✿... اللمة الثانية لبنات ليبيا الحرة ...✿

هنو2

تسلمي حبوبتي الحمدلله بخير يدومه عليا وعليكم





صوته

ح نرد عليك بشكل عام ف كل االامور الي يمكن تنقال لراجل حتى لو بعيد علا اهله



شوفي هوا حسب المشكله مش كل شي ينقال

وكل تفصيل تافه وبسيط بينقال ونكبروه لان نخلو التكبير للمشاكل الحقيقه فعلا مش لمزه ولا غمزه ولا ضحكه ولا نقد ولا كلمه جارحه نديرووو منهم مشاكل ونحكوو ونشكووو


في مدامات كل حرف وكل شي يقولووه ويكونو حساسات زياده وهكي تكون نكدية وحرفه وديما تنق بلا ماتحس بروحها




اهم حاجه ف الحياة مع الراجل مش انك تقولي او لا


لالالالا الموهم التوقيت والطريقه


يعني اختيار توقيت مناسب حسب طبع راجلك تحكيله فيه يكون

مثلا مثلا متغذي ومقيل ويشرب ف قهوة بعد القايله او شاهي او النسكافيه بتاعه وتجيبها الحاجه وسط هدرزه بشكل مبسط وتشوفي لو حسيتي متقلب للكلام تتوسعي وتشكيله مشكلتك كلها وزي ماتحبي لو تبي مع دمعيتن ولا زعل حسب قوة الموقف واثاره فيك


لكن مايجيش مثلا مروح من خدمته ولا ياكل ع طاوله ولا معاه اصحابه ولا ف تلفون اتخبريه او تناقشيه لانه مش فاضي وتركيزه بيكون مش معاك


الا لو كانت حاجه خطيرة وطارئه


لان الرجاله بشكل عام مايحبوش المراه الي تفجعهم وتنط بالمشكله ف اي وقت ووولا يحبو المراه الي تعشق التفاصيل << زي عروسة ليبيا هههههه



وف الاخر هادا بشكل عام

لكن في خصوصيه واختلاف من راجل لتاني ومن زوجه لي تانيه وكل وحده وشاطرتها

كل وحده مع الوقت تعرف طباع رجالها بعد العشره والحياه اليوميه وتعرف امتى يتقبل المشاكل او النقاش او الشكوة وامتى لا

وح تعرفي انتي برضو هالامور مع الوقت ووووومع ممارسات اليوميات بتاعكم والتعايش اليومي




وبس