✿... اللمة الثانية لبنات ليبيا الحرة ...✿

هدا اليوم صار من قوة البنية التحتية تحت المطر خخخخ ... طريق جامعه طرابلس

عارفة ياحيو مازال نحن المطر ماجتيش شكلها في طريق الله قديش نحبها

والله ياملوكة لما تجي مطر الدنيا تغرق ربي يفرجها وكل شيء يقعد لاحسن

ياساتر هذا مش من قوة المطر هذا من الاساسات الي مش مزبوطة لا حول ولا قوة الا بالله

لو الاساس اكويس راهو مش هذا الي صار ربي يلطف بينا استغفر الله

لو كان سيارة طاحة فيها يارب افرجها علينا وع بلادنا يارب

ههههههههههه امي اساس يا قناعاتي ههههه !!! قالو انه بلعاني خلاهم هكي بش قدر يهرب توا !! حاسب لليوم الاسود لووووووووووووووووول

لا حول ولا قوة الا بالله !!! شي يحشم اقسم بالله ...

هادي تحت كوبري جامع الصقع

ننس حبيبتي انتي قلتي عن تجربة و بصراحة اني ما عنديش تجربة في الموضوع هذا لكن لو عرفت اي معلومة نقولك

باهي نحن طريق الجامعة توصلي لجامعة وانتي تراجي فوق من ساعة تفوتك المحاضرة وانتي تراجي في الزحمة المطر نحن تغرق في المكانات متاع اللفات تلقي طوابير طوابير ... لا حول ولا وقوة الا بالله
وخليكي من موقف اليوم صار واحد جاي من دريق المعاكس طبعا طريق طريقنا وهو الي جاي عكس الطريق يعني نقدروا بوم حادث دغري عارفة تبيبيله عارفة شنو رد قال دار علامة نصر وثورة ثورة بالله هذا شنو تدريله خلاص تبي تضحكي ولا تنزلي تعطيه طريحة والله حاله فاهمين الثورة غلط

ننس انا عطيتك ورديت عليك شكلك ماشفتيشي ... تي عارفة يابنتي تي اي اساس ع قول صاحبتي سملا علينا وخلاص
معقولة الله غالب والله قهر عندنا امل جديد ليبيا فري توه وان شاء الله تقعد احسن بلاد واحسن اساس بس بعد فترة بس مش مشكلة الله غالب قاعدين نبوا نبنوا دولة من جديد وحده وحده وعويلتنا يجوا ع دنيا في بلاد احسن ومطور ان شاء الله يارب

لا والمسكينة سيارة المية شنو تبي تحول من مية وماتحول لا حول ولا قوة الا بالله والله حال يبكي

كوبري الي قبل 11 يونيو

معقولة هكي الوضع في طرابلس ماشاء الله المطر بس الوضع خطير شكله في مشكلة تصريف المطر و لا شني ؟؟

ملوكة كتبتلك على العشاء في اللمة قريتيه

لاحول ولا قوة الا بالله وخلاص والله حال يوجع وع قولك ياملوكة يحشم بلاد نفط استغفر الله وخلاص

خلاص انا نستاذن توه .... تصبحوا ع خير .... لازم نوض نوتي خبزة عشان نوزعها اول وحده ع منتدي خخخ

تصبحوا ع خير ..... في امان الله

لا دياموند ... مقريتاش ؟؟ وين !!! عندك حد تعرفيها كويسة ؟؟ رقم ونعته !! سامحيني بنتعبك معاي

مشكلة بس ياديمنود:confused: تي هو اول ماتجي المطر نقولوا ياساتر البلاد حتغرق مشكلة كبيرة وعويصة يستر الله وخلاص :(

ديموند ربي يقومك بسلامة يارب .;)... عارفة نقول عليك شعور محلاه تحبي حاجة قبل ماتجي حتي للدنيا :adore:سبحان الله ربي مايحرميش حد من شعور الامومة يارب .....

حسيت روحي نعبر وماشفتيش :o والله انا عندي سوابق بس نقولك ايمي قالت حاجات قريبات واجد اولا هما حرام شتاء صقع عليهم بس مش مشكلة تبيلها وسعت بال وصبر واجد والله يوجعوه وهما مقعمزين حشاكم ويملوا بس من قبل نعطي فيها كراسه والوان تخربيش فيها وهيا مقعمزة يعني حاجة تلهيها وتنسجم فيها اي حاجة تحبها في وقت هذكي عطيها لها ودريلها جو تصفيق حتي لو مافيش حاجة وطبعا تقعدي ملبستيها الشمالات حشاكم متاع الحمام الي زي الشكارة مانعرفيش نوصف وزي ماقالت ايمي كل ربع ساعه تقعمزيها هيا بلبوني ولعركة لكن بشويا بشويا حتتعود طبعا دمك حيشيط واعصابك حيطربقن بس الله غالب ضريبة الامومة خخخخ ربي يعاونك .... سالتي ع العمر انا صاحبة ماما والله بنيتها سنة وممكن شهرين تخلي صغيرونة بكل علمتها :'( وجعتني بكل حرام صغيرة انا عن نفسي نحس ستنين ممتاز بس في الصيف وماتطليش بكل تقعدي معاها ممكن اسبوع كل يوم ضغط بس بعدما باذن الله تسهل ... ولو تذكرت حاجة حنقولكF:نسيت اصلا شنو كتبت في الرد الي فات:D

وحنسال الامهات اكيد هما ادري وبزبط يعرفوا .... انا نقول لماما حنجيبهم لك تعلميهم تقولي انتي عندك وسعت بال ليش ماتعلمهيش انتي نقوللها لا نحس في روحي حنوصل لمرحلة نبي ننفجر خخخ عويلتي مانقدريش خخخخ
وحنسالك ع الدكتور جلدية باذن الله بس حيكونوا شاهد عيان خخخخخ


خلاص انا تصبحوا ع خير

كيف عرفتي ههههههه

الحق الحق انى تعجبني هلباااااااااااااااا خديجة المسلاتي ,,, نموت فى ماكلتها ,,

واليوم الحق كلمت ام اروي اللى معانا فى المنتدي مرات بنت حماتي بتحجز عندها ماشاء الله عليها اسلوبها حلووو بس الحق قاعدين مضقناش ماكلتها ,, بس شاكرينهالى ,,

ننس ودايموند منورين ههههه

ننس جبتي ولا مازال