✿... اللمة الثانية لبنات ليبيا الحرة ...✿

ستار
عطيك الصحة وطولة العمر
قدرتي تصبري على ولد مبروكة 8 سنين
والله هلبة ما شاء الله عليك
واضح انك صبورة الله اكبر عليك
اني الحق معاش قادرة نصبر
والناس كلهم امتى العرس امتى العرس لين قرفوني في عييشيتي
حاشاكم

تعرفي ستار انتي وجنون فكرتيني بواحد
طيرهالي ،، كان يجري وراي نقوله ما نبيكش يقولي لا اني نبيك
غصب عليا ومدره كبدي
وبعدين يقولي بنخطبك نقوله اهوني الحوش قدامك لكن اني بنرفضك
وبعدين يجي يقولي ما تخدميش ما تقريش
نقوله شن دخلك انت شنو وصي عليا
يقولي اني خطيبك
قريب جابلي الدمير
ولما انخطبت يقولي كذابة مستحيل تنخطبي انتي تقولي هكي مش نجي نخطبك
نقوله باه مش انت تبي واني نقولك لا
شنو تبي مني بس
ولما خلاص طيرهالي مشيت كلمت خوي عليه
ولما جي ثاني كلمت خوي
وجاه وراه الزنباع وين ينباع خلاه زي الخريف مشي يجري
ومعاش شفت ريحته من هذاك اليوم
الحمد لله
ربي يعطيكم على قيس نيتكم ويفككم من ولد مبروكة واتباعهاااا

جنون اني منزلاته
بس منزلاته من سي دي
لاني ما عرفتش نزله من موقعهم
كان في تعقيدات عليه

انتي احلى ههههه

اني كتبت قبل هني كيكة وبسبوسة


ستار صحيتي صار امك صنافة ;)

عيوني يا جنون شوية بس ونجيك

مدام موف شكلها انشغلت مع العريس
ربي يهنيييييييييييييي

هموسة قوية بكل النكت
عطيك الصحة

في بنوته سالتني على الكيكة مش عارفة توة نسيت
بس اهو نعطيكم الطريقة

اول حاجة ديري كيكة عادية المعتمدة عندك
واني طريقتي

خمسة دحيات
نص طاسة زبدة سايحة او زيت نباتي بس بالزبدة ابن
طاسة سكر عادي
طاسة ونص دقيق
كاشيكين كبار كاكاو
كاشيكين كبار امية
فانيليا

بكينج باورد (ملعقة صغيرة)

لو كيكة عادية عادي اضربي الدحي والسكر والزيت وبعدين ضيفي كل شئ

لكن لو تورته محشية افصلي الصفار عن البياض

اضربي البياض بروحه مع نص طاسة السكر
واضربي الصفار لين ينتفخ مع نص طاسة السكر الثانية وزيدي عليه الزبدة

بعدين حطي الصفار مع البياض وحركي بالكاشيك وزيدي الدقيق والبكينج باودر

الكاكاو خلطيه كويس مع مقدار المية وصبيه فوق الخليط وحركي
ادهني طاجينك وصبي خلطة الكيكة وللكوشة عدددددددددل

الحشو كان عبارة عن حشوة الكراميل وحشو كريم تشيز

كريم الكارميل
خودي طاسة سكر مع ظرفين فانيليا واحرقيهم فوق النار
لما يذوبو خلاص زيدي نص طاسة امية
مع ربع طاسة امية مذوب فيها كاشيك كبير مسوح نشاء
حركي كويس وبعدين ضيفي حكة قشطة يمي يمي يمي وطز في الرجيم

وبعد ما كل يتجانس والخليط يغلظ ويبدا مية مية ضبي فوقهم لوز احمر محمس ومقشر ومهروش

حشوة الكريم تشيز

اضربي كريم شانتيه وبعدين ضيفي ليه سكر ناعم واي نوع جبنة تحبيه
اني عن نفسي نستخدم في المثلثات وانتي تقدري اديري كيري او فلادلفيا
زيدي عليهم ظرف بودرة جيلي الاناناس مخلط في ربع طاسة امية سخونة
وحركي كويس

الكيكة زينيها بعد يوم من تطيبها يعني بايته تكون
قصيها على اثنين
تقدري ترطبيها باي عصير
بس هيا خفيفة مش لازمها اي شئ
حطي خلطة الكراميل على الجزء الاول
وخليها تبرد كويس
وبعدين حطي خلطة الكريم تشيز اللي مفروض تكون ماسكة بعض مش سايلة يعني زي الكريمة غليظة
وحطي عليها الجزء الثاني للكيكة

التغطية هي قاناج من اختراعي خخخخخ

خوذي كوب الا ربع بودرة كاكاو
مع كاشيك كبير نشاء
ونص طاسة سكر
مع كاسة ونص امية
وشوية فانيليا
ذوربيهم وحركيهم فوق النار لين يغلظو

نزليهم من النار وصبي فوق الكيكة

خليها تبرد ويزينها زي ما تبي
اني زينتها بالكريم شانتيه والشكلاته المبشورة

وخوي كتب عليها بالكريم