رمضان قرب الله يبلغناه جميعا و يتقبل منا الصيام و القيام و صالح العمل .

بصراحة العام فطرت 13 يوم و مابي هالسنة يتكرر الوضع .. افيدوني الله يفيدكم . و يجزاكم كل خير .

ن

نــورة

مشرفة سابقة

09-10-2003 | 11:47 PM

هلا والله اختي ام دحومي

انا مره خذتها عشان كنا بنروح العمره مع ان امي كانت مب موافقه كلش لان يقولون انها تسبب التأخير في الحمل ..

المهم خذتها قبل موعد الدورة ب 5 ايام واستمريت معاها الى اخر يوم رجعت فيه من مكه وبعدها جاتني الدوره بعد 5 ايام تقريبا

عموما انتي تقدرين تسألين الصيدلي وهو يعلمج

على فكرة كسرتي خاطري 13 يوم فطرتي !! يعني تقريبا راح عليج نص رمضان :( الصراحه وايد كريهه ان اتييج الدوره برمضان :( بس يالله هذي كتبت الله علينا :)

تحياتي اختي ..

ب

بنت دار زايد

عروس مبدعة

10-10-2003 | 02:57 PM

نصيجتي ان ماتستخدمين الحبوب لانه كلها بيد الله وسبحانه وتعالى واكيد هذا لصالج انتي وصحتج.ومثل ماقالت الاخت ترا الحبوب اتاثر على الحمل

غ

غديران

عروس رائعة

10-10-2003 | 03:00 PM

كاتب الرسالة الأصلية : بنت دار زايد
نصيجتي ان ماتستخدمين الحبوب لانه كلها بيد الله وسبحانه وتعالى واكيد هذا لصالج انتي وصحتج.ومثل ماقالت الاخت ترا الحبوب اتاثر على الحمل

:cool2:

ر

روضة الدار

عروس مشرقة

10-10-2003 | 03:38 PM

ما في داعي لاستعمال الحبوب في رمضان ... إلا للضرورة عشان الحج أو العمرة وخايفة يضيعون عليج..

وحاولي قدر الإمكان التخفيف والابتعاد.. عن هاي الحبوب ... وصومي واتوكلي على الله .. ويوم بتفطرين تراج بتعوضين غصبا عليج!!!!

وارضي بحكمة رب العالمين..

والسموحة

م

ملاك الامارات

عروس متألقة

10-10-2003 | 03:47 PM

انا استخدمهم حاليا.. عادي..

وانا اعرف وحده استخدمتهن لعلاج.. بالعكس.. وايد كانوا اوكي. وحتى اتنظمت دورتها .. وصارت تيها في اوقات منتظمة..

انا الحين مجربتنها تحت اشراف دكتورة.. وقالتلي على ضمانتي.. مافيها شي. واول ما توقفين هالدوا.. بتي الدورة عادي..

ف

فتــــــــــون

عروس مشاركة

11-10-2003 | 09:58 AM

السلام عليكم ورحمة الله وبركاته

انا وحده جربت هذي الحبوب اكثر من مرة بس لغرض العمرة ..ولالها اي اضرار بناء على كلام دكتورة ...

اكلتها قبل موعد الدورة على الاقل 4 ايام وجلست اكلها لما خلصت غرضي اللي هو العمرة انهيتها ..تركت الحبوب جلست 3 ايام ونزلت الدورة علي في جميع المرات اللي استخدمها صار لي نفس الشي ..ولالها اي تأثير انشاء الله على الدورة المقبلة ...

اتكلي على الله واستخدميها قبل موعد دورتك باربع ايام .كليها 7 ايام يعني نص 13 لانك تفطرين 13 وبعد 7 ايام خلاص اتركيها بتجلسين 3 او4 ايام وبتنزل الدورة ...

بس لازم تاخذين احتياط انه لازم تاكلينهاقبل موعدها ب4 او 5 ايام يعني تاكلينهاقبل موعدها بيومين ثلاث ماينفع ترى بتنزل قدمي 4 ايام على الاقل

والله يكون بعونك ومأجورة انشاء الله

اختك فتوون

ا

ام دحومي

عروس مشاركة

13-10-2003 | 01:18 AM

تسلمين اختي نورة .. هلا فيك أكثر يالغالية ..

ماينكسر خاطرك على غالي حبيبتي ..

مشكورة للافادة اختي الله يقبل منك كل عمل صالح يارب .

ا

ام دحومي

عروس مشاركة

13-10-2003 | 01:21 AM

خواتي بنت زايد .. و غديران .. و ملاك الامارات

جزاكم الله كل خير على النصيحة ..

و كل الشكر لاهتمامكم بارك الله فيكم

ا

ام دحومي

عروس مشاركة

13-10-2003 | 01:29 AM

خواتي بنت زايد و غديران و روضة الدار

جزاكم الله كل خير على النصيحة ..

و كل الشكر لاهتمامكم بارك الله فيكم

ا

ام دحومي

عروس مشاركة

13-10-2003 | 01:33 AM

ملاك الامارات ... فتـــــــون

بارك الله فيكم و جزاكم الله كل خير

مشكورات خواتي ماقصرتوا و ربي اروع خدمة قدمتوها لي

لان 13 يوم قريب من نص الشهر و بصراحة انا افطرت اول الشهر و اخره فاعتقد انه توووووووو ماتش ..

الله يبارك في الجميع