✿... اللمة الثانية لبنات ليبيا الحرة ...✿

بنات كنت في الشارع
مروحة من جامعة السواني
وخطمت على كل المناطق الحيوية في طرابلس
والحمد لله الرصاص يعني مش هلبة
والحق مش الثوار يضربو
مرتين شفت رصاص من رجالة كبار لابسيين مدني مش من الثوار بكل
والثوار يعاركو ويدشو اللي يضرب في الرصاص
وجيهة الهضبة الشرقية كان فيها شوية ناس تضرب فوق وما عرفتش نصور غادي من كثر الزحمة والناس الزايطة
على فكرة حتى بو سليم الناس كلها في الشارع
بس هذاك الوقت ما خطرش ليا نصور كنت خااااايفة ومش فاهمة شئ هههههههههه

شوفو فرحة الليبيين
حتى الوجوه نااااااااااايرة ما شا ءالله

سيمافرو مصحة الامل



راس حسن وقعمزت غادي لان زحمة هلبة











شوفو شبابنا كيف يسيرو في حركة السيارات
جنب قصور الضيافة



اول ما وصلت لزنقتنا لقيت بنات العمروص (سوق الجمعة) فرحانات ويزغرطووووو
قلت لازم صورة حتى من التالي المهم نورو كيف الشعب فرحان بشدانه



على فكرة الفرحة والناس الهايجة هذا كله على خاطر شدوه
هذا الوقت مازال ما وصلش خبر موته وما طلعوش صور ليه

الله اكبر الله اكبر ولله الحمد