✿... اللمة الثانية لبنات ليبيا الحرة ...✿

السلام عليكم
كيف حالكم يابنات

فيكييييييييي كيف حالك والحمد لله على سلامتك ، وليك وحشة

قولي ولا يهمك ننوسة

السلام عليكم ورحمه الله وبركاته

سارة ربي يفرج همك يارب

فيكي ماشاء الله تسلم ايادي تهبل الكيك واشغالك يعطيك الصحة

هنو ولولو حرام عليكم حسيت روحي انا الي حامل بطني وجعتني بكل

ربي يسهل عليكم كلكم يارب ماتنسونيش من دعاء اهم حاجة لو تذكرنينا ربي يسهل عليكم

سلام للموجودك كيف حالكم؟

مروجة الحلوة كيف حالك؟ شنو صار في الحج ان شاء الله صار منها

بنسالكم وين نلقي الطرق الي في صفحة فانيليا الي ع فيس؟

اهلين مرج حبيبة الله يسلمك والله حتي انتي ليك وحشة هلبة هلبة

قولي ننس ولا يهمك

اهلين تحكمني حبيبة كيف حالك وعيونك الحلوات ..شن صار فيك حبيبة امتي عرسك؟؟

ان شاء الله يا تحكمني غير ادعيلي ياربي ، حطينا الجوازات في القنصلية السعودية ونستنو في الفيزا ، ونستنى في حماتي بتجيني نهاية الاسبوع باش تقعد مع بنتي

تحكمني افتحي الفوتوس تلقي التصاوير كلها هي مقسمتها كاتبه تحتهم الطريقه

ماشاء الله مروجة ربي يسخرلك الحال وتمشي للحج ..بالله عليك ماتنسيناش من الدعاء تو نبعتلك نفكرك تدعيلي

ننس عندك حق هو المشكله ان التوار مش جيش نظامي فهلبه حاجات داروها غلط ومايعرفوش شن هيا جرايم الحرب وماتنسيش ان الي شدو القذافي توار مصراته ياناري الي شافو الويل منه وسلط عليهم العبيد لكن اني اعتراضي انهم يعرضو التصاوير علي الملاء مفروض ما وروش كل شي

ننوسة نفس كلام اختي حتي هي طيبة زيك ..اني نقولك تبي تحسي ان اللي صار يستاهله واكتر افتحي على اليوتيوب وشوفي الدكتور المصراتي اللي يقولوله قول الفاتح ولا الشيباني الزليطني اللي يعذبوا فيه ولا مجزرة حوش قدروة في سوق الجمعة ؟؟ ولا امهات ضحايا بوسليم ..تو تحسي ان اللي صار فيه طبيعي جدا وممكن تقولي غريبة قتلوه من غير تعذيب ..صدقيني هاذي حكمة من ربي ان ذله قدام الناس كلها وياداير يا لاقي

حتي اني اوجعني لما شفته الفديو يضربو فيه

بس تعرفي امشي لي فديوات اقدم صور اسري يضربو فيهم الكتائب وخصوصا الشيباني امتع زليطن اللي يجرو فيه
وشوفي امتع دكتور احمد عاش لفاتح وتفرجي عليهم بس شوي مرة تانية حتقولي يستاااااااااااااااااااهل اكثر من هكي ..

حتي اني هكي صارلي بس شفت فديوات هو شن دار معاش سخفني بلعكس قلت لو يقدر يعيش تاني ويبهدلوه تاني

السلام عليكم

لووول فيكي نفس كلامي ههه

اني اتمنيت انهم يصبروا شوية لين يشوفوا رأي الشرع في نهاية القذافي..لكن والله كله تسخير من ربي ربي كاتبله يتبهدل وينذل قدام الناس كلهم بش يبرد قلوب ضحاياه

بصراحة يا ننس حتى اني في البداية فقط تعاطفت معاه شوية .... وبعدين ولالي عقلي وتفكرت الطلبة يلي عدمهم في 84 وخلى جتثهم في التلاجة من غير حتى يرحمهم بالدفن ، وبعدين تفكرت مصراته وشن دار فيها وتفكرت المقابر الجماعية ..... وتفكرت التعليم والصحة ، وتفكرت الناس كيف يقتل فيهم بالبارد ويحط فيهم في شكاير ويكتب عليهم جرد مخرب في بداية الاحداث ............. وبعدين ليبيا كان مدايرها محميته هو ولاده فقط ، والله يا بنات ولد عمي صاحب سيف هلبا وديمه يركب معاه في السيارة ويقول الله قداش يتهزوا على الشعب ، تعرفي يعاملوا في الشعب كانهم خدم عندهم ، لان ليبيا زي حوشهم هما فقط ، يعني ملكهم فقط